em mohamed :

السلام عليكم كيف اخباركم اليوم؟ قرين ستار ايوه امدايرين برنامج حفظ بس ما زال ما حد سجل قالن باهى وما فيش وحده قالت انا اليوم بنحفظ بالنسبه لى اليوم ما حفظتش حاجه الصبح كله مشغوله هذا وين جابولنا باقى الاثاث تخيلن من شهر ديسمبر واحنا دافعين حقه ونستنوا واليوم بيش جابوه لنا وحايسه مع العمال فى الترتيب ,, بس قهرنى السواق يا بنات (واحد تركى حشاكن ما يفهم شيئ وداير روحه فاس وفله ربى يهديه) ايشوف فيا بحجابى ويقول هذه اكيد ما تفهمش حاجه فى السياسه ما يعرفش ان احنا اكثر شعب يموت فى السياسه قالى انتوا من وين قلت له من ليبيا مشى طاح فى رئيسنا والله ما تحملت قلت له انت بيش طق فيك ؟ وانتوا ما رفعلكم اقتصادكم ألا التجار الليبيين روجولكم بضاعتكم ,,,, وقعدت متحمسه واندافع اللى ايشوفنى ايقول هذه شنو قصتها هههههه الواحد لما يستفزوه تطلع وطنيته سبحان الله ,,, وخلطها وجلطها ما عقب فيدل كاسترو لا تيتو لا تشى جفارا لا كمال اتاتورك ومستغرب انى نعرف عليهم معلومات خخخخخ لو كان راجلى قاعد راهو شنقنى ,,,, ما علينا الكلام فى السياسه ممنوع ,,,, حياه الجهاز مكتوب عليه المرتل بس وهو زى اللى فى الصوره ممكن تلاقيه فى محلات الالكترونات أنا ما نعرفش اى معلومات اخرى لو كان هذا رانى دورته فى النت لقيته فى موقع اى بى بس حاطينه ب 120 دولار امريكى يعنى اضعاف اضعاف انا ما نبيش غير اسم الوكيل او تليفونه وانا نتعامل معاه عادى مديرة المدرسه الاسلاميه فى لندن قالت لى لو تقدروا تساعدونا وتوفرولنا الاجهزه بيش ايبوعوهن للطلبه وانا وعدتها انى اندير محاولاتى .... عموماً ما نبيش انتعبك لو صادف وقابلك الجهاز بلغينى بعنوان المحل وربى ان شاء الله يسخرلك الخير ونفرحوا بيك حتى انتِ اسمعى انا اعز صديقاتى مصراتيات لعيت قرقوم وجديدتى مصراتيه(ام بوى) لعيت الرملى بس مولوده فى بنغازى لكن عندها اولاد عمها فى مصراته ومرات ايجوا ينشدوا عليها . امشيمشه سلم حالك احنا طيبيين واهو خذينا على الجو الله غالب قولى وين ماشيه اتنسرفى لنص مارس ؟ الحاله صقع ومش وقت دهوره بالصغار هههههه يا بنات اليوم سلفيه ما بانتش اسمعتن عنها حاجه بالك المرا جابت ؟ باقى البنات وكلكن بدون تحديد ان شاء الله طيبات وديما ملتمات على الخير ومرحبتين بالجدد بيتكن ومطرحكن كيف ما ايقولوا ..

السلام عليكم كيف اخباركم اليوم؟ قرين ستار ايوه امدايرين برنامج حفظ بس ما زال ما حد سجل قالن...

ذات الهمّة :

ماشاء الله عليكم وعلى تجمعكم واحد يغيب عليكم شوية معاش يلحق اهلا بكل البنات الجديدات انستونا وشرفوتنا المنتدى منتداكم تقريصتى وين غاطسة طميننا على صحتك وقفتى الريجيم والالا بصراحة ضميرى انبْنى اول مابعتللك برنامج الريجيم وقلتى انا ارضع فى بنتى وزعلت جدا عندما سمعت بهبوط دمك حاولى حبيبتى ان تأخدى العسل مع الحبة السوداء امواج البحار كيفك ماشاء عليك ديمة منورة وسلمك نشادة على الجميع وربى يرزقك ببنوتة ثانية حياة حلوة التصميم حلو جدا وتسلم عبقريتك قوللى وين لقيتيه وكيف نزلتيه انشاء ما كثرث عليك عيونى سهارا كيف حالك ومعاش تغيبى علينا ونبى نعرف على اللوك الجديد شنى درتى ام مودى وميمى ماتغبيش علينا طلتك مميزة فى المنتدى مرام كيفك انتى والبرازيل يقولون عندهم طبيعة حلوة حاولى ان تصورين لنا يعض المناطر عيونى ام محمد ماشاء عليك حتى انتى ليك بصمة جميلة فى المنتدى ومنورة هلبه هلبه طمنينى سلامات ولنا عودة :)

ماشاء الله عليكم وعلى تجمعكم واحد يغيب عليكم شوية معاش يلحق اهلا بكل البنات الجديدات انستونا...

ليبية100 100 :

السلام عليكم كيف حالكم كلكم شكرا لنصائحكم امواج البحر ,حياة حلوة وسلفية 1 حاولت طريقة النوم بدري بس هم دايريين بالدور يرقد الكبير سنتين تقريبا والثاني ينوض ثلاث شهور ماما تقول هذي صعبة لان هم الاثنين اصغار وما يفهموشانا ما نبيش اندوخكم بكلامي . ليا يوم بس ما فتحتش والصفحات كثرن مش املحقة علكن ما شاء الله تبارك الله علينا نحن الليبيات انا مازلت جديدة فمن الصعب ان نحفظ اساميكن بس والله امنورات عندي سؤال كم ليكن تتلاقن علي المنتدي علشان نحس فيكن عارفات بعضكن كويس. اللمهم انا توا نبي نشوف وليدي الكبير يبي حليب ونتلاقى بعدين.:) اهو توا قعدت شوية علي النت دارلي فالطة كب الحليب علي الفرشة نمشي نمسح اللي داره.مع السلاـــــــــــــــــــــــــــــــــــــ مة وادعولي ربي يصبرني............. ليبية 100 100:26:

السلام عليكم كيف حالكم كلكم شكرا لنصائحكم امواج البحر ,حياة حلوة وسلفية 1 حاولت طريقة النوم بدري...

اامل حياتي :

كيف حالكم اليوم ان شاء بخير ياريت اللي مقيمة في بريطانيا تقولي قعدت بروحي ما نعرف حد امل

كيف حالكم اليوم ان شاء بخير ياريت اللي مقيمة في بريطانيا تقولي قعدت بروحي ما نعرف حد امل