صباح الخير
عيوني .. البحار ..سلفية ...G Libya ..مشيمشة...ام محمد...اريام الحنين ....ليبيا قلبي... تقربصتي ...هناء13... مرت راجلها ...ام مودي وميمي ..good life ..مراااااام ...ذات الهمّة ... مدام علي... زوبة الحبوبه ..لوشا..ام لاء...لونتى الحلوة ....greenstar ..ام تقى الدين ...almsbahi ...TITNK ....طالبة عفو الله ...ليبية100 100 .....de lyon.... ام السنفور.... مهاد
وفاء المبروك....* براءة * ...فراشة.. بهراء ....حواء118 ...بتول...nonasemo .. maramkhalid .... مدعاة السرور ... A7LA*DAL3*.... albaresih... am &ams .. Homaa ...سومة سيف ... جنان.... Misteriosa ... libyan_girl ... om raya ...meana ... ليبية ...Lole89...nigood....gumati
ان شاء الله تكونوا بخير جميعا
السلام عيكم

السلام عليكم

كيف حالكم اليوم

سلفية
ان شاء الله لا باس عليك

انا ان شاء الله بنبدا نحفظ معاكم ولكن انا قبل حفظت من سورة الناس بالاحكام وصلت في المطففين بنراجع اللي حفظته بيش ماننساش الاحكام وبنكمل ان شاء الله

نسيت نقول لكم هنا في المكتبات يبيعوا في المصحف اللي حروفه ملونة بالاحكام يعني كل حكم عنده لون
يساعد في فهم الاحكام وسهل

سلامات

السلام عليكم ورحمة الله وبركاته كيف حالكن ياحلوات والله اشتقتلكن ..عيوني الحمد لله علي سلامة عموري ماشاء الله ماشية ليبيا في ابريل ياعوينك معناها النيو لوك ماشية فيه علي اصوله ابعدك غادي غير قولولهم هذي عايشه برا ايحطوك الناس تحت الميكروسكوب شنو لابسه كيف معاملتها لاطفالها كيف اتعامل مع الناس وخوذي وبالنسبة لماركة بودي شوب حتى انا نستعمل فيها نستعمل في لوشن الجسم روعة واستعملت كريم التشققات امتاع الرجلين روعه ونستعمل في زبدة الجسم بخلاصة اللوز ولايدي بخلاصة الشيا اتخلي اليدين كيف الحرير وريحتها تكفي بس انا مشكلتي عندي الاكزيما في يدي والله امتعبتني انفكر اني نشري غسالة لماعين لكن شفت في المنتدى اللي تشكر فيها واللي اتذم معش عرفت كيف اندير مع اني نستعمل في القفازات لكن الحاله هي هي

السلام عليكم و رحمة الله و بركاته

صباح الخير علي الحلوات
كيف الحال و الاحوال و شن الاخبار و ما الجديد عندكم

ما شاء الله كثرنا {الحوت علينا ما ننعدوا}
سامحوني يا حلوات بالاخص البنات الجدد لان الخريطة بدت تهرب مني و بديت نتلخبط ما بينكم فاريت اللي تخش تحكينا نبدة عليها و تعرف بنفسها بش نقدروا نميزوا

هنيدة
اهلين و مرحبتين , انستي و شرفتي
و عرفينا عليك اكثر , كم ليك في ماليزيا ,كم عندك صغار ....الخخخخخخخخخخخ

ام محمد
سامحيني من دهاب شيرتي ما باركتلكش علي الاثاث
مبروك عليكم و انشاء الله تبيدوه بالهني

امواج
مبروك عليكم الطاولة و الكمبيوتر و تبيدوهم بالهني

حياه حلوة
باهي صار قرب يكمل السيمستر موفقة و انشاء الله بالنجاح
و الجلبيات و العبايات نستنى في مرت عمي تمشي لدبي بش تشريهملي و سامحيني ما انتبهتش لسؤالك امس
حياه صح مش تخصصي لكن كان تبي تسألي علي حاجة في تخصص الجلدية ممكن نقدر انفيدك

سلفية
باهي ياحنة الي خشتي اليوم و الله يسرلك امورك
صار دين و جغرافيا:hahaha: :hahaha: :hahaha:

هناء
الحمد لله الي جتي و اطمنا عليك , وكيف حالك و حال عويلتك
عندك حق و هدا الي خايفة منه , توا اني مدايرة حملة علي روحي و مش عارفة نشري حوايج جدد و الا لا خليني بالقدم و خلاص , لان حتي كان نشري نستخدمهم في ليبيا و خلاص هني لبسي كله عملي و خلاص يعني بتلوحوا بعد ما نرجع

غادة
بارك الله فيك و يجعله في ميزان حسناتك
و خيرك بالمختصر , شن حددتوا و الا مازال
ابدي وتي في روحك بالشوية خير ما يجيك كله مرة وحدة
و يارب يسرلك امرك و يوفقك

ام مودي وميمي
صار حالك زي حالي مدايرة حملة علي خاطر مروحة
تعرفي فكرتيني بحاجة
بابا مشي لمنطقة في غريان و روح بيموت من الضحك و لما اسألناه قال في مزين مكتوب عليه
اتخشي قردة تطلعي وردة و قال من مازال بتخشله
و ياحنة اسم عيوني سهارا جي بالصدفة لاني كنت اندندن باغنية وعيوني سهارا

ذات الهمة
ان شاء الله بري يرزق بالذرية الصالحة عاجل غير اجل
و بارك الله فيك علي خدماتك
اني نتعامل مع مزين نادية الجزائرية و ماما تحب فيكي في القص و كان تعرفي حد كويس قوليلي

مشيمشة
تمشي و تجي بالسلامة
enjoy your time
و شن اخبار الريجيم بعد غدوة تسجيل اول نتيجة

مهاد
ومن سمعك , كلنا نتمنوا فيها السعودية

ليبيا قلبي
ياقلبي انت , تعالي و هدرزي وينك
بعد غدوة تسجيل اول نتيجة
اني اليوم اول ما نضت وزنت لقيت ما نزلتش غير كيلو واحد يتيم:06: :44: :mad:

تقربصتي
انت زوز بنات و اني زوز ولاد الله يحفظهم
وشن الريجيم الي توا تستخدمي فيه انشاء الله يكون مش قاسي و متوازن

اريام الحنين
وينك و الا خلاص مليتي مننا لفيتي دوتنا هلبة

مرام
وينك نشوف في اسمك و ما خشيتيش اتهدرزي

باقي البنات سامحوني ايدي وجعتني لآن عندي carple tunnel syndrom
وايدي توجع و اتنمل
تحياتي توا
و راجعتلكم باذن الله

السلام عليكم ...كيف حالكم فردا فرداكنت اندير فى بروفة الرسالة اللى فاتت ..سألت حتى على نفسى ههههههه....كيفحالك ام مودى وميمى ...انى اسمى واخداته من زوجى النجم الأخضر هدا يخش بيه فى الكورة ...لأنى قد ما كتبت اسامى كلهم واخدينهم ...لين قلت معاش خلو أسم فى الدنيا هههههه
النجمة الخضراء ....ودلعونى نجيمة ههههههههه
أم ألاء ...وين اديارك مغطسة ....عسى ما شر ...عساك بخير
أمواج ..منورة الصفحات بالخط السماوى ...توا معاش بنطلقك لين اتقوليلى كيف نكتب بالخط الملون
درت زى ما قلتى لى وما باش يطلع ...درت الرقم واللون..ماكو فايدة ..متأثرة بالخليجى
هيا ديرى لى شرح بالتفصيل المفصل وبالفصل ...هههههه نبى دورة تعليم
ام محمد ...الله يبارك فيك عالدعوة الباهية لقراءة القرآن ,,ومبرووك الأثاث اتبيدو واتجددوا
انى شفته الموقع ممتاز لكن انى حافظة برواية قالون وهدا برواية حفص هكى بنتلخبط ...وبالنسبة
للأحكام ما نفهم فيهم حاجة نحس فيها صعبة ..وتبى شرح ..مش عارفة هذا راييى
سلفية ...ربى ايقومك بالسلامة ...ولاباس عليك عسى ما شر ...توا أهم حاجة تمتى على رجليك لين
تعرفيه مشى ...انى زمان{حتى امس نقول زمان } نمشى فى درجة حرارة..6 تحت الصفر ومسافة
حوالى 5 كيلو أو أكثر لين انروح مادة لسانى :09: وان شاء الله يجيب نتيجة
محسوب انى خبرة فى الحمل {{عندى بنوتة وحدة }} جبتها فى 2ـ1 ـ2007
انى اليوم زى السكرانة وما تلوموش عليا مانقدرش انكمل البارح بنتى دارت لنا ليلة بالطبيلة
ورقدنا الساعة 6 الصبح حتى الفجر ولا ما صليته ..استغفر الله ما قدرتش
تعرفوا توا كتبت صفحة طويييييييييييييييييييييييييييييييييييييييييييييييييييييييييييييييييييييييييييييييييلة
ووليت للصفحة اللى قبلها مش راحت منى رسالتى ...قريب انجلطت بعد ما تعبت فيها لين ظهرى اتكسر
وعيونى ولو حمر
باى باى اعييت