السلام عليكم
كيف حالكم اليوم
سلفية
ان شاء الله لا باس عليك
انا ان شاء الله بنبدا نحفظ معاكم ولكن انا قبل حفظت من سورة الناس بالاحكام وصلت في المطففين بنراجع اللي حفظته بيش ماننساش الاحكام وبنكمل ان شاء الله
نسيت نقول لكم هنا في المكتبات يبيعوا في المصحف اللي حروفه ملونة بالاحكام يعني كل حكم عنده لون
يساعد في فهم الاحكام وسهل
سلامات
السلام عليكم
كيف حالكم اليوم
سلفية
ان شاء الله لا باس عليك
انا ان شاء الله بنبدا...
الله يسلم حالك احنا بخير شنو حالكم انتوا وربى يعينكم على الصقع ما بعيدكم انتوا وعرب سسكاتون مشيمشه حتى هى ربى يكون فى عونها
غير ليش لاصقين فى الصقع اقربونا جاى بيش تدفوا اشوى ,,,
احنا فى انتاريو وتشوفى فى السميطرى بعيونك وصور عيونى اكبر دليل
بكرا قالوا الحراره بتقعد 5 فوق الصفر بنطلعوا فى شورتات على هكى (ههههه)
ويا حنا تجربتى مع صغارى لو كان مش من المدرسه رانى ما قدرتش
بصراحه المدارس الاسلاميه روعه فى المراحل الاولى
حطيتهم فى الجى كى والاس كى فيهن
فيحفظوا من المدرسه
ولما ايروحوا انا نراجع امعاهم فى الليل قبل النوم
فى السنه الاولى حفظوا لعند سورة البينه
والسنه اللى بعدها حفظوا لعند الفجر وبدوا من جديد من المعوذات
وبعدها لما نقلتهم للعامه جبتلهم المدرس امتاعهم اللى فى الاسلاميه ربى ان شاء الله يبارك له فى صغاره اسمه عمو ظافر (سورى) ايجيهم يوميا ساعه يعطيهم عربى وقرأن
طبعا هو كان بعطى فيهم بمعدل خمس ايات يوميا ويردد امعاهم والباقى يعطيهم عربى قراءه وكتابه وهذا اللى سقم عندهم الخط ديما واجبات وركزلهم على الكتابه على السطر احسن حاجه وجبتلهم منهج ليبيا هو اللى يقرى فيهم منه على الاقل لما انروحوا امواكبين البلاد يقعدوا
المهم انا وظيفتى انردد امعاهم الايات الخمسه بعد ما يمشى المدرس نين يحفظوهن وهكذا نين يكملوا السوره
مرات السوره يقعدوا فيها شهر خصوصا جزء تبارك السور طوال وصعبات اشوى عليهم زى سورة الجن انا بروحى ما حوتك حفظتها
المهم كمل امعاهم المدرس جزئين هذا قبل الصيف السنه اللى فاتت
بس بعدها مشينا لليبيا وطار كل شيئ فى الثلاث شهور اللى قعدناهن غادى
ولما رجعنا بدوا فى الجامع هذا والشيخ بادى معاهم جزء قد سمع وانا انراجع لهم فى الجزئين الثانيان كل يوم مجموعة سور
والصغير سريع الحفظ ما شاء الله انتِ ابدى مع عيالك كل يوم ايه وحده ورددى وهو يكرر وراك بيش ينطق صح وما تكثريش عليه وشجعى بالهدايا والالعاب
انا كنت دايرتلهم استكرز وكل واحد يحفظ انلصق له صوره قدام اسمه كتشجيع
هذا غير الهدايا والالعاب كل ما يطلبوا منى حاجه انقوللهم لما تحفظوا نشريها لكم وفعلا كانوا يحفظوا وانا نعطيهم المكافأت
وهذه مش فى الحفظ بس يا بنات العيل ديما يبى تشجيع بالكلام وحتى البوسه منك تعطى مفعولها
المهم كررى الايه حتى فى اليوم الثانى وما تعطيش ايه جديده نين يحفظ الاولى
اهم شيئ ما تستعجليش عليه وديرى زى المنهج
يعنى حتى كل شهر سوره تكفى
وربى يعين كل الامهات ننقانها مسئوليه ربى يقدرنا على تربيتهم وتنشئتهم على طاعة الله
وما تنسنش الدعاء الدعاء الدعاء ....