ام محمد ربي يحفضلك اعيالك من كل شر يارب ياكريم ما شاء الله ولاحول ولا قوة الا بالله العلي القدير وربي يزيدهم اكثر واكثر وجميع اصغار المسلمين وفعلا كيف ما قلتي الغربة مرات تكون قي صالحنا لوكان في بلادنا رانا موش متقربين كيف توا في الغربة من الله تعرفي والله انا كنت لانعرف الاستغفار ولا التسبيح غير انصلي وندعي وخلاص واخذتني الدنيا انقكر غير في اللبس والمكياج والمات والافراح صاح كنت نلبس في وشاح وطويل لبسي ولما نمشي لاهل راجلي من اول ما نخش للحوش نحول الوشاح من علي شعري يعني قدام خوت راجلي بدون حجاب وراجلي موش راضي وكم مرة فتحلي موضوع الحجاب وانا نمشي فيه ..حكيتلكن قصة حياتي تحملني حبيباتي ..شنو رايكن في الشعر:hahaha: المهم لي قريب شهرين وانا مداومة علي الاستغفار والتسبيح الحمد لله حالي تحول من السئ الي الاحسن الحمد لله تعرفن يابنات كان راجلي لما يفتحلي موضوع الحجاب حاجة اتغم علي صدري ويتحول الموضوع الي مشكلة لان الحجاب اللي يبيه جلباب ومحرمة تكون بيضاء يعني الحجاب الشرعي تو انكمل بعد اشوي انعدي اندير العشاء

السلام عليكم جميعا
عيوني .. البحار ..سلفية ...G Libya ..مشيمشة...حياة حلوة...اريام الحنين ....ليبيا قلبي... تقربصتي ...هناء13... مرت راجلها ...ام مودي وميمي ..good life ..مراااااام ...ذات الهمّة ... مدام علي... زوبة الحبوبه ..لوشا..ام لاء...لونتى الحلوة ....greenstar ..ام تقى الدين ...almsbahi ...TITNK ....طالبة عفو الله ...ليبية...Em Mohamed......de lyon.... ام السنفور.... مهاد
وفاء المبروك....* براءة * ...فراشة.. بهراء ....حواء118 ...بتول...nonasemo .. maramkhalid .... مدعاة السرور ... A7LA*DAL3*.... albaresih... am &ams .. Homaa ...سومة سيف ... جنان.... Misteriosa ... libyan_girl ... om raya ...meana ... ليبية ...Lole89...nigood....gumati ...هنييدة .....امواج البحر........و ان شاء الله مش ناسية حد..
انا بخير وعويلتى الخمد لله بخير بالنسبة لي نبذه عنى عندى وليدين الكبير سنتي والصغير ثلاث شهور شرقاوية مغتربة في المانيا من سنتين وباقي سنتين شنو اخري تبن ؟ انا توا نبي نقصقص ممكن؟
انتن في غربة لسبب دراسة او شغل او غيره؟ ممكن السؤال هدا شوية قصقصة,انا مغتربة لسبب الدراسة انا اول من جاوب؟ توا الساعة احداش ليلا والصغير مازال ما رقد وانا نبي انطيح علي وجهي والعيون يتسكرن بروحن..
تصبخوا علي خير شكله بدا ينعس. هيـــــــــــــــــــــــــه داير روحها فرحة هههههههههه
مع السلامة
بعد خطرها حتى انا معاكم ان شاء الله في الحفظ
مع السلامة ليبية 100 100

صار االسبوعين اللي فاتن موقف فتحلي فيه زوجي موضوع الحجاب سبحان الله يابنات قبل كنت نضايق من الموضوع المرة هذي تقبلت الموضوع بصدر رحب وسبحان الله اليوم اللي بعده جانا خوه وكنت نطلع عليه بدون حجاب لقيت نفسي نلبس في المحرمة والجلباب بدون مانكون متضايقة حتى زوجي تفاجا لما طلعت عليهم والله يابنات هذه من كثرة االاستغفار وديمة ندعي في كل وقت ان ربي يهديني وان شاء الله يهديني اكثر واكثر حبيت نحكيلكن تجربتي مع الاستغفار والابتعاد عن الغيبة والنميمة اللي كثرت ..ام محمد انا نعرف عيت قرقوم ولد عمي مراته العيت قرقوم ونعرف عيت الرملي سلفتي العيت الرملي وبارك الله فيك علي علاج الاكزيما تو انجربه وان شاء الله نبرا منها والله امتعبتني وبالنسبه البسي انا نلبس في وشاح اومحرمة حسب لون اللبسة ونلبس في قفطان العند الركبة طوله شنو رايكن قي الوصف المهم وتحته بنطلون علي الموضة توا هذه في ال صيف اما في الشتاء نلبس في بالطوالععند الركبة وتحته بنطلون جينز ولا بالطو طويل تو في الصيف موش عارفة كيف اندير مفش محلات تلقي فيهن لبس مستورربي يستر

ليبية مرحبتين بيك في تجمعنا حتى انا شرقاوية لي ثلاث سنوات السويد ومتغربين للعمل حبيبتي وعندي اوليد 5سنوات وبنيه سنتين ..ام مودي انا سميت نفسي هناء لالنه مقارب لالسمي وبلنسبة لسكراب مكتوب عليها زبدة بخلاصة الشيا نوع فاكهة للبشرة الجافة جدا والاخرة نستعمل فيها الجسمي روعة مكتوب عليها زبدة للجسمبخلاصة اللوز للبشرة العادية والجافة استعمليها حتىللرجلين اتخليهم ناعمات وربي يوفقك في النيو لوك ..امواج مبروك الكمبيوتر والطاولة والتلفزيون ونبي نسالك علي الدش واشر شنو ماركتها ..حياة حلوة اخبارك ان شاء الله بخير ماشاء الله تاخذي في دورات في الطبخ ..غادة يعوينك كنت عند خوالك اطلعي وادهوري قبل ما تزوجي وتبدا المسئولية ..مشيمشة كيف حالك انتي والصغار وباقي البنات ان شاء الله اخباركن بخير بكرة انكمل والله تعبت تصبحن علي خير يا احلى ليبيات

امواج ياريتك اتجيبيلي العلاج امتاع الاكزيما بيش انجربه هو والحلبة اللي قالتلي عليه ام محمد