امواج البحار :

السلام عليكم ... كيف حال اوخياتي كلهن ان شاالله طيبات ... شكلهم العويلة كلهم مرضي لاحول ولاقوة الا بالله ... انتبهن يابنات هذا وقت تغيير الجو وتقلبه وكثرة المرض واهم حاجة اللبس مش تخفيف وبعدين تردين الثقيل للعويلة ... وعويلتي الحمدلله اليوم صبحو كويسين ومشو للمدرسة ... واحد منهم يلى كانت عنده الحرارة ... ياربِ كيف ضغف ووجيه اصفر !!! اليوم لما شيلته للمدرسة قلت خلينى انساعده ونشيل البوت بتاعه ونلبسه سبيدرو المدرسة وحولتله جاكته وهذا كله الابلة بتاعه تبهت فيا مش عاجبها ولما جيت نفتح فى شنطه بيش انطلع الاجندة منها جاتني تجري وتقولي لالالا خليه بروحه وخديت الجاكة عطيتها له وردت الاجندة للشنطة وقالتلها علق جاكتك بروحك وطلع اجندتك بروحك !!! واللهِ يابنات قريب بكيت مع انها اضبطتنى وقالتلي خليه يتعود لكن انا نخمم فيه ماعندش جهد ووجيه اصفر ... المهم قهرتني وخلاص ... شنو يحسابوهم العويلة يابتي هذوما فى الصف الاول تقولش يحسابوهم فى الثانوية !!! تعرفن السنة يلى فاتت كانو فى الروضة المهم اندخلهم للمدرسة ونحول منهم جكاتهم وبوتاتهم ونلبسهم اسبدروات المدرسة كم يوم وبعدين في اجتماع اولياء الامور اتريهم مسجلنها فى الملف بتاعهم !!! ان امهم تلبس فيها وتعاني فيهم والمفروض ماتقربهمش ويلبسو ويسلحو بروحهم اهئ اهئ اهئ توا هذا شنو ياخياتي ... صح حلو الاعتماد عالنفس لكن عاد مش هكي ... قعدت انقول يابتي اتريهن الامهات يسيبن فى عيالهن ويمشين وانا لغاية مايقمعزو فى كراسيهم اهئ اهئ اهئ ... اللهم لك الحمد والشكر يارب ...

السلام عليكم ... كيف حال اوخياتي كلهن ان شاالله طيبات ... شكلهم العويلة كلهم مرضي لاحول ولاقوة...

امواج البحار :

هناوة ... كيف حالك ياغالية ... ان شاالله بإذنه تعالي ننشد علي قال علي علاج الاكزيما <<< علشان كنا مجموعة فى لمة وكانت وحدة تحكي عليها ... وماشاء الله تبارك الله ... ماتعرفيش قد ايش عجبني فيك صراحتك وعقلك الكبير ... ربِ يدوم عليك الايمان ويزيدك خير من عنده ويجبر بخاطرك ... وكلنا واللهِ كنا جاهلين بالدين ... لكن الحمدلله النت فتحلنا عيونا وتعلمنا منه حاجات فى امورنا الدينية والدنيوية ... ويارب ارضي علينا واغفر لنا ويسر امرنا وزهدنا فى الدنيا وارزقنا الاخرة يارب ... اللهم صلي وسلم على سيدنا محمد وسلم ... مرام ... سلمها ياربِ ... انا ياحنا من مواليد 72 يعني اكبر منك بعام خخخخخخخخخخ ... بس شكلنا اتجوزنا فى نفس السنة انا تجوزت فى سنة 94 لكن عبدالكريم جبته فى سنة 97 يعني قعدت فترة ماحملتش وقريب امي انهبلت وطلعت فوق راسها نخلة خخخخخخخ وركبت فيا الدمار خخخخخخخخخخ ... لكن الحمدلله ربِ رحيم ورزقني وحملت خخخخخخخ وانفتحت الطريق خخخخخخخخخخخ ... ذات الهمة ... ماشاء الله تبارك الله ... موسوعة فى الطب البديل ... ياحنا بارك الله فيكِ وربِ يجبر بخاطرك ويملي الحوش عليك عويلة يارب ... قولي امين ياغالية ... حياة حلوة ومهاد وغادة وليبيا قلبي ... ربِ يسهل اموركن ويجبر بخاطركن ويرزقكن من حيثُ لا تحتسبن ... قولن امين ... ليبية 100 100 ... ماشاء الله تبارك الله دكتورة اسنان تعالي ياخيتى سنوني يوجعن فيا خخخخخخخخخ ... حتى انا كبيرة هلي "الكبير الله" ومن وين من بنغازي خخخخخخخخ بديت القصقصة !!! ام مودي وميمي ... خخخخخخخخخخخ شنو يس ونو الله يعطيك عصيدة خخخخخخخخخخ ... اسمعي الشوبنق مايستحقش لغة خخخخخخخخخ ... امي لما تجيني تطلع وتمشي بروحها سواء هنا ولا لما كنت فى بريطانيا ... وماشاء الله عليها تجيب حاجات حلوة وفى تخفيضان احنا مانجبهوش خخخخخخخخخخخ ... هذا كله من غير لغة ... واللغة ياغالية اتجيه برغبة فى التعلم واللهِ نعرف وحدة عز المعرفة فى ليبيا واللهِ حتى راجلي قالي عليك اكسنت عندها "وراهو راجلي خريج امريكا" ... والبنية نطقها ماشاء الله تبارك الله رهيب وعمرها ماطلعت من بنغازي لكن تحب اتعلم بروحها وتشوف الافلام الامريكية سبحان الله خدت الاكسنت نفسه وقعدت فالحة لما مشيت بعيالي ماتحكيش معهم الا انجليزي وراهو عمرها 16 سنة لكن كانت الله واكبر عليها ... حتى اولدي الكبير يقولي ياماما نهي تحكي كويس وتهدريز انجليزي روعة ... وماشاء الله تبارك الله الليبين ممتاز نطقهم فى اللغة ...

هناوة ... كيف حالك ياغالية ... ان شاالله بإذنه تعالي ننشد علي قال علي علاج الاكزيما <<<...

امواج البحار :

نعاود عليكن بعدين ... لازم نمشي توا عندي مية حاجة ناقصة فى الحوش ونجيب بنتي من المدرسة ونكمل معاكن التهدزير ... فى امان الله ... قبل مانطلع شكلها سلفية جابت !!! مش مبينة !!! يارب تنوض على خير وسلامة قولو امين ...

نعاود عليكن بعدين ... لازم نمشي توا عندي مية حاجة ناقصة فى الحوش ونجيب بنتي من المدرسة ونكمل...

em mohamed :

السلام عليكم ورحمة الله وبركاته كيف حالكن يا غاليات وشنو الاخبار ؟ وأن شاء الله لا باس على أصغاركن المرضى ربى يحفظهم ويشفيهم معليش سامحنى أنا تعبانه أشوى هاليومين والله حتى راسى ما حوتك نرفع فيه هذا من يوم الجمعه . وأن شاء الله بس أنتحسن انحط الجدول ونفتح الموضوع الجديد دعواتكن فى امان الله

السلام عليكم ورحمة الله وبركاته كيف حالكن يا غاليات وشنو الاخبار ؟ وأن شاء الله لا باس على...