سلفية 1 :

طالبه عفو الله اهلين اهلين بيك انستى ونورتى غير متهربيش بس خليك على اتصال يا وخيتنا مشميشه مش ليمين عليك انت توا غير كملى وفضيلنا روحك ونشطينا هالعويله الكسلانه :26: :26: :26:

طالبه عفو الله اهلين اهلين بيك انستى ونورتى غير متهربيش بس خليك على اتصال يا وخيتنا مشميشه...

سلفية 1 :

اسمعوا ياحلوات قولولى كيف جو العيد الكبيرة اهنى وشنى اديروا وشنى مديروش و وين تمشوا ياللللللللللللللللللللللللللللللللله

اسمعوا ياحلوات قولولى كيف جو العيد الكبيرة اهنى وشنى اديروا وشنى مديروش و وين...

مشيمشة :

مرحبتين مرحبتين بوخيتنا الجديدة طالبة عفو الله :icon28: كيف حالك او شن اخباركم او انستونا في كندا ياريت تعرفينا بنفسك او وين قاعدة في اونتاريو بالك تطلعي قريبة منا وان شاء الله معرفة خير :26: :26: سلفية خيرك طايرتلك اني قاعدة لاهية في الحوسة او مرة مرة انطل عليكم يا حبيبة :) :26: :26: امواج مش من عوايدها اتغطس ان شاء الله خير :(

مرحبتين مرحبتين بوخيتنا الجديدة طالبة عفو الله :icon28: كيف حالك او شن اخباركم او انستونا في...

طالبة عفو الله :

ما شاء الله عليكم يا عويلة شكلكم نويشطات مشموشة صحيتىعلى الترحيب وما تخافيش من الهروب مش حنهرب والله قعدتلكم زى اللصقة هو انى ما صدقت لقيتكم:22: وانى قعدا فى لندن أونتاريو وليا حاشاكم سنتين سلوفة شكرا على الترحيب الحلو منورة أمواج البحار معليشى سامحينى والله ما عرقت ندلعلك إسمك:09: يعطيهالك ضحكتينى شن هدا والله معاد قدرت نقرا :hahaha: صيامك فى الجنة إن شاء الله حتى انى اليوم صايمة وعاد ما تنسوش كل وحدة تقولى هى وين قعدا :biggrin:

ما شاء الله عليكم يا عويلة شكلكم نويشطات مشموشة صحيتىعلى الترحيب وما تخافيش من الهروب مش حنهرب...

امواج البحار :

ها ... انى جيتكن مرة اخرى ... عاد ياطلوبة دلعينى موويجة هههههههههههههه :hahaha: حتى انتِ لصقة وكان تشوفينى انا ماصدقت نشطن وفتحن موضوع ... مانحساب فى حد ليبي الا انا وام محمد ... اتريكن كارسات ... باهى كل يوم تطلع وحدة ماعند حالنا سوا ... على قولة سلفية باهى يلى ديرنا مجلس كيف العالم والناس :hahaha: الله يعطيها عصيدة ... ووووووووووووينك ياسلفية !!! ياحنا انا لى حوالى 5 سنوات مقيمين :( ان شالله خير ... وعندى 4 عيال ... 3 اولاد وبنت ولدى الكبير 9 سنوات وتؤام وليدين 6 سنوات وزينب عمرها 4 سنوات ... وطبعاً فى كالجرى ولاية البرتا من يوم مانزلت لكندا ماتحركت منها ... وياحناتى انا من بنغازى وخلاص ايش اخرى ... اه والصيف يلى فات مشيت لليبيا اول نزلة لى من جيتى وشنو اخرى وخلاص وكان نسيت حاجة ذكرنى ... سلفية ... العيد عندنا حلو الصراحة عندنا ياحنا صالة كبيرة يلى يلعبو فيها الهوكى والمباريات اسمها استمبايد تحجزها الجالية الاسلامية نمشو غادى انصلو فى صلاة العيد وكان يوم عمل ودراسة نعطلو يومها ... المهم نصلو وماشاء الله تلاقين الناس اشكال والوان من كل العالم وماشاء الله العيد يلى فات اعتقد وصلو 400 الف مسلم فى الصلاة حتى الصلاة من الزحمة ماشاء الله داروها على مرتين ... وبعدها نطلعو ناخدو حاجة سريعة من برا وديمة بيتزا ماعندنا الا هى عشان مانكلوش فى لحمهم ونشيلو لعويلة لمكانات اللعب المسكرة زى ادفنجر زون ولا كدس بلاى ولا تشيكى تشيز وبس وكان عندى نية وجوى حلو ندير عصيدة وكان هذا خطى على البط وطبعاً لازم من طبيخة العيد ... العيد الكبير يلى فات ديرت طبيخة الدروانة عشان راجلى ياحنا درنوى طبيخة قرعة وحمص ... اول عيد شرينا خروف وذبحه مع جماعة ليبين فى مزرعة واحد طليانى لكن بعيد عنك من صلاة العيد وهو غاطس غادى ماجاينا الا بعد المغرب وحرم من يومها يمشى ماغبكم فيهم الليبين واحد يخدم وعشرة يتفرجو :hahaha: ... المهم منها قاعدنا نجيبو طرف لحم وكبدة وقلب من عند الجزار وشاوية وخلاص ... وفلوس الخروف يحطهن فى الجامع ومرة قلنا نخلو الجزار يذبحلنا ويجهزه لنا لكن لما فكرنا لقينها دوا فاضية فريزى صغير ومش هذيك الشهوة علشان تذبحى وتعبى فريزك شيلنا الفكرة من رواسنا مع ان خوى لما حكيت انا وياه قالى يفضل انكم تذبحو لكن شكلنا مش هانذبحو وين نبى نلقى المساكين ووين ادويرهم ... لكن ونا نقرى هنا فى المنتدى قالو عادى تقدرى تخلي هالك يذبحولكم قلت ان شاالله وكان عشنا العيد يلى بعده ادزوا لهلنا حقه ويشرونا خروف ويعطوه صدقة لوجه الله ... كتبتلكن قصة حياتى :) المهم ... واول ويك اند بعد العيد يديرو الليبين لمة ونمشو لصالة يحجزوها وكل عيلة تجيب حاجة حلوة ويتقاسمو العايلات حق الصالة واللهِ كويسة يفرحو العويلة ويجارو جى وغادى ... وبس ... ونروحو لحيشانا ومنها مانشوف اغلبهم الا العيد يلى بعده :eek: ولا وكان صارت مناسبة نفاس ولا البعيد عنكم حزن ... من العيد الصغير ماشفت منهم واحد لكن عندى وحيدة قريبة منى الله يسمحلها كويسة وطيبة تجينى مرة مرة تشرب قهوة عندى ولا نرغو عالتلفون وبس ... وهذى اخبارى ...

ها ... انى جيتكن مرة اخرى ... عاد ياطلوبة دلعينى موويجة هههههههههههههه :hahaha: حتى انتِ لصقة...