السلام عليكم ..
موضوع جميل ومفيد .. اختي توكلي على الله وتمسكي بحبلة ومن تمسك به ماخاب وعلى الله توكلنا والسهولة واليسر من عنده ..

طبعاً صار ليي اسبوع وكم يوم بس من وضعت بنتي وهي أول مولودة لي .. كنت مثلش خايفة لأقصى حد ودوم اسأل اخواتي وصديقاتي وامي وكله يقولون ماتألم الولادة وكنت انتظر يومها ..

المهم هذيك الليلة كنا في بيت اهلي حسيت بألم اسفل البطن خفيف مثل المغص وبدون شعور قلت ( آآه ) طبعاً انتبهوا سألوا وش فيش قلت ولا شي حاولت ماأظهر الألم بس استمر ويايي اتصلت لزوجي وقلت له ان اني تعبانة وباروح البيت جا اخذني وطول ما أنا في السيارة واني ماني قادرة ابغى اصرخ من الألم حسيت بماي أو دم ينزل قلت له بسرعة نروح المستشفى اني تعبانة وشكلة البيبي بيطلع وخلاص الألم كان مؤلم جداً واني اصرخ بقوة لين وصلنا المستشفى دخلوني على الدكتورة كشفت قالت الرحم فاتح 2سم ومافية ولادة ألحين وكل 5 دقايق تجي تكشف تقول مافتح المهم هذا كله صار 8 المغرب إلى الساعة 12 الليل وأنا اتألم وتقول ليي مافية ولادة وزوجي ويايي ماراح

بعد التعب والصراخ قلت لزوجي خلهم يسوون ليي عملية خلاص ماقدر اتحمل اكثر ابغى عملية قال اصبري بس شوي جت الدكتورة ونفس الشي قالت اصبري بس شوية ومارضيت اقول ابغى عملية وبعد الصراخ والدموع شالوا كل شي كان عليي وحطوا عليي القسطرة علشان بيدخلوني غرفة العمليات وخلاص وقعنا على العملية جا ألم كذا فجأه وصرخت قلت للدكتورة ابغى اروح الحمام قالت لالا قلت ليها باروح جت وكشفت على الرحم قامت تضحك قالت الرحم فاتح 9 مبروك وعلطول غرفة الولادة اخذوني وماخذت عشر دقايق إلا وبنتي طالعة للدنيا نسيت التعب كله لما شفتها يااااه مشاعر الأمومة رائعة والولادة روعة بعد مع الألم تنسين كل شيء لما تشوفين الملاك

الحمد لله سجدت لربي اول ماصرت زينة والحمد لله ألي عطاني ووهبني نعمة الأمومة ولا حرمني منها والله يعطي كل محروم يارب ..

وبالسهالة على كل حامل والله يقومكم بالسلامة

الف الف مبرزك اختي نور قلبك
و تستاهلين السلامه