يا زين مواضيع رمضااان💕🌙 اذكروا مواقفكم المحرجة فيه

هاليومين صرت اشم ريحة رمضان من مواضيعكم الرمضانية 😍
ان شاء الله عقبال م تصير أللسته كلها مواضيع عن رمضان فقططط
المهم كل وحدة تكتب موقف محرج صار لها ب رمضان 😩🌚💔
انا موقفي تذكرته من بعض ردود البنات اللي ما يحبون الفرزنة
المهم
زوجي يكره شيء اسمممممه فرزنه ، يحب كل يوم ب يومه و طبعاً انا من النوع البطيييييء ب الشغل و خاصة ب الرمضان وقت م اكون صائمة تقل بطاريتي اكثر و تعالوا شوفوني يالله أتحرك 🚶🏻‍♀️🚶🏻‍♀️🐢🐢
لا و أزيدكم من الشعر بيت لازم بعد كل ربع ساعة اروح اتسطح لاني املّ من جو المطبخ 🌚💔
اول رمضان قضيته مع زوجي و بالتحديد اوووول يوم
قمت من العصر (متعودة مع أهلي م ادخل المطبخ الا بعددد العصر) المهم و ارفع اكمامي و هاتك ي الشغل و الطبخ و النفخ > متعودة قبل الزواج لااازم أصناف كثيرة لكن ب كمية قليلة >عشان تنفتح نفس الصائم 🐮
بس عند اهلي كنت أفرزن و يااازين الفرزنة لو تسوين مليون صنف خلصيتها ب نص ساعة 😩💕
والله و أقوم و أحط الكريمة ع النار و القهوة و الشوربة و حشوة السمبوسة و أحط المكرونة و أقوم افرد العجين و الف الفطائر > و ليتكم شايفين الحوووسة >مدري انتبه للأصناف اللي فوق الفرن لا تحترق و للاسف بعضها احترقت ولا أحط بالي من الكريمة اللي كانت مقدار قدر و من كثر ما غليٓت صارت مقدار بيالة شاي ولا الف السمبوسة ولا انتبه للفطائر تحترق ولا اقطع السلطة ولا اجهز التمر و الفناجيل ولا اصلح العصيرات و ابردها ولا اغسل المواعين اللي ما تعطيني فرصة شوي الا وصارت كومة جبل ولا ولا ولا ولا ...الخ) و مستحييييل اقدر أكمل شغلي و انا ما رحت تسطحت شوي ب الصالة عشان ارتاح > يالله ساعدهااا🚶🏻‍♀️💔
رحت تسطحت و اخذت سمبوستي معي و ألفها
و الفاجعة و انا ب الصالة الف السمبوسة اشوف الوقت عشان احدد متى اقلي السمبوسة الا و هو باقي عن الاذان ٣دقايق😢🐮 لفيت خمس حبات سريع سرييييع ما عاد يمديني و فكرت اني اقول ل ابو الشباب انا م احب السمبوسة عشان كذا حطيت لك خمس حبات💔💔
المهم دخلت المطبخ و طلعت الفطائر اللي باقي سليمة من الاحتراق و سحبت ع الفطائر المصابة و الحمدلله كانت كمية شبه وافرة 🚶🏻‍♀️🌚
طبعاً اذن المغرب و انا باقي ب المطبخ 💔
صرت احاول أسرع و تلاقوني جريييييي من الصالة للمطبخ و من المطبخ للصالة عشان احضر الاكل و لما خلصت الا و قد أقاموا الصالة > لا يا زمننن 😩😩😩💔
و اروح عند ابو الشباب ب الغرفة و اصحيه و انا معصبة عليه و اقول له متى يخف نومك تعبت و انا كل شوي اصحيك اذن المغرب من زمان و أقاموا و قدهم يصلون و برد الفطور و انت للحين نايم مو راضي تصحى 😤😤😤😤> اااه كم كرهت نفسي ذاك اليوم حزنّي يوم فز من ع السرير منفجع من صراخي و منفجع من الوقت و الفاجعة القوية انه يوم وقف من ع السرير و رائح للحمام الا و سمع المصلي يقول (السلام عليك و رحمة الله) معلناً انتهاء صلاة المغرب 💔 🌚 >> على فكرة هو يصحى من اول مرة اصحيه لكن اضطريت اكذب عشان ما يقول وش بك حطيتي الفطور بعد صلاة المغرب او يشرّه علي > عاد كان اول رمضان معه يعني لااازم اكون سنقة عشرة وما ابي منه اي انتقاد جارح🙃
المهم من اليوم الثاني قلت له يروح يفطر عند أهله و اني تعبانه وووو
راح اليوم الثاني والله و أمسك اللحم المفروم كله و اطبخه و اصلح لي قدرين كشنه و اعجن لي كيسين دقيق عجينه و اصلح نوعين حشوة لها و كل ما يخطر ع البال فرزنته> من القهر اللي جاني و التعب حلفت اني افرزن و عاد ب كيفه يعجبه اهلًا و سهلا ما يعجبه يروح ل أهله 😤😂💔
المهم مرت الأيام و انا ع المفرزنات يازينها زيناااااه ، سريع سريع ولا تعب ولا شيء و الأحلى اخلص قبل المغرب ب ساعة و نص و اروح اتمدد و آبو الشباب ياكل منها و ما درى انها مفرزنه لانها نفسسس الطعم و اللذادة و كل يوم يمدح في ذالاكل و كل ما اقول له وش رأيك افرزن يقول ياويلك ترا أكره المفرزن وووو...) 😂😂😂
المهم مر رمضانٓين اثنين و مادرى اني افرزن و مالي نيه اعلمه 🌚


الزبدة ان البنات اللي ضد الفرزنة و متخوفين منها ترا و ربي نفس الطعم و الااااحلى من كذا ما تفقد قيمتها الغذائية ابداً😍😍😍
المهم
كل وحدة تكتب لنا موقف محرج صار لها ب رمضان او نكبة زي نكبتي😂