يا شين الاستعباط بين الأزواج

إن كنت لا تدري فتلك مصيبة *** وإن كنت تدري فالمصيبة أعظمُ

بنات كم وحده زعلت زوجها أو غثته وشافت انه بين على ملامحة انه متضايق
وقالت له وش فيك؟؟ ليش معصب؟ وهي في داخلها تدري وش فيه؟
بس ما تبي تعترف انها تدري؟ :eek:

كم وحده زوجها سوا حركه زعلتها، نسى موعد معاها، ويا قعد ويشوفها تدخن وساكته
و يحاول ينكت بدون ما يفتح الموضوع اللي مزعلها، يعني على ابو انه يلطف الجو؟ :08:

للأمانه لما تصير هالحركة؟ ما تحسين انج تتنرفزين أكثر؟ وودج تكفخينه
على راسه؟ :024:

السؤال هو

ليش الاستعباط؟

وش فيها لو سويت شي زعله وعلى طول قلتله يا فلان اعذرني اني سويت هالشي
مع انك قايلي انه يضايقك وبعده وضحت اسبابي؟ ليش ما نكون قدها؟

اللي خلاني اكتب الموضوع اني تفاجأت بأنه بنات كثير تقول ما ابين له اني عارفه
وش مزعله عشان اثبت له انه هالموضوع ما يستاهل الزعل؟

يوه إلا انتي فوق انج سويتي شي يزعله، ما احترمتي اسباب زعله بعد

يعني فوق شينه قواة عينه!!

عطوني رايكم هل انتم مع او ضد؟

ملاحظه\ الموضوع ماهو موضوع انه الوحده تعترف بخطأها
الموضوع موضوع انها تستعبط أول ما تشوفه زعلان لين هو يتكلم