بنت رحمة
•
والله يالغاليه اسوي كل يوم صنف واحد حلو وصنف واحد موالح وقهوه واللقيمات ومثلثات السميد وشوربه كويكر اوشوربه جريش والسمبوسه اكيد اكثر الاشياء افرزها واي صينيه للعشاء تكون خفيفه والعشاء بعد صلاة التراويح الله يطول اعمارنا جميعا امين
عادى انا ما تكلف كثير لاننا 2 اسوى سمبوسه نوع واحد ومعجنات مو كل يوم وفول وعصير وتمر ومويا وبسص
الصفحة الأخيرة
الانواع أولا ثم أسماء الاطباق
مثلا:
المعجنات \ تضعين هنا كل أنواع المعجنات اللي ترغبين في عملها
الشوربات \ ~ ~ الشوربات ~ ~(1_2_3 وهكذا ....)
السلطات \ ~ السلطات ~ ~
المقالي \ ~ المقالي ~ ~
الحلويات \ ~ ~ الحلويات ~ ~
الصواني \ ~ ~ الصياني ~ ~
( ملاحظه مهمه )
طبعا هذا جدول _ اساسي _ترجعين له في أختيار الاصناف المرغوبه
لكن الجدول_ المتغير _اللي هو بعدد ايام رمضان ووالانواع بعطيك مثال :
اليوم _ الجمعه
المعجنات _ فطائر جبن +رولات التوست بالتونه
السلطات _ سلطه البقوليات + سلطه الخيار
الشوربات _ شوربه الفطر
الحلى _ كريم كراميل + حلى الكاسات
الصواني _ كوسه لبنيه +مسقعه
المقالي _ سمبوسه + سبرنغ رول
وقيسي على ذالك
وهذا انتي تعبينه بالاصناف اللي حابه تنفذينها من الجدول الأول وحطي باعتبارك انه متغير يعني ينكتب بالرصاص ويصير قابل للتعديل
حسب وقتك ,,وعدد ضيوفك,, وأهم شيء مقاديرك,, المتوفره لانه اذا لاحظتي مقادير طبق مو متوفره تكونين مجبورة تغيرين لصنف اخر
أنا سويت هالجدول برمضان اللي فات وكان اول رمضان اطبخ فيه بحياتي بصراحه فادني كثير بس واجهتني مشكله
ان مقادير بعض الطبخات مو موجوده والوقت كان ضيق معاي يمكن لاني اول مرة اطبخ
فكنت الف السمبوسه واصابع الجبن بالليل وبالنهار بالمطبخ بصراحه تعب لو انتي لوحدك
هذا غير ان اخوي كان متكفل بتفطير زملاءه بالعمل بشكل يومي
طبعا انا حبيت افيد ولو بشيء بسيط والاخوات هنا فالمنتدى اكثر خبرة ودرايه مني ومايقصرون
وماننسى ان شهر رمضان بالاساس شهر عباده وايضا لاننسى ان المرأه اللي بتشتغل في المطبخ طول النهار بأذن الله بتكون مأجورة لتفطيرها ناس صايمين وبالتالي اكيد ضروري التنويع وأهم شيء الجوده
دعواتكم لي بالوظيفه
تعبت وانا أكتب :09: