يا متزوجات !!اذا ممكن فزعه (( أفتقد الرومانسية ))

أختى العزيزة
قولى لصاحبتك أن عدد كبير جدا من الرجال مثل زوجها
بيحبوا زوجاتهم لكن مابيعبروش عن مشاعرهم بيخجلوا أو مش بيعرفوا
أنا زوجى كان كده
بس أنا بقيت أدلعه كتير وعلى طول باقوله كلام رومانسى بحبك وحشتنى وكلام الدلع كله
وواحدة واحدة حس أنه عادى وشايفنى عارفة أعبر له ومش مكسوفة فاتشجع وبقى يقول كلام دلع زييى

وأهم حاجة توضح له أنها بتحب تسمع حبه ليها مش كفاية المواقف المرأة تأسرها الكلمة الحلوة
وتقول له أنا مش هايأس هافضل أحبك وادلعك لغاية ماقلبك يحن عليا واسمع منك كلمة حلوة

وبعد ما تصارحه بالكلام ده
ماتكلموش تانى فيه أبدا بصراحة وتستمر على كلامها الحلو معاه من غير ماتحسسه أنها متعذ بة بعدم رومانسيته معاها عشان مايعندش
وصدقينى واحدة واحدة وعن تجربة هيتحسن ويبقى زى ماهى عايزة
ولما ربنا يهديهولها وييجى يقول كلام الحنان والحب ماتوضحلوش فرحتها الشديدة عشان ماتحرجهوش
تحسسه بتأثير كلامه عليها لكن من غير ما تقول مثلا (أخيرا قلت ) أو كلام شبه كده

وعليها بالدعاء أن ربنا يحنن قلب زوجها عليها
وربنا يصلح لها الحال ويسعدها
ويرزقك يا أختى بالزوج الصالح