إلى الحبيبة أمة الله بصراحة موتيني من الضحك أتاري عندك حس الفكاهة تهبل انزين اشرايك إني بخلي الخدامة علشان تيين عندنا للكويت هذه فرصة أشوفك فيها . ( لا تصدقين تراني بمزح ) . حياتي إن شاء الله ما بتقعد عندي وأنا أخوي تعاونا مع بع

إلى الحبيبة أمة الله بصراحة موتيني من الضحك أتاري عندك حس الفكاهة تهبل خصوصا لما قلتي خلي أخوكي يلعب بعيد وبتقتلين الخدامة وتيين الكويت وبتتخلصين مني انزين اشرايك إني بخليها هذي فرصة علشان أشوفك فيها ( تراني أمزح ) . حياتي هذي الخدامة أنا وأخوي متعاونين مع بعض على أساس نمشيها ونكرها جدام زوجي ويمشيها بس الحين أنا ما عندي سلطة إني أفرض رأيي اللي هو يبيه بصير مو رايي أنا بس في أساليب ثانية وإن شاء الله أخوي بساعدني حتى زوجي قاله أنا ما ودي أخليها لأنها بتعمل مشاكل من غيرتها ووده ما يكون عندنا خدم . وبالنسبة إنك قلتي إنه يمكن يبي سويها زعلة قبل لا تيي أنا ما أعتقد لأنه قال جدام أخوي أختك سوت مشكلة في وقت حساس يعني بوقت جيت الخدامة علشان الخدامة تستانس وتشوفنا رجعنا مرة ثانية مثل أول وما في تغيير وقالي لا تخليني أعاملك معاملة مو زينة جدامها إذا إنتي بتغاري منها قلديها إذا شفتيني أمدح بشي فيها ولا تغاري منها . طبعا هو حملني مسؤولية إنه ما خلص شغل البيت قبل ما هي تيي والحجة الحين إنها هي اللي تفهمله بالشغل والشغل يخلص على السريع وبدون صراخ طبعا عكسي يعني المفروض إنه يغير غرفة البنات ويحط سراميك من أول ما سافرت إلى الآن لم يعمل شي بالبيت والسبب الهواش حتى تغيير بايب صارله أسبوع بسبب الصراخ والهوشة اللي صارت تكسل وما قدر يعمل شي وقالي كان بودي أخلص بعض الأشياء علشان لما تيي ما تفكر إنه أحنا معتمدين عليها والشغل ما يخلص بدونها . هذا الكلام اللي صار واللي قاله بآخر مرة . بس أنا وأخوي قلناله شنو هي تتكلم من وراه وشنو تتكلم عنه هو وخصوصا لما تقعد مع أخوي واتخبص بالكلام عاد أخوي ما قصر وقاله كل شي وأنا بعد قلتله وخصوصا لما كانوا يصبغوا وكنت أنا وزوجي متزاعلين فقالتلي ليش هو قاعد يغير الحين أكيد عنده واحدة أو قاعد يفكر يتزوج فقلت لها لا هذا شي عادي وقلبت الشغلة مزحة علشان ما تفكر إني مهتمة بس قالتلي إنتي مفكرة إنه ما بسويها هالشغلة بدم عيلتهم بأبوه وأخوانه وأكيد هو بعد ولا تفكري إنه بيقعد عليكي بس وصار لما يتأخر نقول على غشمرة أكيد هو كان عندها ومن هالكلام وكنت أضحك وما أحسسها إن هالشي مهم عندي . بس تصدقون شنو قالت لزوجي . قالتله إن زوجتك شاكه فيك وتبي تتزوج فرد عليها هالشي ما يهمني وخليها تفكر اللي تبيه ولما سافرت ماأدري شللي فتح الموضوع وقلتله شنو قالتلي فقال يعني مو إنتي اللي قلتيلها إنك شاكة بتزوج قلتله لأ هي اللي فتحت الموضوع وقلت اللي صار وبالآخر قال آه منها خبيثة مو هينة شوفي اشلون ترمي فتن . يعني الحمد لله عارفها .

حبيبتي أمة الله والله إني مقدرة كل اللي تسوينه علشاني الله يوفقك يارب ويمكن اللي قلتيه عن التغيير واللي حس فيه زوجي صحيح ليش لأ بس الحين اشلون بتصير حياتي كلها شذي الله يستر ترى أنا خايفة من اللي جاي .

بالنسبة للنسيان ترى أنا دائما أقوله إذا نسى شي على مزح بس علشان أسمعه ( ها اشلون نسيت والله لو كنت أنا اللي ناسية شان سويتلي عرس ) بس يقول إيه بس مو دائما بكل طلعة . وفعلا ترى هو ينسى أكثر مني بوااااااااااايد . بس هو يتهمني بالإهمال إذا نسيت . الله كريم .

أختي العزيزة طيبة القلب إن شاء الله يساعدني واصبر وأقدر أسوي كل الأخوات اللي كتبوه ونصحوني فيه أشكرك وايد على اهتمامك بس صبري على الحين لا تقتليني أجليها علشان خاطري أعطيني فرصة وبعدين تعاوني مع الحبيبة أمة الله . الله يوفق الجميع .

dinas mather وينك اختي اشو ماكو صارلك فتره خير انشاء الله ل بالي يمك. طبعا اني حافضه موضوعج عندي بالفيفير ويوميا صباحا افتحه اشوف اخبارج بس انتي ماكو لا تقطعين علينا تعالي خبرينا شو صار معاكي وانشاء الله كل خير ياربي.
:26: :26: :26:

بصرااحه اهنيك واعزيك..... اهنيك انك صبووووووووووووووووووره واعزيك انك سلبيه جدا....ممكن احسدك على صبرك...وبنفس الوقت افكر ان لو صبري بيوصلني لهلحااله ماااابيه.... انا بصراحه ماقــــــــــــــــدر...اقول بخاطري لو اني بمكانك العمر مرررررره ليه اعيشه حزينه ومهمووومه.... بتركه ويمكن الله يوفق لي غيره واذا ماصار بلللللللللللي يودي ومايجيب بتوقف الدنيا على رجال....... وبناتي اذا هم صغار يمكن كنت بصبر الين مايكبرون بعدين اتركه...لن بكرا كل وحده بتروح لبيت زوجها...ذيك الساعه بقول له طيييييييير بس طيييييييييير...

انا ماودي اخربك على زوجك ولا قاعده انصحك بس صرااحه لما تشوف بلاوي غيرك تهون عليك بلواك...بس لسه اقول ماااااااااااقدر والله يقويك صراااحه اتوقع منك 1 بلمليون بهلدنيا..!!!؟؟؟:24:

إلى الحبيبة طيبة القلب . والله إنك طيبة صج . آسفة على التأخير والله مو بيدي تدرين ماكو أحد الحين يساعدني بشغل البيت وخصوصا إنه قاعد الحين يغير بغرفة البنات ويدوب أخلص الشغل اللي علي بس تصدقين مو باين فيه مثلا امبارح بغرفة البنات كنا حاطين مربعات بلاستيك اللي يلصق بالصمغ وتحتيه كان في واحد قديم المهم يبي الحين يحط سيراميك وطبعا فضينا الغرفة كلها لوحدي وجاب ناس واشتروا كل الغرفة وطلب مني أن أشيل المربعات اللي بالأرض هو شال نصهم والباقي ما قدر وأمس من الساعة 8 صباحا إلى الساعة 3 مساءا وأنا أشيل بهالمربعات وأخلي الأرضية سيده وأشيل الصمغ ليمه يدي ماقدرت أحس فيها وظهري بعد وقلت الحين بيستانس وبقولي كلام زين ولما جاء من الدوام شاف الغرفة جاهزة والأرضية نظيفة امبين على وجهه السرور بس ما قال شي المهم يبي الحين يصبغ الغرفة نسى يييب لون وراح علشان يشتريه وقالي الحين أنا تعبان منو يحضرلي أغراض الصبغ ويجهزلي كل شي وأيي ألاقي كل شي جاهز . طالعته بقهر وكان نفسي أموته والله وقالي شفتي اشلون هذا اللي أقصده هذيش تحضر كل شي بدون ما أقولها وعارفة شنو أبي والله شنو انقهرت فقلتله الحين أنا قاعدة أنظف الغرفة وتعبت وبالآخر هذا ردك فقالي شنو يعني سويتي يامه اشتغلنا وهذا مو صعب فقلتله هذه مو صعب من صجك فقال أنا ما أقول مو صعب بس موذاك الزود وصرت أبكي من القهر . المهم راح ولما رجع لاقه كل شي جاهز وحس نفسه تعبان فقلتله تدري اشلون الفهيمة مالتك باشر بتيي خليها تشتغل وياك وتحضرلك كل اللي تبيه وفعلا ما سويت بعدين شي . والله العظيم بالليل ما عرفت أنام من وجع يدي وأصابعي من يومين رحت للدكتورة لأن فيني بداية سكري الله يبعدكم عنه آمين والنتيجة كانت 6.3 مم بالأول كان بس 6.1 الحين شوي زاد وعندي هالعوار بيدي كأنك حاطتيهم بالفريزر وأحس منملين ومافيهم دم وأصابعي ما تتسكر فقالتلي الدكتورة هذي ضعف بالأعصاب المهم عطتني دواء فيتامين لتقوية الأعصاب . والله يستر من اللي جاي . بس بصراحة لما شافني بالليل تعبانه ومو قادرة أنام يعني زين منه إنه سأل وقالي روحي حطي يدك بماء حار يمكن ترتاحي ( يعني على الأقل سأل ) .

الحين بقولكم شي تموتون من الضحك . شوفوا حوبتي .

المفروض الخدامة اليوم تيي لأنها قالتلي إنها بتوصل 9.15 من البحرين المهم زوجي هو راح اييبها بس أنا ماخليته يروح بروح ووديت معاه البنات المهم قعد امبشر وزهب نفسه وطلع على الساعة 9 تقريبا والساعة 10 اتصل فيني وقالي عطيني اسمها الكامل وسألته ليش قالي الحيوانه ( أعزكم الله ) ما يت واظاهر إنها مو ياية . وظل يسأل ويسأل وينطر بالآخر قلتله راح أتصل بديرتها وأسأل اختها المهم ولا أكلمها وأسألها وينك ليش ما ييتي فقالت مو اليوم باشر أنا أغادر ديرتي اليوم وباشر أنا عندكم بنفس الوقت الصبح وقلت لها ليش ما وضحتي يوم الجمعة بتيين الحين زوجي بالمطار ( هذي الفهيمة اللي يقول عنها ) .
المهم قلتله طبعا تضايق لأنه ضيع وقت على الفاضي وهو عنده أهم شي فترة الصبح يخلص أشغاله . والحين هو مو موجود علشان شذي قلت فرصه أكتب اللي صار وصرت أنا وأخوي نضحك عليه ( اللهم لا شماته ) بس ما قدرت أتحمل لأنه أمس ما نام عدل ومن الساعة 3 الصبح قاعد ويحوس بالبيت . فاشرايكم .

إلى الأخت hello kitty مشكورة على مرورك وإن شاء الله اتابعيني ويمكن مصيبش تهون أكثر . وأنا عندي إيمان كبير بالله ما بعد الصبر إلا الفرج بإذن الله وتعلمت شي من أمه ( قالتلي دائما حطي في بالك إن كل يوم مو نفس اللي قبله يعني بييجي يوم وتشوفي الأحسن يعني كنتوا متزاعلين راح ييجي يوم وتتصالحوا )