dinas mather
•
حبيبتي أم تالا أولا بشكرك على جراأتك وبشكرك على وقتك صدقيني بعد ما كتبت بهالمنتدى وايد ارتحت وبنفس الوقت استفدت لا تخجلى الحمد لله البنات ما يقصرون أبدا حاولي مرة ثانية واكتبي . مشكلتي ومشكلتك مثل بعض ومثل وايد من حريم وفي أكثر منا معاناة وكل واحدة منا تحاول أو تبي حياتها تكون أفضل بس احنا شنو طالع بإيدنا . حاولت وايد أقرأ كتب عن الزواج والحياة الزوجية وووو . بس لقيت ما يفيد لازم يكون في أحد يساعدك يعني إذا الطرف الثاني ما يساعد كأنك ما سويتي شي . ما أقول إلا الله يسامحهم ويهديهم ويهدينا أجمعين آمين ويصبرنا عليهم اللهم آآآآمين . إذا حبيتي راسليني دايما يمكن نفيد بعض .
السلام عليكم يا خواتي . والله بتأسف على هالمقاطعة وعلى التأخير بس والله لو لعرفوا ظروفي لعذرتوني . ايش كثر كنت أحاول أكتبلكم عن آخر أخباري بس يا الوقت ما يسعفني أو أكون مشغولة مع البنات وأكثر الأحيان بصراحة ما كان عندي خلق لأي شي مثل يائسة من هالدنيا وكله بس أفكر . تخيلوا من وقت اللي كتبت آخر مشكلة وللحين هذا حالي ما تغير أنا بصوب وهو بصوب حتى ما نشوف بعض وكله مسكر باب الغرفة وأنا عند البنات . شنو هالحياة اللي مضايقني إني مو مسويه شي لا يغتفر وأي أحد يعرف عن السالفة يضحك على المساخه بس شنو أسوي . أخوي وناس أصحابنا حاولوا يكلمونه ويفهمونه اللي قاعد يصير مو زين حق البنات ولا حقنا بس ماكو فايدة دايما يقول يبيلي وقت وأنا شذي مرتاح ما أشوفها ولا لي خلق مشاكلها . بعرف شنو هالمشاكل . قال شنو مو مالت طلعات ودايما تنسى شي وما تعرف تتكلم مع الناس وجاهلة والأحلى من شذي قاعد يفهم البنات عني إني مو زينة ومهملة وآخر مرة قبل يومين قال لبنتي الكبيرة إني مو متربية . ما تصدقون ايش كثر تأثرت بهالكلمة . والأحلى يقول أنا قاعد أسوي حسب الشريعة .... أي شريعة بفهم في بالقرآن مكتوب يحق للزوج يتصرف هالتصرف أنا الحين بصيرلي 3 أشهر وللحين مقاطعين بعض وعلى شنو على شي سخيف وتافه وهو اللي كبر الموضوع .
حركاته وتصرفاته صارت لا تطاق والحين امتحانات البنات وما تصدقون شنو يسوي يقعد يعزم فلان وعلان والله ما أدري من وين يايبهم ويقعدون لليل ويسهرون وهالإزعاج والبنت قاعده تدرس ومضايقة لأني أنا الوحيدة اللي وياها وأدرسها لوقت متأخر وهو اللي قاعد يقولها إن أمك مهملة وما تهتم فيكم قاعدة تشوفه بهالتصرف . بس شنو أقول الله يسامحة ويهديه .
وبالآخر يروح يطبخ ويعفس المطبخ فوق تحت ويخلصون ويروح الغرفة ينام ويخلي كل شي على حاله وأيي أنا بآخر الليل أشوف هالبلوة بالمطبخ وأموت من القهر والله تييني فكرة إني أرميهم بالزبالة مثل ما هم لا أغسل ولا شي . وأقول حق بنتي شنو سوى مثل ما قاعد يسوي فيني وأقولها تعالي شوفي هذا اللي يحب النظافة والترتيب واللي هاوشني وسوى سالفة علشان النظافة تعالي شوفيه وتروح وتقوله هالكلام ويتعذر إنه كان تعبان وما له خلق . انزين هل يحقلي أقول نفس الكلام طبعا لأ ......
كان يحاسبني على كل كبيرة وصغيرة والأتفه من التفاهه .
بس الله موجود وهو الوحيد اللي يقدر ياخذ حقي منه بإذن الله .
اعذروني والله ميته قهر سامحوني ...
والله لو أقولكم شنو قاعد يسوي بهالفترة والله ما أخلص لباجر ما أدري شنو أقولكم بس في شي مهم حبيت تعرفونه وراح تستغربون منه .
تصوروا بس من يومين بنتي الكبيرة قالتلي سالفة غريبة خلتني أموت من الخوف ... قالتلي عن الخدامة اللي قلتلكم عنها من قبل ...... تصوروا قالتلي لما كنت أروح مع زوجي وأتركها بالبيت مع البنات مع العلم أنا ما أحب أهدهم وكل اللي طلعتهم 4 طلعات بس وللضرورة . كانت تنزع ملابسها جدام البنات وتبول على كل البيت شنو رايكم بهالكلام .... شنو تتوقعون صار فيني . ومو بس شذي قاصه شعر بنتي الصغيرة واحنا اللي كنا مفكرين إنها هي لاعبه بالمقص وقاصة شعرها بس طلع لأ الخادمة هي اللي قاصته ولافته بشي ما أدري شنو مع شي مكتوب وحطته بمكان وبنتي ما تدري وين بالضبط ما قدرت تعرف وكانت تقول لبنتي الكبيرة إنها كانت زوجة زوجي من ثلاث سنين ويحبون بعض وهو دايما يبوسها قبل ما ينام وما يبيني وراح يهدني ويتزوجها وكانت تقولها بعد روحي قولي لوالدك إن الوالدة ما تبيك وما تحبك وتبي تطلق بس بنتي ما كانت تقولي هالشي كانت تقص عليها وتقولها سويت اللي تبينه ونفس الشي تقولها قولي حق أمك نفس الكلام . وكانت تكسر أفضل لعبة عند بنتي الصغيرة والمحببة حقها وجدامها علشان تخوفها وكانت تقص ملابسها بالمقص ولما كنت أسألهم يقولون هي اللي سوت شذي ( أقصد بنتي ) وعاتبت بنتي الكبيرة ليش ما قالتلي من الأول . قالتلي أنا كنت صغيرة وكانت تهددني إنها بتسممني وبتذتحني وكنت أخاف منها بس بعد كانت هي تهددها يعني كانوا يخافوا من بعض وأنا كنت مستغربة ليش هالخادمة ما تحب بنتي الكبيرة ودايما متهاوشين . وشغلات واااايد لو أقولكم يشيب راسكم . عرفت الحين إنه معموله شي من طرفها قاعدة أحاول عن طريق ناس يكلمونه علشان يروح عند شيخ بس شكله مو راضي شان أقول لبنتي روحي عند أبوك وبطريقة معينة فتحي هالموضوع وياه بس قولي بالأول لا تزعل مني ولا تقول لأحد وبعدين قوليله هالسوالف كلها وإذا سألك ماما تدري قولي إيه بس مو كل شي لأنها زعلت وما حبيت أكمل وإذا سأل هل الماما قالتلك قوليلي قولي لأ .
اعذروني أدري إني بهالطريقة أعلمها الكذب بس شنو أسوي ما عندي غير هالطريقة وأنا وضحت لبنتي السبب وفهمت والحمد لله بنتي الحين واااايد متغيرة وفاهمة كل شي وتقولي سوالف مثل الحريم الكبار وحسيتها مخها أكبر من سنها الحمد لله والله يحميها يارب حتى الحين قاعدة تدافع عني ومو خايفة منه حتى لو صارخ عليها بالعكس قاعدة توقفه عن حده وبصراحه صارت تقوله كلام كبير مثل إنت مجنون لأنه صار يضربها وهالشي ما كان بالمرة يسويها أبدا والكل مستغرب اشلون قاعد يضربها مع إنه هو ضد الضرب لأنه من النوع اللي يعاقب بس مو بالضرب . عورت راسكم أدري بس شنو أسوي ما عندي غيركم أقول اللي بقلبي وانتوا الوحيدين اللي ما راح تجاملوني بالكلام . فكرت وايد أهده لأنه متغير وغير الكلام اللي قاعدة أسمعه يعني تصدقون قاعد يشرح لبنتي الكبيرة اشلون تزوجنا وأنا شنو كنت وأحوال أهلي ويلعن أبوي المتوفي يعني شغلات ما لها دخل بالموضوع ومو شغله شنو أنا كنت قبل الزواج وأهلي شنو وفهمت بنتي هالكلام وقلتلها إذا جاب سيرة الماضي قوليله هالشي طاف واللي طاف مات والحين الماما غير مو مثل أول يعني في تغيير وتحسن منها يعني لازم ما تتذكر الماضي اللي صار قبل 17 سنة إلا إذا كانت قاعدة تسوي نفس الشي . يعني ما أدري ليش دايما يقلب بصفحات الماضي . يعني أنا عطيت مثال صغير لبنتي قلتلها مثل واحد كان كافر وأسلم هل يجوز إنك تحاسبينه لأنه كان كافر طبعا لأ خلاص الحين صار مسلم ما يصير أحاسبة على الشي اللي طاف يعني أيي وأقوله إنت كنت كافر راح يقول بس أنا الحين أسلمت أقوله لأ بس إنت كنت كافر .... يعني ما يصير ربنا اللي هو ربنا يغفر للناس وللتائببن واحنا البشر لأ ....
آسفة لأني غثيتكم استحملوني واكتبولي رايكم بصراحة أنا ناطرتكم . وبشنو تنصحوني أتركه ولا لأ أنا بحيرة محتاجتكم .وإذا تبون تسألوني أي سؤال أنا حاضرة .
حركاته وتصرفاته صارت لا تطاق والحين امتحانات البنات وما تصدقون شنو يسوي يقعد يعزم فلان وعلان والله ما أدري من وين يايبهم ويقعدون لليل ويسهرون وهالإزعاج والبنت قاعده تدرس ومضايقة لأني أنا الوحيدة اللي وياها وأدرسها لوقت متأخر وهو اللي قاعد يقولها إن أمك مهملة وما تهتم فيكم قاعدة تشوفه بهالتصرف . بس شنو أقول الله يسامحة ويهديه .
وبالآخر يروح يطبخ ويعفس المطبخ فوق تحت ويخلصون ويروح الغرفة ينام ويخلي كل شي على حاله وأيي أنا بآخر الليل أشوف هالبلوة بالمطبخ وأموت من القهر والله تييني فكرة إني أرميهم بالزبالة مثل ما هم لا أغسل ولا شي . وأقول حق بنتي شنو سوى مثل ما قاعد يسوي فيني وأقولها تعالي شوفي هذا اللي يحب النظافة والترتيب واللي هاوشني وسوى سالفة علشان النظافة تعالي شوفيه وتروح وتقوله هالكلام ويتعذر إنه كان تعبان وما له خلق . انزين هل يحقلي أقول نفس الكلام طبعا لأ ......
كان يحاسبني على كل كبيرة وصغيرة والأتفه من التفاهه .
بس الله موجود وهو الوحيد اللي يقدر ياخذ حقي منه بإذن الله .
اعذروني والله ميته قهر سامحوني ...
والله لو أقولكم شنو قاعد يسوي بهالفترة والله ما أخلص لباجر ما أدري شنو أقولكم بس في شي مهم حبيت تعرفونه وراح تستغربون منه .
تصوروا بس من يومين بنتي الكبيرة قالتلي سالفة غريبة خلتني أموت من الخوف ... قالتلي عن الخدامة اللي قلتلكم عنها من قبل ...... تصوروا قالتلي لما كنت أروح مع زوجي وأتركها بالبيت مع البنات مع العلم أنا ما أحب أهدهم وكل اللي طلعتهم 4 طلعات بس وللضرورة . كانت تنزع ملابسها جدام البنات وتبول على كل البيت شنو رايكم بهالكلام .... شنو تتوقعون صار فيني . ومو بس شذي قاصه شعر بنتي الصغيرة واحنا اللي كنا مفكرين إنها هي لاعبه بالمقص وقاصة شعرها بس طلع لأ الخادمة هي اللي قاصته ولافته بشي ما أدري شنو مع شي مكتوب وحطته بمكان وبنتي ما تدري وين بالضبط ما قدرت تعرف وكانت تقول لبنتي الكبيرة إنها كانت زوجة زوجي من ثلاث سنين ويحبون بعض وهو دايما يبوسها قبل ما ينام وما يبيني وراح يهدني ويتزوجها وكانت تقولها بعد روحي قولي لوالدك إن الوالدة ما تبيك وما تحبك وتبي تطلق بس بنتي ما كانت تقولي هالشي كانت تقص عليها وتقولها سويت اللي تبينه ونفس الشي تقولها قولي حق أمك نفس الكلام . وكانت تكسر أفضل لعبة عند بنتي الصغيرة والمحببة حقها وجدامها علشان تخوفها وكانت تقص ملابسها بالمقص ولما كنت أسألهم يقولون هي اللي سوت شذي ( أقصد بنتي ) وعاتبت بنتي الكبيرة ليش ما قالتلي من الأول . قالتلي أنا كنت صغيرة وكانت تهددني إنها بتسممني وبتذتحني وكنت أخاف منها بس بعد كانت هي تهددها يعني كانوا يخافوا من بعض وأنا كنت مستغربة ليش هالخادمة ما تحب بنتي الكبيرة ودايما متهاوشين . وشغلات واااايد لو أقولكم يشيب راسكم . عرفت الحين إنه معموله شي من طرفها قاعدة أحاول عن طريق ناس يكلمونه علشان يروح عند شيخ بس شكله مو راضي شان أقول لبنتي روحي عند أبوك وبطريقة معينة فتحي هالموضوع وياه بس قولي بالأول لا تزعل مني ولا تقول لأحد وبعدين قوليله هالسوالف كلها وإذا سألك ماما تدري قولي إيه بس مو كل شي لأنها زعلت وما حبيت أكمل وإذا سأل هل الماما قالتلك قوليلي قولي لأ .
اعذروني أدري إني بهالطريقة أعلمها الكذب بس شنو أسوي ما عندي غير هالطريقة وأنا وضحت لبنتي السبب وفهمت والحمد لله بنتي الحين واااايد متغيرة وفاهمة كل شي وتقولي سوالف مثل الحريم الكبار وحسيتها مخها أكبر من سنها الحمد لله والله يحميها يارب حتى الحين قاعدة تدافع عني ومو خايفة منه حتى لو صارخ عليها بالعكس قاعدة توقفه عن حده وبصراحه صارت تقوله كلام كبير مثل إنت مجنون لأنه صار يضربها وهالشي ما كان بالمرة يسويها أبدا والكل مستغرب اشلون قاعد يضربها مع إنه هو ضد الضرب لأنه من النوع اللي يعاقب بس مو بالضرب . عورت راسكم أدري بس شنو أسوي ما عندي غيركم أقول اللي بقلبي وانتوا الوحيدين اللي ما راح تجاملوني بالكلام . فكرت وايد أهده لأنه متغير وغير الكلام اللي قاعدة أسمعه يعني تصدقون قاعد يشرح لبنتي الكبيرة اشلون تزوجنا وأنا شنو كنت وأحوال أهلي ويلعن أبوي المتوفي يعني شغلات ما لها دخل بالموضوع ومو شغله شنو أنا كنت قبل الزواج وأهلي شنو وفهمت بنتي هالكلام وقلتلها إذا جاب سيرة الماضي قوليله هالشي طاف واللي طاف مات والحين الماما غير مو مثل أول يعني في تغيير وتحسن منها يعني لازم ما تتذكر الماضي اللي صار قبل 17 سنة إلا إذا كانت قاعدة تسوي نفس الشي . يعني ما أدري ليش دايما يقلب بصفحات الماضي . يعني أنا عطيت مثال صغير لبنتي قلتلها مثل واحد كان كافر وأسلم هل يجوز إنك تحاسبينه لأنه كان كافر طبعا لأ خلاص الحين صار مسلم ما يصير أحاسبة على الشي اللي طاف يعني أيي وأقوله إنت كنت كافر راح يقول بس أنا الحين أسلمت أقوله لأ بس إنت كنت كافر .... يعني ما يصير ربنا اللي هو ربنا يغفر للناس وللتائببن واحنا البشر لأ ....
آسفة لأني غثيتكم استحملوني واكتبولي رايكم بصراحة أنا ناطرتكم . وبشنو تنصحوني أتركه ولا لأ أنا بحيرة محتاجتكم .وإذا تبون تسألوني أي سؤال أنا حاضرة .
الصفحة الأخيرة