عزيزتي انا ماراح ازيد على كلام البنات لانهم كفو ووفوو.. الا ان دورك الحقيقي يبان دحين وزوجك في اشد الحاجه لوقوفك معاه تواسينه وتخففين عليه وعلى نفسك مراره الغربه صدقيني لما تكوني قويه الوضع رح يختلف
انا حاسه فيك وقلبي معاك وفعلا اللي جاي رح يكون اخف من الي راح اصبري واحتسبي
اما بالنسبه لاهلك اكيد رح يقدرون ويمكن هم اللي يشجعونك والله يهونها عليك

المعتصمه نورتي الدنيا كلها
محجبه الله يعينك ويجبر خاطرك بشوفه اهلك

وعليكم السلام ورحمة الله وبركاته

الحمدلله على السلامة أختي الرورو..وان شاء الله انبسطتي عند الأهل وغيرتي جو..ورمضان كريم عليكي وعلى كل المسلمين يارب

عزيزتي

الحمدلله والشكر لله على كل نعمه...والمؤمن حاله دايما خير ان اصابته ضراء صبر وان اصابته سراء شكر...

والأيام هذي كلها بتصير ذكريات وبتضحكين وتقولين أيام....هذا جزء من التضحية في الحياة

الحياة ايش هي عزيزتي من دون صبر وتحمل الصعاب واستيعاب الصدمات والتقدم للأمام دون الوقوف عند الصدمة..وشوية شوية ينفرج كل شي ويبدا الانسان يحصد ثمرة تعبه

والأهل كلهم مروا بهذه المعاناة ولو ما مرو فيها ماكان الواحد وصل لمرحلة الاستقرار المادي...

والحمدلله توك زرتي أهلك..يعني فترة كم شهر زيادة ما بتأثر عليكي...أي نعم كلنا نبغا أهالينا بس خلاص عزيزتي احنا الآن مسؤلين عن أزواجنا وبيوتنا...والواحد لسه توه يبني لمستقبله..وأهم خطوة للمستقبل بعد توفيق من الله هي اكتمال الدراسة..

انت قبله هو لازم تصممي على التخرج ولو بعد حين..وعادي قوليله أهم شي نحصل على الشهادة وفكري فيها لو تبغي ترجعي الحين يعني كل تعب سنوات الغربة راح على الفاضي؟؟؟وزي ما رحتوا زي ما رجعتوا؟؟؟

بتجلسي عند أهلك يوم يومين..اسبوع وناسة وزيارات..بس بعدين كل واحد راح لحال دنياه ورجع لشغله وعيلته وشوي شوي الا ماراح يجيكي لوم على اهدار فرصة التخرج وانه محد قالك ترجعي..وتحسي نفسك منصدمة..

الدنيا كذه عزيزتي...واللي يلومك ويكهك في الغربة ويقولك وش تبون بالشقا تلقيه يتمنى لحظة يغترب ويدرس وينجح ويلقاله وظيفة محترمة بعدين بمشيئة الله لما يرجع


وعلى قول المعتصمة..في كثير بنات يا ما بكوا ويوميا يتصلوا على أهلهم ونبغا نرجع..وشايفين الغربة كابوس أكثر من أنها فرصة لنيل أعلى الشهادات...وفي الآخر مافي أحد استقبلهم في المطار ولا سوالهم هذاك الترحيب والشي اللي مفروض يصير

يمكن تقولي لا اهلي غير وودهم باللحظة اللي أكون معاهم...طيب وبعدين لما يجي وقت الجد وزوجك يدورله وظيفة ما يلقى ولا عندكم مبلغ تطلعوا بيت لوحدكم ويجيكي الكلام وترمية الحكي اللي لايودي ولا يجيب ساعتها تقولي يالله هذوك الكم شهر اللي كانوا فاضلين في الغربة ياريتهم كانوا 5 او 6 سنوات بس في الآخر ينجح زوجي


شوفي أمس لسه نهني بعض برمضان واليوم صار 12 رمضان..ياسرع الدنيا سبحان الله بكرة تغمضي عينك وتفتحيها تلقي نفسك خلاص جالسة تلمي شناطك راجعة نهائي وأمورك مخلصة بالخير والفرح

أوقفي جنب زوجك..النفسية ترى تخرب كل شي..وممكن زوجك الحين يضطرب ويحس نفسه مخطيء ومذنب وانه فاشل ويقوم يخبص في الامتحانات لاقدر الله وتصير الكم شهر سنة زيادة! مابيرضيكي كذه طبعا

استهدي بالله واطلبي من الله ربي يوفق زوجك ويلهمه ويسهل عليه كل الصعاب وابتسمي في وجه زوجك وعيشوا مع بعض على الحلوة والمرة...ترى بيشيلها لكي ويقول أصيلة..وقفت معاي ولا تذمرت ولا سمعتني كلام ولامتني وجلست تلومني على أهلها...

وادعي ربي يخليلك أهلك وتشوفيهم عما قريب على أحسن حال..وربي يفرجها عليكم ويساعدكم

أختك بشاير :26:

الله يبارك لكم الله يبارك لكم الله يبارك لكم

والله وانا اقراء كلامكم عيني دمعت لان بالفعل انتم اللي حاسين في الغبه وهمها
والحمد لله على كل حال

والله يصبرنا ويلهمنا الصبر على حالنا

وما ادري شقول لكم غير اني بالفعل احتاج لدعمكم وشاكره لكم

تسلمون
ارجع لكم بعدين لان الدموع ما اقدر اغلبها

حياك الله عزيزتي الرورو .. وحمدالله على سلامتك ... وقرت عينك بشوفه اهلك
ومبارك عليك الشهر الفضيل

ما عندي حكي اكثر من اللي حكوه الاخوات الله يشرح صدورهم بالعافيه على الدرر اللي انصحوك فيهم اللي ابي اقوله بالضبط حكت عنه الاخت معتصمه بالله جزاه الله الفردوس الاعلى والاخت بشاير والله قالو كل اللي بغيت احكيه وكان بخاطري وقت ما قريت مو ضوعك .

عزيزتي الرورو كملتي الكثير وما بقي باذن الله الا القليل اذا انتي تشكين من سوء نفسيتك بسبب تمديد المده فما بالك بزوجك ونفسيته المتدهوره بسبب تاخره ورسوبه في الماده فالان جاء دورك فقفي بجانبه وهوني عليه الصعاب فكلنا معك وكلنا مغتربات في جميع انحاء المعموره فمنا المريضه بحاجه الى اهلها
ومنا منهن على وشك الولاده وفي حاجه ما سه الى اهلهن
ومنهن من توالت عليهم السنين الطويله ولم يحن لهم رويه الاهل والاحباب
فعندما تضيقين تذكرينا اخيتي فنحن مثلك نعدالايام لنعود الى الاهل وارض الوطن وكلنا صدرنا حنون يضمكي ويضم اوجاعكي واوجعنا جميع

فوالله ياعزيزتي لقد مرت على ايام في بدايه غربتي في فرنسا فقد كنت فيها قرابه 7 اشهر وبعدها انتقلنا الى اسكتلند ايام لو راني عدو لي لحزن على مما فعلته الغربه والوحده بي فاصبحت عصبيه منطويه مكتبئه بشكل يرثى له حتى عندما ذهبت لسعوديه الكل انبهر من نزول وزني الواضح جدا ومن الاثار الواضحه على ملامحي من الغربه المولمه ولكن صبرت وكنت ائلجا الى الواحد الاحد الفرد الصمد وادخل باستمرار الى اخواتي المغتربات في هذا الملتقى الرائع فلهن الجزء الكبير من تخفيفهن هم غربتي ودعوت ربي ان يعوضني الذي لم اجده في فرنسا في محطتي القادمه اسكتلند
وابشرك صبرت وباذن الله ظفرت ويكفيني وجود جامع كبير حولي اقضي اغلب وقتي فيه مع الجاليات العربيه
فاصبري وكوني الزوجه المثابره اللتي تسعى على تشجيع زوجها وتقوي امامه ولا تبيني له ابد
ودائما ارفعي من شانه وان ما حدث مكتوب والمهم ما هو قادم ....
واهللك حاولي بان تقولي ان اجراءت التخرج تا خذ وقت وهكذا في كل مره والكل سوف ينشغل باامور حياته


ودعائي لك اختي الرورو با ن يثبتك الله على الصبر والاجتهاد فيما يحبه ويرضاه

:26: :26: :26:


الظاهر اني تفلسفت واجد بس خبركم بداخلي طاقه من زمان عنكم :17: :17: :17: :17:

اختك ام جود