والله اني حاسه فيك يااختي
اذا الوحده منا ساكنه في مكان فيه عرب بس مع ذلك ما تنسى الغربه وهمها ولا الغربه ترحم حالها
الله يعينك ويسهل عليك والله اني ادعيلك من قلبي ربي يسهل عليكم ويوفق زوجك
والصبر زين وما بعد الضيق الا الفرج ان شاء الله
خلي ايمانك بالله قوي واشغلي نفسك باي شي مفيد
ولا تستسلمين للتفكير والياس
ولا تخلين زوجك وتزيدينه هم على اللي هو فيه
الله يوفقك ويهون عليك غربتك
:26: :26: :26:

يا عمري والله:26: ..تصدقين مره تأثرت بالموضوع بشكل مو طبيعي...وحسيت فيك وبشعور رجلك المسكين..

خلي نفسك مكانه مقلقل بنت الناس معه للغربه واهله واصدقاه واقرباه كلهم يحترونه يرجع ومعه الشهاده..شعور مليئ بالمسئوليه ...والهم ...هذا بالاضافه الي هم الدراسه ...الحمد لله أنت أهون منه بكثير مافيه شي بوجهك اذا رجعتو للوطن ..بس بالنسبه لوضعه هو غير..لازم يجي وما يخيب ظن أهله وبلده فيه...شفتي وش كثر هالشعور صعب؟ فما بالك اذا كانت الدراسه صعبه ولا بعد على حسابه...

اخيتي الحبيبه..هونيها على زوجك حتى لو ما هانت عليك انت ...اعجبني ردك يوم سمعت بخبر رسوبه...وهذا ان دل فانما يدل على رد الانسانه الواعيه العاقله بنت من بنات بلدنا الصبورات الجلدات ياحبيلهن ويا حبيل قلوبهن...

يلا عاد هونيها وتهون كل الناس عندهم خير..وانت الحمد لله بصحه وعافيه وما صار الا الخير ان شاء الله ..وش يعني رسب..ترى الديره مهي طايره والله تحتريكم وتبين تطفشين منها والله وبتحنين للغربه ...لان فيها ذكريات جميله

يلا نبي نشوف الضحكه والابتسامه الحلوه ... :27:

أختك المحبه والجديده ورود الدار :)