يا مغربيـــــــــــــــــــــــــ ــــــــــــات اجيو لهنا -- الرقيوقات و الغليضات--

حبيياتي ها واحد السلام عليكم
اش خباركم ان شاء لله بخير؟ حبيت ندير هد الموضوع لينا حنا المغربيات حيت حسيت انه كاين شوية ديال التميز لاخوتنا المشرقيات علينا اكيد كلنا عرب و لكن انا تنقصد التميز ف اللهجة و بعض الاعشاب و قلت مع راسي علاش حتا حنا المغربيات ما نتعاونوش بيناتنا و للي عندها شي وصفة جرباتها و جابت ناتيجة تكتبها هنا يا نحافة يا سمنة و اي اخت عندها شي حاجة للبشرة اي اي حاجة و نفيدو بعضيتنا و انا عارفة تبارك الله انه عندنا ف المغرب مشهورين ب العطارين و الوصفات
و انا غادي نبدا
اولا انا تنتمي لفئة الرقيوقات و كنت معقدة بزاف من جسمي و خصوصا صدري و ما تناكل والو المهم اللي شافني يقول هدي تيحطوها تحت الميدة منين تياكلو و مكنت تنعرف للي يشجعني كلهم تيحطموني و خصوصا ف شي لالاتي عراسيا و نتوما عارفين تكشيطة و ما الى دلك تتلقاي كاع الناس لابسين تكاشتهم و ختكم بو حدها اللي لابسة العصري مند فترة دخلت لهد المنتدى و لقيت انه ممكن حتا انا نبدى نغير من شكلي قريت بزاف و اخيرا لقيت اللي يوالمني خلطة الجنجلان مع العسل زادتي 2 كيلو ف الاسبوع و ولا واحد الجينز تايجي قدي و بعد مدة منين شدينا العطلة درت الحلبة مع الحليب على الريق و مابقيتش تنشبع و حتا وجهى صفا
ب النسبة لوجهي كل حمام تنخلط العكر الفاسي مع ماء ورد ايوا نحك و نغسل الخ و نخليه فوجهي ف الحمام هو الاخير
المشكلة اللي بقات ليا هي صدري معرفت ما ندير
ولكن قررت نبدى هد الوصفة ديالت الاخت كنوز جنجلان +صوجا+حلبة+عسل و غادي نداومها 40 يوم و نرد عليكم االاخبار
ب النسبة لعامرات عندي واحد ختي تدير عصير الليمون و الما السخون و كرشها بدات تتغبر و مع الرياضة نقصت 7 كيلو ف 3 اسابيع
اههههههه جدة قالت ليا انه واحد العشبة سميتها الكتيرة تتكبر الصدر نشريها و نقوليكم اش جرا و للي جربها و عارفها يعطينا عليها معلومات
يا لا ا البنات للي عندها شي وصفة فادتها تكتبها لينا الا كنتي رقيوقة و وليتي غليضة قولي لينا اش درتي و الا كنتي غليضة و ضعفتي قولي لينا اش درتي ؟؟؟؟؟
المرجو التفاعل مع الموضوع
تهلاو