mayssa06 :

السلام عليكم ورحمة الله تعالى وبركاته شكرا على الموضوع ، عجبني بزاف ، حتث أنا مغربية وفرحت بزاف حيث أخيرا قدرت نهضر باللهجة ديالي ، المواضيع كلهم تنضاربو مع اللهجات كلهوم باش نتفاهمو مع جميع العربيات ولكن مع الأسف لاحظت بأن غير حنا اللي تنحاولو نفهمو أي لهجة ، ودابة بهذ الموضوع نقدرو نهضرو على راحتنا أنا من مدينة مكناس ومقيمة بفرنسا ، وأنا من الغليظات تنوزن 81 وكنت تنوزن 89 ، عييت بالرجيمات وما تنهبطش بزاف حيث غير تيدوز أسبوع تتجيني واحد الهيشة على الماكلة بحال تقولني عمرني ما كليت وتنعاود نرجع اللي مشى كلو ، يعني الرجيم ماشي هو الحل ، خصنا نحاولو نقللو من الماكلة وفي الليل يكون العشاء خفيف بزاف ، والرياضة بطبيعة الحال ، وأنا هذ الأيام راني تنفكر ندير ديك الخلطة ديال الدكتور عادل عبد العال ديال الكمون والسكنجبير والقرفة والحامض سمعت بأنها تتضعف حتى ل 7 كيلو في الشهر ، غادي نحاول مع تقليل في الأكل ونشوف أك على الله يا لاه أ خواتاتي المغربيات بغينا المشاركات تكون كثيفة واللي عندها شي وصفة تقولها وبالنسبة لكل المشتركات في المنتدى اللي عاوزة أي وصفة تقول ونحن على استعداد للترجمة الله يجمعنا في الفردوس الأعلى بجوار رسولنا وحبيبنا الكريم صلى الله عليه وسلم كما جمعنا في هذا المنتدى الجميل تهلاو أ خواتاتي

السلام عليكم ورحمة الله تعالى وبركاته شكرا على الموضوع ، عجبني بزاف ، حتث أنا مغربية وفرحت...

omaymakarim :

اهلااااااااااااااااااا ب بنت البلاد جربي الخلطة و ردي عاينا الخبار الله يضغفك ب الصحة و السلامة تهلاي

اهلااااااااااااااااااا ب بنت البلاد جربي الخلطة و ردي عاينا الخبار الله يضغفك ب الصحة و...

omaymakarim :

بحالي بحالك الحبيبة و انا نقوليك ان كل حاجة ممكنة غير العزيمة اش رائيك نتفقو على خلطة و نبداوها مع بعض لمدة 40 يوم و من بعد نقيسو راسنا انا و زني54 و طولي 162 و بغيت نوصل 60 اش رئيك؟؟؟؟؟؟؟؟ قتارحي شي خلطة و هاني معاك

بحالي بحالك الحبيبة و انا نقوليك ان كل حاجة ممكنة غير العزيمة اش رائيك نتفقو على خلطة و نبداوها...

هدى القلب :

الحمد لله البنات بدو كايتفاعلو ياربي يخلينا دايما هكدا مجتمعين على الخير.اختي اميمة الله يكتر خيرك على هدا الموضوع الي درتي.بالنسبة للخلطة انا ممكن نقولك 2 ندير ديال الحلبة وهده الخلطة ديال الاخت مليكة الله يسهل عليها ويوفقها مانكروش خيرها لانها هي صاحبة هده الخلطة من منتدى جمال المغرب الله يوفقهم للخير وطريقتها هي انك تاخدي معلقة ديال سيرو بيرفيتال قبل الاكل في الصباح وبعد نص ساعة تفطري تم تاخدي معلقة او اتنين ديال الحلبة وتخوي عليها ماء طايب وتخليها لمدة 3 ساعات راه كيضاعف الحجم ديالها تم ملي توصل ساعة 11 خدي معقة من داك الحلبة او شحال ما بغيتي وخلطيها مع كاس ديال الحليب وقبل الغداء خدي معلقة ديال بيرفيتال والباقي ديال الحلبة شربيه في الساعة السابعة باش تتعشاي مزيان .والخلطة التانية هي ديال الزنجلان مخلط بالعسل وانشاء الله قرري الوقت الي بغيتي نبداو فيه وها انا معاك وربي يسهل انشاء الله.

الحمد لله البنات بدو كايتفاعلو ياربي يخلينا دايما هكدا مجتمعين على الخير.اختي اميمة الله يكتر...