الصور في نهاية الموضوع
اخترعتها علشان عيالي ما يحبون ياكلون الخضار بالذات الكوسه وعلى فكره الكوسه لازم تكون فرش ومتأكده انها حلوه مو بايته في الثلاجه كمن يوم علشان ما تروح نكهتها
أول شي ني للمقادير :
صدور دياي مقطعه مكعبات
الخضار ( كوسه , بطاطا , مشروم , بشر ليمونه , عصير ليمونه , فليفله وطبعا بصل وثوم )
الصوص ( صويا , صوص محار ) وصوص المحار في عدة أنواع ويعطي نكهه مو طبيعيه للأكل
بس عن تجربه الصويا وصلصة المحار اللي في هالصوره أفضل نوع عندي من ناحية الطعم
والبهارات ( طبعا ملح , فلفل أسود , كمون , كزبره )
ومكعب ماجي
والطريقه :
1-نحط شويه زيت زيتون ونحط المشروم الفرش أفضل له طعم أحلى وشكله أحلى ونحط شويه ملح وشوية فلفل أسود ونحركه لين يستوي لما يستوي يصير المشروم لونه أسود
2- بعدين نحط البصل فوق المشروم وننتظر يحمر شويتين ونحط الدياي ونحط فوقه بشر ليمونه وعصير ليمونه و شوية صويا وصلصلة محار وباقي البهارات الفلفل الأسود والكمون والكزبره ومكعب ماجي ونحركهم لين يستوي الدجاج حبتين
3- نضع الكوسه مقطعه كبار والبطاطا مقطعه مكعبات صغيره ونحركهم وبعدين نصب ماي ساخن فوقهم لين يغطي الجدر
4- وبعد ما تستوي الكوسه والبطاطا تمام نشيل كل الكوسه ومو مشكلة لو شلتي شوية دياج وشوية بطاطا وشوية مشروم ونحطيهم في الخلاط ونصب شوية شوربه فوقهم ونضربهم في الخلاط
5- نصب الكوسة المضروبه ونخليها على النار شويه وبعدين نحط الفليفله وبس نسكر النار ونسكر على الجدر
ونقدمه طبعا مع رز ابيض وبالهنا والشفا وبهذه الطريقه عيالي عجبتهم هالأكله وصاروا مدمنين عليها وهم ما يعرفون انه مكونها الأساسي كوووووووووووووسه :09:
تذوقون ؟؟؟!!!! هاي لقمة للي ترد أول :26:
مظلومة وايد @mthlom_oayd
محررة برونزية
يلزم عليك تسجيل الدخول أولًا لكتابة تعليق.
مظلومة وايد
•
باقي الصور
يسلمووو يا عسليسلمووو يا عسل
ماشاء الله تبارك الرحمن هني وعافيه على قلوبكم وتسلم ايديج..
الصفحة الأخيرة