اهلا وسهلا فيكم بقدم لكم وصفة لذيذة وشهية ونوع من التغيير تقدم مع الرز الابيض او الخبز
جربوه وبتعجبكم ان شاء الله :42
طبعا ممكن تسوونها باللحم او بالدجاج على حسب رغباتكم :)
الطريقة :
اول شي نقطع بصل وثوم ونحمسهم مع زيت بس لين يذبلون بعد كذا نضيف
لهم البهارات (زنجبيل مطحون+ فلفل اسود+ ملح+ بهارات مشكلة+ فلفل احمر ناعم حار
مطحون ويفضل النوع الحبشي +مكعب ماجي+ كمون )
نخلطهم مع البصل والثوم ثم نضيف اللحم او الدجاج ونقلبهم كويس ونغطيهم دقيقتين بس
بعدين نضيف طماطم و صلصة ونقلبهم شوي ونغطيهم دقيقتين ثانيتين ثم نصب عليهم بيالة
ماء مغلي مو اكثر ونغطيهم ونقصر النار تحتهم ونخلي المكونات تنضج بهدوء
ممكن تضيفون اي نوع من الخضار انا حطيت كوسا بس اهم شي توطون على النار عشان
تنضج المواد على البخار ولا تحترق وتحركونها بين وقت واخر طبعا الدجاج ما ياخذ وقت
مثل اللحم
ممكن بهذا الوقت تسوون رز ابيض وتقطعون السلطة وتجهزون السفرة ولا تنسون تسلقون بيض
اللي ما قد جرب يمكن ما يتقبل الفكرة بس اتمنى انكم تجربون له طعم مميز ولذيذ
بعد ما ينضج اللحم والخضار ضيفوا البيض المسلوق لليخني بدون تقطيع فقط قشروه وتاكدوا
انكم تخلصتوا من كل القشر وقلبوه معاهم عشان ياخذ النكهه بس دقيقتين واغرفوه بطبق التقديم
هذي صورته ريحته ما شاء الله روووعة
..,وهنا بعد ما قطعت البيضة بالنص
..انا هنا كنت جوعانة وسويته بنقانق الدجاج واكلته مع الخبز بس اول شي احمسوا البصل والثوم وضيفوا البهارات
ثم الخضار وغطوا القدر الى ان تنضج الخضار واخر شي ضيفوا النقانق والبيض لانهم ما ياخذون وقت وصحتين
والف عافية
بصراحة سر النكهه الفلفل الاحمر المطحون النوع الحبشي لانه له طعم ونكهه خاصة ومميزة
انتظر ردودكم :26:
اللهم صلي وسلم على محمد واله وصحبة
