يعلم الله سبحانه من عالي سماه اني مظلومه

السلام عليكم
ببدأ بالموضوع على طول لان النفسيه زفت
المهم يابنات في مناسبه لقرايب زوجي صارت قبل كم يوم وقال زوجي تبين معاي ورفضت بحكم ان لي قريب بالمستشفى وحزنانه عليه حيل وماحضرت ولا مناسبه من بدايه الاعياد الى يومكم المهم بذاك اليوم راحت ضرتي ومادري معاه احد من بناته او لا وانا رفضي لاجل قريبي تعبان ابدا مو لاجلها واساسا مادريت انها حاضره الا بعدكم يوم من المناسبه
الى كذا والامور تمام
الى يومكم هذا جاني زوجي من الدوام والشرار يتقاطر من عيونه يقول قريبي الي صارت عنده مناسبه يقول ان فيه حرمتين صورن الحاضرات ومن ضمنهن زوجتك الي هي ضرتي
ويقول الي قامن بالتصوير فلانه وفلانه احداهن تصير جارتنا والثانيه من معارفها قلت طيب وانا وش دخلني لاني من الحضور و لاني من الي صورن قال ابيك تعرفين منهي الثانيه قلت لا اسمحلي انا مالي دخل بهالامور ابد قال انتي خايفه على جارتك او انك تبين تبعدين السالفه عنك قلت السالفه بعيده عني من الاساس والحريم الي حاضرات والي مصورات مالي دخل بهن
انا تعبانه ومعاي التهابات وهبوط ظغط وانت تشوف وضعي الصحي وحزني على قريبي لاتجيب لي مشاكل غيري
اذا فيه شي انا لي دخل به تعال تكلم معاي به اما غر كذا ماابي اسمع شي
قال انتي تعرفين السالفه وانتي وانتي
قلت بقريح الي صورن والي حضرن انا وش دخلني
قال ياجعلك تموتين
وانتي وفلانه وفلانه يقصد الي صورن ياجعلكن تحترقن
وهو يعصب ويضربني بكيس بطاط كبير مع راسي وللحين راسي يوجعني
انا ماابي اقعد عنده بس بنفس الوقت ماابي اروح بكذا الناس تتاكد ان لي علاقه بهالسالفه وانا يشهد علي ربي اني ماسمعتها الا منه هو
حتى جارتي ماتجرات اساله اخاف مهي صدق وتسمع السالفه مني واكيد تبي تنقهر وانا ماابي اقهر احد
حتى هو الحين حالف بالطلاق اذا دخلت بيتها
ماهمني اذا منعني عنها بس ماادري من الي حاط بباله ان لي يد بالموضوع مادري هي ضرتي او قريبه راعي المناسبه حسبي الله وكفى
حتى راعي المناسبه يقول زوجي انه كسر جوالات الحرمتين وطلق زوجته الي عازمه الحرمتين ووداها لاهله ووعياله بالبيت لحالهم
قسم طعم الظلم مر مر وانا الحين من الظهر ماوقفت دمعتي
ماودي السالفه تكبر واروح لاهلي وانا مالي دخل به ابد