الأب : ياولد وش فيك ما تاكل
الولد : مالي نفس
الأم : ياولدي هلكت نفسك بالجوع وانت تقول مالك نفس
الولد : لاتخافين يابنت الحلال كلوا انتم وبس
الأب : الله يهديك طيب جرب وش انت خسران ، يمكن تنفتح نفسك
الولد : وش أكل
هاااااه وش اكل ... الكبسة ...... ما أحبها
تررررن
والسلطه ..... ما اواطنها
تررررن
والإدامات ...... ما ادانيها
تررررررررن
والعصيرات الطازجه ..... تحوم كبدي
تررررررررررررن ترررررررررن
الأب : طيب رد رد على جوالك
الولد : هلا والله ، انا في البيت ، هااااااااااااااااه وش قلت
كنتاكييالله يالله دقايق وجايكم
الأب : وين رايح ياولد
الولد : طالع مع الشباب
الأم : طيب قبل ما تروح خذلك لقمه من الحلا
الولد : وعععععععععععع الله يكرم النعمه
يالله تشآآآآآآآآو
الأب : وش يعني تشاو
الأم : يعني أختصار شاورمه
الوجبات السريعه نتحدث عنها وندرك مدى اضرارها ونتناولها باقبال كبير ..!
وعلى الرغم من اتقان كثير من ربات المنزل للطهي
واعداد الاصناف المختلفه من الاطعمه بشكل لذيذ و نظيف ,
الا اننا لانقبل عليها ..!!
هنا بعض الاسئله التي تطرح نفسها
- هل انت مدمن وجبات سريعه واصبحت جزءا لايتجزء عن حياتك / و ما السبب ..؟!
هل ترى ان لها فوائد بالنسبة لك / اذكر بعضا منها ..؟
- مالشيء المختلف الذي تجده في الوجبات السريعه وتجده يجذبك اليها..؟
- هل تعتقد أن إلزام المطاعم بنسب محددة من الدهون والسعرات الحرارية ممكن ؟؟
- وهل هو من الحلول النافعه لتقليل اضرارها .. ؟
- كيف نعود أطفالنا / اخوتنا , على عدم الإكثار من هذه الوجبات ..؟
وماهي افضل الطرق لترغيبهم بأكل البيت ..؟
- وشاركنا موقف حدث معك من جراء هذه الاكلات ان كنت تعرضت له ..,
- كلمه حره ..,
اترك المايك لكم ..
اتمنى ان يروق لكم الطرح ,