يـحـطـم ومـايـبـي يـودي ولايـجـيـب ؟!!!!!

السلام عليكم ورحمة الله وبركاته ... هذا اول موضوع لي هنا
وكتبته من حر اللي فيني ومن كثر مااسمع

الحين ماتروحين مكان الا تلاقين مطعم جديد او اكله جديده مغريه واذا مالقيتي مطعم تلقين دعايه لاي نوع من الاكل اللي يسيل له اللعاب
والاسواق مليانه مطاعم اشكال والوان مالح والا حالي اكل والا شرب
واذا رحتي تزورين احد قدموا لك حلا او مالح او عشاء اشكال جديده وحلوه
في التلفزيون اكل .. في المجلات والجرايد اكل
يعني وين ماتروحين هالاكل وراك وراك
وشي طبيعي اننا نبي ناكل عشان نعيش بس الحين طمعنا مانبي ناكل اي شي
انا من ناحيتي اذا عرفت ان الغدا رز ومرق زعلت-الحمدلله على النعمه- بس اكل عشان الجوع
عاد فينا اللي تاكل وتسمن بسرعه وفينا اللي ماشاء الله تاكل من هنا ومدري وين يروح اكلها ، يعني ماتسمن .

نجي للي يسمنون بسرعه بعد الولاده او اي سبب ثاني
اللي متزوجه يهزأها زوجها على جسمها ويقول شوفي الرشيقات والمشدودات اللي في التلفزيون مو انتي الدبه
والحريم ياحياتي رقيقات تتأثر من هالكلام وتلقين بعضهم من الزعل تروح تاكل ... ياعمري وقلبي
وبعضهم عندهم استعداد للبحث عن الرشاقه عشان نفسها او عشان زوجها
اذا قالت له بشترك في دايت سنتر يجيبون لي اكل دايت قال طيب واذا عرف ان الاشتراك بـ 2400 بغى يموت قال لا اطبخي انتي .
واذا سوت الغدا ملح خفيف وبدون زيت وبهارات ، يكون مسلوق والا مشوي - يعني اكل ريجيم عشان تنحف
رجع من الدوام يبي يتغدى وشاف هالطعم عصصصب وزعل ليه ؟ يبي ياكل اكل دسم زي الناس....

طيب نجي للترهل واتمام عملية الدايت
تقوله ابي اشترك في مركز اسوي رياضه او امشي في الشارع
رفضضضض ----- ليه ؟؟؟
مو فاضي يودي ويجيب والاشتراك اصلا غالي .....
امشي في سور البيت ،،،، هذا اذا كان فيه سور
يعني الحين لايبي يدفع ولايبي يودي ولايجيب يحطمها ويقول لها انتي دبه ومترهله ولايبي يساعدها!!
شلون يبيها تنحف ماادري

بس ماتوافقوني ان الاكل نعمه ليش نحرم انفسنا


اسفه على الاطاله بس من حر مااونس
شكرا لكم :26: