تسلمو بنات
تسلمي اختي cuute
كلامك منطقي وعين العقل وعجبني
وانا مابديت اشرب 8 او 7 اكواب يوميا الا لان الدكتور قال 7 او 8 اكواب فقط هذي الكميه اللي محتاجها الجسم قال يحتاج الجسم الى 2 و3 لترات يوميا من الماء وهو 8 اكواب
وقال الدكتور كمان للوقايه من المشاكل الصحيه الكثيره
شرب 8 اكواب يساعد على التغلب على الكثير من مشاكل الجسم ويقوي النظام المناعي ويجعله اكثر قدره على مقاومة الامراض
اللي خلاني اعزم عالماء لان نصيحه طبيه من الاطباء يوم احمل ببنتي من طبيبه يقولون جسمي ناشف جاف محتاج مويه
لان في ولادتي ببنتي كان تقول الدكتوره جسمي محتاج ماء ناااااقصه ماء حتى قالو بيحطولي ماء مدري وش
لاني انا نحيفه ومااشرب ماء احيان يمر يوم كامل مااشرب ماء
ودحين بديت اشرب علا كلام الدكتوره وكله اروح اراجع عندها وتقول لحد الان جسمي زين مامحتاج ماء
ولان اهليييييي كلهم وصديقاتي كلهم عاملين حمله شرب الماء 8 اكواب يوميا للصحه والبشره والشعر ويشجعون بعض
وكل وحده بشرتها سارت رهيبه ناعمه وصحيه ورويانه فرق عن اول من بعد شرب الماء خصوصا يضيفو له موية ورد بس انا مااحب و هذا اللي خلاني اتشجع
بالنسبه للفواكه والخضراوات صحيح فيهم مويه اغلبهم بس انا مااكلهم بس ممكن اشرب عصائهم طازجه بس مو دايما
الشاي والقهوه ماااااااااحبهم




الصراحة شرب الماء بكثرة له نتائج ممتازة للصحة والبشرة سبحان الله


طيب اللي وزنها 45 او 44 كم تشرب 4 بس ؟؟؟؟؟

اقول خيتووو استمري وااايد الماء مفيد لكل شيئ تدرين ليش؟
بس تشربين تروحين الحمام وانتي بكرامه !
لانه جسمج مليااااان وايد سموم ومحتاج للماء وايد وكلما شربتي ماء هالسموم تطلع
انتي على بالج الماء ينزل على طبيعته لالالا ينزل مليان سموم من جسمج
والماء يغسل الجسم من الداخل مثل ماانتي تغسلي جسمج من الخارج
و8 اكواب مو كثيره يوميا هذا كمية طبيعيه يحتاجها الجسم يوميا
وجسمج مامعتاد على الماء عشان جذيه يصير لج
وجسمج مليان سموم عشان جذيه كل مره تشربين تروحين .......وانتي بكرامه
خلي جسمج يتنظف من السموم وحلي الماء بماء ورد تراه مفيد
تدرين انه رفيجتي تشرب 3 اكواب ماء يوميا او انها تشرب بس وقت مااتعطش
احيان بس مره باليوم ووايد عليها واحيان يمر يومين ماتشرب
وعندها الالم فضيعه ماتجيها الا بالليل واهي نايمه
بجوانبها بالكلى ياكافي الشر
وراحت المستشفى بعد الفحصوات اتضح انها ناقصها ماء الكلى
وانه الاملاح مترسبه بالكلى ويبي لها تشرب كمية ماء حتى يتنظف جسمها والكلى
وصارت تشرب على نصائح الطبيب 8 اكواب يوميا
ورجعت ليهم بعد 3 اسابيع وسوت تحاليل وصارت الكلى زينه بسبب الماء
ومرت اخوي دايم ظهرها يالمها من تحت من الجنب ونفس الشي طلع زيادة املاح
ونصحها الدكتور تشرب ماء لانها هي تشرب ماء اذا عطشت فقط
وصارت تشرب ماءو حمدالله صارت اوكي
وامي ويداتي كلياتهم جانو دايم يتعبو من يروحون مستشفى
يقولون لهم المستشفى انتو جسمكم وااايد جاف
ويدتي ركبولها دم وماء لانه ناقصها دم وناقصها ماء ركبولها ماء وااايد
وامي نصحوها المستشفى
تشرب ماء 8 كاسات وصارت تشرب وصارت الحمدالله احسن من الاول
ماشاء الله عليها
تدرين ولد جيرانا صغيرون مسكين
ياويلي على عمره ربي يرحمه
مايشرب ماء الا مره يوميا وناااادرا
وصابه جفاف حاااااااد مو طبيعي وتوفا رحمة الله عليه
ترى الماء ممتاز وهو سر الحياه ولولاه مانعيش
ف8 اكواب شرب طبيعي هذا اللي محتاجه الجسم مو حنا نحتاجه
يعني مو لازم نشرب ماء فقط الا لما نعطش
الجسم يحتاج ماء بكل آونه وضروري تعطي جسمج ماء
بس وزعي هال8 اكواب على عموم اليوم
مو تشربين بوقت واحد
يعني آنا اقولج الصباح اول ماتجلسين ضروري تشربين
كمية الماء الصحيه اللي ضروريه تنشرب بالصباح على الريوق قبل الافطار
حتى ينظف الجسم من السموم
وهو تشربين 4 اكواب وسط بالصباح او كوبين 2 يعني (كأس وسط )
او كوبين قبل الافطار بساعه حتى يتنظف الجسم
وكوبين بعد الافطار بساعه او ساعتين
هنا صار الصباح 4 اكواب
والظهر شربي كوب
والعصر كوب
والمغرب كوب
ووقت النوم شربي كوب
لان لو نمنا الجسم يفقد الماء
وبجذيه صارو 8 اكواب بين فترات متباعده مو متقاربه
اتمنى الج التوفيق والصحه

يس
فق بسبب نسبة الكلور مو سبب ثاني
ولا الماء هو الحياه
الماء للشرب يحطون في كلور يعالجونه مدري ويش
الافضل تشربون ماء صحه الافضل وايد ماء الصحه
لانه مافي كلور
انا شاريه لي كراتين وايد ماء صحه
واشرب ماء صحه مااشرب الماء من البراد ببيتنا
لان في كلور من تبع المياه نفسهم
افضل شي تشربون وايد ماء صحه العلب

شرب الماء حسب وزن الجسم مو كل الناس 8 او 10اكواب... والشئ الزايد عن حده ينقلب ضده ...واكيد تشربين مع الاكل ... وكل جسم يختلف عن الثاني .....والي عنده املاح او التهاب  يشرب كثير 

لو السوائل تطلع على هيئة عرق كان ما احتجتي تروحين للحمام كثير
بس الواحد مايبذل مجهود عشان يعرق

وقرات كثير ان شرب الماء بكثره مفيد للدورة الدمويه ولحرق الدهون وللبشرة وللشفايف من الجفاف
استمري وراح تلاحظين الفرق ولا تهمك تعليقات زوجك والحمد لله الموضوع ماياخذ خمس دقايق في بيت الادب :)