يقول زى ماتشكى فيا من حقى انى اشك فيكى

صباح الخير ياحلى عالم عالم حواء والله مره وحشتونى مره مره تخيلو ليه 3 اسابيع عنكم ماقدر افتح المواضيع ولا اراسل الاداره بحجه تعبئه الحقول اعبيها ومافى فايده الين طفشت وتركت المنتدى بعدين اليوم زميلتى قالتلى الحل هو فقط تاريخ الميلاد بالميلادى هههههههه!المهم عندى مشكله والاهم هيا تحديد مصيري مع زوجى هل طلاق ام رجوع وتعديل من وضعى المشكله ومافيها انو من سنتين اتخاصمت مع زوجى وتعرفى الحرمه الا انها تهان وتنطرد على اتفه شى او يهدد بتركك للمنزل وانو يوديك بيت اهلك وكنت غبيه ساذجه مغفله عرف نقطه ضعفى يهددنى بالطلاق او انو يرمينى او الخرووج من المنزل كنت اترجاه الين مره صارت مشكله كبيره وقلى جهزى اغراضك بكره اسفرك بيت اهلك قلتله هدا بيتى وبيت بنتى مانى خارجه حاول رفضت نمت الظهر صحيت بعد المغرب لقيت 100 ريال عالطاوله واكتشفت انو سافر لمهم اليوم التانى كلمته عالجوال قلتله انى خارجه مع صحبتى نمشي البزوره قالى روحى والله ثم والله والى خلقنى ونفخ فيا الرووح انى قلتله سمحلى والدليل جات جلست عندى بعد ماخرجنا رحنا الصوارى لاند مارك ولعبنا والله دخلنا 9 خرجنا 11 على مكه مع البزوره والشغاله حقتها وسواقها اخذنا عشاء ورجعنا البيت على المكه والله ولله بحق الااله الا الله ا نى قلت له المهم مر عالكلام هدا سنتين والله ثم ولله رحنا من 3 اسابيع جده ومرينا من نفس المول صوارى لاند مارك وهو اول مره يشوفه ببلاهتى اتكلمى بثقه عمياء وقلت له انا دخلته قالى مع مين قلت له مع زميلتى وتفتكر لمن سافرت وانا قلتلك المهم صار يسب ويشتم تخرجى من ورايه انتى قلتى تخرجى فى مكه مو جده كذابه اعترفى ايش سويتى من ورايه الله العالم ايش بتسوى من ورايه انتى وصحبتك مع العلم انو يتجسس عالمسن وايميلى ومواضيعى وملفاتى فى المنتديات دخلها والى تتابع مشاكلى تعرف كل مشاكلى والمعاناه مع زوجى وقبل كذا قال انى انا اخرج فى اليل مايدرى فين ارووح نجى للجد ينكر يقول تكذب مع العلم بطلب منه زميلتى مادخلها البيت هو طلب واكثر من سنه قطعت علاقتى معاها رغم والله جمايلها على كتير يما اكون محتاجه شي هي تجبلى وقفاتها مادى ومعنوى فى فتره تركنا بدون اكل والله انو هيا الى جابتلى مع العلم زوجى يبغا كل مارووح خرجه لازم اقوله كل البنات بالاسم وبنات مين وايش سوينا الى اخره وقلت له مو من حقك افصلك الى يصير فى المجالس لدرجه يقول ياكتر صحباتكوالله العالم ايش تسوى طلعى طلعى قولى انا مانى رجال وقلتله كلمه تبغى تفتش من ورايا فتش الين ماتتعب واثق الخطى يمشي ملكا وكل يرى الناس بعين طبعه ومن بعدها احنا مانكلم بعض وماياكل عايا وطبعا الطلابات غير مجابه دقت منه المر وانواع الطرده واستحمله هو للاسف ماستحمل وفتح ملف اتسكر من سنتيين دعواتكم ووافونى بردودكم لانى والله ساكه فى الدنيا وبغا افضفض مع العلم زوجى يفتح المواضيع يليت تكتبو ردود ليه وله وتذكروه بالخوف من الله والقذف تصبحون على خير استودعكم الله الذى لاتضيع ودائعه للعلم تحديد المصير بعد غدا الاربعاء