يقول متى يصير عندنا طفل واذا طلبت اني احمل رفض !!

السلا م عليكم اخواتي والله اعرف اني صجيتكم بمشكلتي ذي بس والله عجزت افسر وش يبي بالضبط
انا قد كتبت لكم انه بداية زواجنا قالي اول سنة مافي اطفال واستمرينا على هذا الحال سنة يجيب لي حبوب منع الحمل
بالكراتين
ادري انها مضرة بس مااحب اغصب شخص عشان ابعد عن المشاكل وكل هالسنة وانا بعيوني واضح اني ابي احمل بس ماعمري قلت له وهو يدري
لانه دايم يكرر علي انه مايحب البزران وكذا بس الغريب انه يقولي بعض الأحيان هاه مستعدة للأمومة وكذا وانا اسكت لاني ادري انه بيقول لا
من كثر مايكرر علي انه مايحبهم
قررت اترك الحبوب من وراه ولازلت تاركتهم بس ماحملت وامس فتح التلفزيون وجت دعاية شامبو اطفال وهو بالعادة لاجاء زي كذا على طول يوخرة
بس هالمرة حطها وانا استغربت بس برضو سكت ماعلقت
مدري الا يقول متى يصير عندنا طفل وتروشينة زي كذا !!
انا جيت وتكلمت هالمرة وقلبي من جوا يمشي مليون خايفة انه يرفض وفعلا رفض اول مره اتكلم بصراحة واطلب ورفض وعيا
وقالي موب على كيفك أنا الي أتحكم قلت له هذا الشي بين الزوجين مافيه احد يتحكم وسكت كملنا قهوتنا كنا نتقهوى الضهر ورحت نمت ولاقمت الا الساعة وحدة بالليل
من ضيقت الصدر اول مره اسويها بس مابينت له اببببد ولافتحت الموضوع لاني مااحب المشاكل ولا اعرف لأسلوب الجدال ولا اعرف اشحذ احد ابد
عاد سويت كروت صغيره اليوم كل كرت في ترجي اني ابي اصير ام وكذا واحطه بثوبه كل صبح لسا مابديت بهالحركه
وش رايكم بحركتي مع اني ادري انو ماراح تحرك فيه شعره
وبعد فسرو لي اسلوبه مو قادرة افهمه ابد
حسبي الله توكلت عليه ولاحول ولاقوة الا بالله العلي العضيم