بنات هاي قصه سندريلا بلهجه اهل القري عنا في فلسطين
يعني اللغه لغه شاميه بحته
وهاي وحده عجوز عم تحكي القصه لاحفادها
اذا احتجتوا ترجمه اسالوني او اسالوا نونه بنقدر نفيدكم ان شالله


كصة سندريلا

لبست الفسطان وراحت جري عالكصر وشافها الأمير وحبها وركضوا سوا وفجأة دكت الساعة اطناش وجراي وصارت ترمح و ترمح ووكعت ببوجها عالدرج.

سندريلا راحت عالبيت واتمنت لو انو الساعة ما دكتش على الطناش، بس شو تسوي بحظها المشحر مثل حظ هاظا الشعب.

الأمير حط فردة البابوج على مخدة يمكن لونها زركة أو نهدي، المهم صار ينادي بالصوت على كل البنات عشان يكيسن البابوج، كاسن كل البنات إلا سندريلا .....

سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ظربها الأمير تشف،

وحكالها: وين جاي ياما، حكتلو: يقطع وجهك ما أزنخك، مش شايفني بدي أكيس البابوج هاجم علي زي كباظ لرواح.

حكالها: وحدة مثلك كيف بدها تكون فلكة الكمر مثل هديك، حكتلو: هسا بفرجيك وأحط على عينك

,ولما اجت تكيسها، ما طلعت كد اجرها، لأنها كانت ورمانه من كثر الشغل، ويا حرام ما حدا صدكها،

وانجنت المشحرة ودارت في الشوارع، والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة.

وعاش مع مرتو الجديدة حياة مكلعطة. خطية المسخمة سندريللا اللي ان**ر خاطرها كدام الناس

اهلين مومنة
يا روحي النفسية لسا متل اول ؟ هونيها يا بنت الحلال اهم شي الصحة و هداة البال و لمتك مع زوجك و العيال ( كيف بس شاعرة اصلية )
اشتقنالك والله

ندووشتي الله يرحمها ستك .. دينا هلا بتحكي هاد الحكي لانها ممنوعة من تلات ارباع الاكل .. بتقول اللي بصحله ياكل ما يقصر :)
و على الصراخ يوووه عنا و عندك خير .. والله صايرة متل النوور صوتي دايما طالع
و طول النهار بس يا بكررررررررررررررو انزل عن الكنباية يا عمر و ابعد عن الزبالة يا عثماااااااااان
مرات بصرخ والله و هم مو عاملين اشي بس احتياط :o

دندون
ينصر دينك عبرتي عن شعوري الداخلي لاولادي
والله انا زيك حتى مرات بتكلم مع زوجي ويقول لي ليه بتحكي بصوت عالي
شكلي فقدت معالم كتير من الانوثه
وان على النورنه حدث ولا حرج عندي
انا صرت نوريه ورداحه من الطراز الاول
وسلميلي علي دينا كتير
شو طابخه اليوم يا ام الاكلات الزيزه

ندوووووووووووووووش بتجنن القصة ..
بس شو شامية بحته!!
يا بنتي هاي لهجة فلاحين من كاع كلب الكرية :D
لهجة بلدنا هييييييييييييك بالزيط بس هلا ما في حد بحكيها كلنا آل و ألنا ..


اليوم مش طااابخة
جاي زوجي من العمرة و اخيرا اهله تبرعو يطبخو
كل مناسبة حد راح ولا اجا انا اللي بطبخ هالمرة حزنو علي
و عليم الله انها عاملة جاج محسي و ملوخية مع انه زوجي بطيقهاش ..

تسجيل حضووووووووور
رقي
سلامتها ياقلبي عليها الله يشفيها يارب

راجعه بعد قليل ان شالله