والله فكره حلوه ...

أنا ولدي ما يرقد الا وهو يرضع .. والمشكله انه بدت تطلع أسنانه وأخاف تخترب أسنانه من الحليب ..!!

بجرب اليوم الطريقه وبخبركم النتيجه بعد ما أنجح ..

تسلمي صاحبة المعلومه وتسلمي فـواغي

والله طريقة حلوه

انا ولله الحمد ما عودتا على الهز من جبتها

الشهور الاولى حركات المغص كنت احطها بحظني واتحمل بكاها وقلبي يتقطع عليها واناظر فيها ويدي تحكيني ودي اهزها بس اقول ببتعود

واختي تقول هزيها وبقوه وكم دقيقة وتنام بس الحمد لله ماطعتها :30:

والحين ماتحتاج هز ارضعها لانها نحب تنام على صدري وتنام واحطها بسريرها



احب اضيف نقطه لطريقتك وعن تجربه


سرير البيبي اتركيه للنوم فقط

يعني لا تحطينه فيه وقت يكون صاحي ومروق

اذا جاء وقت النوم وغيرتي له ورضعتيه حطيه فيه وبيصير فيه ارتباط ان السرير للنوم

وعلى طول ينام

جربت الطريقه اليوم .. تميت نص ساعه بصراحه تعبت من الخاطر وقطع قلبي المسكين ..
صاح وصرّخ و دموعه على خده و خشمه بصوب ..خخخخخ

يلست ألعب وياه اشوي وسكت .. لكنه يرجع يصيح مره ثانيه لانه يبغيني أشله .. وطبعا قاومت وقاومت واستهبلت عليه اشوي ويوم شفته معاند قلت بيلس حذاله وبقرأ مجله وهو بيمل وبيسكت ..

وفعلا يلست أقرا واندمجت رغم صراخه وصياحه اللي ما وقف ..

وبعد النص ساعه مل المسكين وسكت ويلس يلعب اشوي مع عمره وكلها ثواني وحط راسه ورااااااااااح في سابع نومه ... فديته والله غمظني لكن بستمر وياه على هالطريقه علشان ما أتعب وياه في المستقبل ...


وتســــــــــلمين الغاليه على هالطريقه العجيبه ...

ومشكوره يا أخت أديم الحب على الاضافه لكني للاسف ما أقدر أتقيد فيها لانه ما عندي غير هالغرفه (ساكنه في بيت أهل زوجي ) وما في غير المشايه أو السرير علشانه يحبي وبيكسر لي الدنيا يوم أحطه على الارض يروح يمين ويسار ويخرب ...


ولكم مني كل الشكر ..

ودمتم في حفظ الرحمــن ..

السلام عليكم

ضموني معاكم في المجموعه ...

أنا بنتي 8 شهور ومستحيل عندها تنام إلا وهي متعلقه بصدري .... صرت أهزها عشان تنام ... عشان ما تتعلق بصدري <---- بس واضح إني أصلح الغلط بغلطه ثانيه

وجربت كم يوم أخليها تنام بيني وبين أبوها من غير ما أعطيها صدري ... النتيجه ساكته وتقعد تلعب وتغاغي مع إن فيها النوم بس عطيتها صدري نامت

وكل ليله لازم تقوم مرتين أو ثلاث تطلب صدري وما تسكت إلا لما أعطيها حتى لو ما تاخذ منه إلا شويه المشكله هاذي مرررررره متعبتني :(

مشكلتي الثانيه مالها دخل في النوم ,,, إنها تبغاني أشيلها على طول خصوصن إذا كنا لوحدنا (ساكنه في بيت أهل زوجي) وأنا أكون مشغوله أرتب أطبخ أكنس شئ مثل كذا ومادري وش أسوي معاها ذبحتني بـ بكاها وصراخها :(

ساعدوني هي بنتي البكر ومادري كيف أتصرف