معاكم معاكم يابناات واذا ظبطت معاي هالطريقه راح ادعيلكم من قلب ..

الحمدلله بنتي مو متعوده عالهز

اعطيها رضعتها وتشبع بعدين اعطيها مصاصتها والحفها واخليها بهدوء ونور خافت تنام لوحدها وبعض المرات اشغل لها لعبتها اللي تنحط فوق السرير وتطلع موسيقى وتدور تطالعها لين تدوخ وتنام ونادر جدا انها تبكي وتبيني اشيلها عشان تنام

بس مشلكتي في ولدي البكر عودته انه ينام على ايدي من الأربعين اي نعم من الأربعين من فرحتي فيه وحبي له وانا من النوع اللي ما اتقلب وانا نايمه فخلاص تعود لي الحين وهو عمره سنتين و4 شهور وينام على ايدي
لكن البنت عمرها اربع شهور اسم الله عليها تنام عادي بسريرها بس بعض المرات تصحى الصبح ترضع وتظل تلعب لوحدها وبعدين تبكي لأن مافي احد يلعب معاها فآخذها احطها جنبي تلعب تلعب بعدين تشوفني نايمه تنام معاي واستانس بعض المرات بعد الغدا احطها بوسطنا انا وابوها تتلفت مره اطالعني ومره اطالع ابوها وتبتسم لين تنام احسها تشعر بالحنان والاطمئنان والراحه

آنا من المؤيدين ان العيال ينامون مع اهلهم لين يتشبعون من الحنان والأمان بس يكبرون اكيد من نفسهم راح يقولون نبي ننام بغرفه لوحدنا

طيب يااخواتي ساعدوني في ولدي عمره سنتين لكن ماشاء الله عليه نومه صعب والله اقعد اهزه وينزل من رجولي وارجعه وينزل اللين اعطيه خبطه على رجله بعدين يبكي واهزه وينام بس ماشاء الله وزنه زاد وصار يتعب رجلي اذا نام عليها
واذا ابستخدم الطريقه حقت الاخت كاتبه الموضوع سويتها مره وطنشته صار يبكي وبعدين يقوم يلعب ويدور في الغرفه ينزل من السرير مايجلس قولولي الله يعافيكم ايش اسوي

إن شاء الله تنفع الطريقة

ما شاء الله اخبار حلوه يا فواغي ,,,
بس لا تنسي اللي ساعدك انه مرشح و تعبان و مافيه حيل يقاوم ... بس رب ضره نافعه ... اهم شئ انك لا تقولين مريض بهزه ... لا مادا تعود خلاص و ان شاء الله ما راح يتعبك بعد كده لأنه تعود خلاص ....

متغليه ... الطريقه تلاقيها فى كل كتب الأطفال التربويه ,,, من النت و من كل مكان ... و هى ما فيها اي ضرر ... لأن الفكره كلها في تعود الطفل على عاده خاطئه و كيف نصحح له هذه العاده ... مثال: مثل اللي يدخن و يبطل اكيد يعاني نشكل من الأشكال اذا تحمل بطل و اذا فشل ما كأنه سوي شئ ... نفس المفهموم ... و لا تنسي اني قلت فى البدايه تكوني متأكده انه شبعان و نظيف و انه يكون 3 شهور او اكبر ... ليش ؟؟؟ علشان نتأكد ان المغص راح ... و اصلا انت كأم راح تعرفي تفرقي من بكاء المغص عن بكاء الدلع ... و راح تلاحظي انك لما تقربين منه يسكت ... لو مريض او ممغوص ما راح يسكت ....
و انا مع الأخت اللي تقول ان سرير الطفل للنوم فقط ... حتي نوم الننهار المفروض انه فى مكان اخر ... او اذا فى السرير بس ما يكون هدوء تام علشان يقدر يفرق بين الليل و النهار ...
طبعا اهم شئ انه يكون الجو يساعدك ... مثلا ... غرفه تقدرين تنومين الطفل فيها ... بعيد عن غرفه نومك و الا الأب ما راح يساعدك ... و اهم شئ انه ما يزعج طفلك احد و الا راح يفشل الموضوع بتدخل الأخرين ..

و بالتوفيق ... و ننتظر الأخبار