يليت تنصحوني كيف اتعامل مع ولدي

انتي حاطه نموذج معين للرجال في راسك وتبغين ولدك يكون هذا النموذج

و مو على كيفك

سيبي الولد على راحته انتي انصحيه عن الغلط وبس

هو بكره يكبر ويختار طريقه

حبيبتي أمسكي اعصابك هذا ولد بكرة بيشرد منك ولا راح يهتم فيك ولا في كلامك خصوصا اذا راح يشتكي عند احد أصدقائه والله لايقلبه عليك قلبه راح تندمين عليها بعدين
أمي ربت أخواني بالحكمه والهدوء وشوفيهم الله يخليهم ويخلي أمي وأبوي طلعوا رجال الكل يذكرهم بالخير
وبعدين هو لاتفكرينه عديم أحساس لما يشوف الفرق في معاملتك بينه وبين اخوانه راح يولد الكراهية في نفسه لاخوانه
والله يصلح عيالكم
حاااااااااافظي عليه لاتندمين

يب لاتشدين عليه هذي المرحله اذا شديتي فيها مابينسى كلميه باسلوب ومادام انه ممتاز خلاص اتركيه ادعي ربي يحفظه
ترى حرام يحز فنفسه انك انتي تعاملينه كذا اذا عصبتي اصرفي نفسك ادخلي غرفتكي او روحي اتوضي يطفي غضبكي .

خليه على راحته

وبعدين انصحية برفق ولين

احتوي الولد اعرفي سبب رفضه

يمكن انتي تفرضين دايم رايك عليه

ويمكن هو عنيد

انتي ادرى فيه

الله يعينك

السلام عليكم ورحمة الله وبركاته
عزيزتي ام الولد لا تزعلين على نفسك انا كذا مع بكري احسه يتحملني واتكلم عليه كلام ما اتكلمه مع اخوانه بس تدرين ليش لانه اغلا واحد فيهم وانت كذا اسألي نفسك تلقينه هو الغالي عشان كذا انت تحسين انه يطل على قلبك وانت تبينه يكبر بسرعه عشان كذا انت تعاملينه غير ......بس ولا تزعلي عندي الحل حبيبتي حاولي في الاوقات اللي تكوني رايقه فيها انك تبينين غلاه وانه اغلا وحد وانه الكبير وانك تتدلعي عليه دايم حسسيه انك تزعلي عليه عشان نفسه وانك تبينه يكون الاحسن والافضل دائم .....انا دايم اذكر نفسي واتخيل انه بيروح من بين يدي ويموت ويخليني تصدقين خفت حدتي معه وصرت اقول له ليش تخليني اعصب عليك وليش ؟ وليش ولالالالالالا تنسين الدعاء في جوف الليل وتكوني على وضوء دائم........... بتوفيق لك وللولد والله يشرح صدرك ويسر امرك اللهم امين.