مثل ماقالت احدى الاخوات حسب المجتمع مجتمعات عادي عندهم
لكن مجتمعنا لا لانه حرام اهل الفرح يتكلفون وبالنهايه يخربونه الاطفال وكله كوم ولما يجي توزيع الحلويات والاطفال يتناقزون على الصياني بصراحه الام راح تفقد احتراام اهل الفرح واذكر بزواج اخوي احرجتنا قريبه لنا ودخلت ولدها معها عمره 8 سنوات وكان الزواج صغير ومحدود اللي قايمين فيه اهل البنت ومتكلفين يعني احنا ضيوف والله مت من الحرج لما شفت ولدها طويل ويراكض بالذات لما دخلونا على البوفيه اكل وخلص وماشاء الله شبع وبدأ يهضم ويركض بين الطاولات وتخيلوا شوي وطيح سلة الفواكه على الارض بسببه !!!!!!!!!!
لكن ما استحيت رحت لامه وقلت لها اختي اي شي بيصير من ولدك بيقولون اهل العريس وحرام عليك انا وخواتي ماجبنا عيالنا تدرون وش سوت
وهي قاعده قدام الناس قالت : يا فلان عيب عليك ياماما تعال اجلس .......... اخ بس لو تشوفونا ذاك اليوم بس قلنا لامي لاعاد تعزمينها مو كفو حشيمه الله يعافيها ولايبلانا

معليش حبايبي بس اذا انتي متزوجه بتعرفين ايش معنى ان الحرمه تخلي عيالها في البيت بعضهم تخاف عليهم فتقول ابرك لي اجلس مع عيالي وبلاها روحه هالزواج طيب واذا هذي جلست مع عيالها وهذي وهذي وهذي 0000000 يعني فرحك ما احد رح يحضره الا قليل وهذا ما هو زين في حقك غالافضل حضور الاطفال مع اهاليهم والتنبيه على الام ان اطفالها ما يخربون شي هذا افضل
وبعدين تخيلي انتي معزومه لعرس بس ممنوع اصحاب الاطفال ايش تسوين باطفالك 00000 يعني مشكله

المفروض نمنع الاولاد بس لان الحوسه الي تصير ماتجي الامن العيال يطامرون ويناقزون اعوذ بالله الواحد شطوله اما البنات ترى هادين وش زينهم بس عيبهم يتجمعون على الكوشه عشان العروس واذا نبهتيهم نزلو علطول
مره شفت ولد ماخذ مفرش الطاوله وحاطه على راسه ويركض في القاعه بين الحريم والمفرش يطير وراه وهو مبسوط مسوي سبايدر مان هههههههههههههه

الوقحه بتضل وقحه .. كتبتي ممنوع اصطحاب الاطفال او ماكتبتي
والمشكله ان الوقحه عيالها مثلها وقحين لانهم تربيتها
لاحظوا زين الزواجات اذا كتبتوا ممنوع وجو طبعا باطفالهم ماطقوا خبر للي كاتبين
تأملوا زين اللي جايبين الاطفال .. تلقينهم اللي مايستحون وعيالهم شياطين مقعدين وهي وقحه لايمكن تقول لهم عيب واجلسوا ولا تسوون وقاعده ومهيتتهم تبي توسع صدرها
طبعا الصنف هذا يجي في جميع الحالات باطفاله حتى لو البيت مليااااااااان كبار ماجو جت هي وجابت الصغار معها

بينما الناس المتربيه والذوق واللي اطفالها يهبلون ودتس تاكلينهم من ادبهم وتربيتهم وهي عينها ماتنزل من عليهم ولاتخليهم يتحركون ماتجي اذا ماحصلت مكان تحط فيه اطفالها .. لانها انسانه ذوق وفاهمه


اما اللي تقول .. الاجانب يجيبون اطفالهم ... حنا عندنا حريم ماجوا بادب اطفال الاجانب فما بالتس باطفالكم

واللي تقول .. ماعليش يعني والمعازيم بتحطين راستس براس اهل الزواج؟؟؟
زواجهم هم يجيبون عيالهم موب عيالكم ..ترا هم اللي متخسرين موب انت


ايضا اللي تقول الضيوف المفروض مايقال لهم كذا لانهم ماجوا الا لمعزتك!!
على مين؟؟ صحيح فيه ناس ماجوا الا لمعزتك عندهم لكن فيه عالم تجي وهي كارهتك بس لقافه بتشوف وش بتسوين وتلقينها بعد تدعي عليتس وهي جايه
يعني مو كل من جا يعزني .. واذا بيعزني صدق يخلي اطفاله بالبيت او يجلس معهم اذا ماحصل مكان لهم

لاحد يتعذر بانه مايحصل مكان يحط اطفاله فيه ... لانا نشوف كثير لين بغت تطلع توسع صدرها بغت سوق بغت داهيه راحت ولقت مكان تحط عيالها
واذا الدعوه زواج قشتهم وقشت عيال الجيران معهم .. مع ملاحظه مو اي زواج تاخذ اطفالها معها .. يعني من جد الدعوه متى ما اهتوت حصلت لهم مكان
ترا مالقيتي لهم مكان اقعدي معهم منتيب ملزومه واهل الزواج بيقدرون هالشي وبيعذرونتس وبيعزونتس اكثر اذا ماجيتي من انتس تجين بمبزرتس تخربين عليهم










الزبده اللي تاصلها بطاقه مكتوب ممنوع تشد ارضها وتجلس ببيتها موب لازم تحضر
والا تراها ان جت العالم بتقول عنها وقحه وماتستحي


وانتم يا اهل الزواج .. اللي مايستحي لاتستحون منه
حتى لو جت وجابت اطفالها ارفضي من اساس انتس تروحين لها للبوابه تكلمينها اسفهيها

ياازين البطايق الشخصيه بس... والي في امه خير يجيب عياله