يمنع دخول المتزوجات..والدعوة مفتوحه للفتيات العازبات فقط لاغير.

اللي تبي تعرس ....... تقلط
هاي بنات أنا الحين عاوزه أفرمت عقيلاتكن شوي ..ورجاء المتزوجة تنسحب من قدامي بكل هدوء أنا أبغى العزابيات فقط.

اللحين تجمعتن يابنات ...كلكن ماتزوجتن ...زين ماعليكن أنا عندي لكن عرسان وش رايكن تشوفون معي مواصفاتهم وتقولون رايكم ولكم أحقية الأختيار..أتفقنا.
أول شيء هذي مقدمه عنهم قصيدة كاتبيهن الشباب يوم تجمعوا في عشة واحد من المقاريد...يوه قصدي في عشة واحد من المعاريس.

حنا شباب البلد يا محلا علابينا***مطمع بنات البلد ومقصد رولا ودينا
وبنت حايك سلمى دايم تحارشنا***بس تبي نظرة مناولا ا صعبـــها
حنا طيور شلوى لاحدن ترجانا ***نرخص دراهمنا وعند البست نغليها
بنت السبيت تشكي كثرة تجافينا ***والدش طبعا اخر أمانينا
ما نعرف نسربت وبالبيت تلقانا***وبالليل من بدري الفراش ملفانا
شعارنا النظام ومشي الهوينا***حتى المرور يشكي ندرة قسايمنا
الله من العقل والركادة والثقل فينا***والصرقعة وشي ؟؟ اصعب سؤال لينا
حنا شباب البلد الله يخلينا***نقهر بنات البلد وناخذ رولا ودينا




: :





شبابنا
احلامنا تمشي على الأرض ما شاء الله تبارك الله ياااااااأرض احفظي ما عليكي ثقل وركادة ::: اشرأبت اليهم اعناق بنات حواء من اقطار الأرض كافة من عرب وعجم اقباطٍ ونور حضر وغجر فهم كالقمر بين النجوم وكالشمس بين الكواكب وكالمتنبي بين الشعراء وكالهلال بين النوادي وكأحلام بين الطقاقات ((خربها )) نعم لله درهم من شباب ابو الا أن يكونو ا مثالا للإباء والتضحية والفداء والبذل والعطاء والكرم والسخاء والنبل والبهاء فيالهم من عظماء قالوا فاجادوا عملوا فلم يقصروا نعم انهم شباب (( احدن قايل انهم بنات!!)) رفضوا التفاهات فخطبتهم الغاليات....
عبيد وسعيدان ودحيم وفهيدان اسماء لامعة لشباب في عالم الألفية الثالثة نموذج عالمي يحتذى في اسلوب الحياة العصرية للشباب المثقف الطموح


عبيد 21 سنه
متخرج من سنتين ويدابتس كل سنة بملفة للجامعات والكليات بأنواعها وللحين ماعطوة فيس لا لشئ الا لأن حظة السئ رماه في فصل كل اساميهم احمد ... فكان يحتل المقعد الاخير في الفصل بسبب تطبيق الترتيب الابجدي والشوف شجر والتركيز ماهناش والتقدير مقبوووووووول
يبسط الأن في بقالة في ملحق بيتهم بها عشرة كراتين ببسي <------ طاحت بتسبدة بعد المقاطعة .. وقوطيين صلصة وثلاث مفكات للصلصة .
برنامجة اليومي
مسكر بقالة ابوه وهااااااامل اربع وعشرين ساعة X اربع وعشرين ساعة واللي يلقاه يجيبة ينزل البضاعة الجديدة لمركز التسويق حقه

سعيدان 20 سنه
شاب رومانسي كئيب نوعا ما دايمن يناشق وسعبولته على خده ((وشلون تجي )) ويحب البطاطس المقلية والكوارع المشوية ويقدر الفصفص ومخباته ما تخلى تسنها كيس رز 20 كلج ... يفحط للحين بثالث متوسط والسبب كما يقول انه يحب والحب عذاب !!! وقصة حبه غريبة وتستحق أن تنقش بماء المجاري ... يقول في قصته
كنت ايبا في يوم من أيام ايلول الاسود من مدرستي متغلغلا بغترتي الحمراء لاالوي على شيء واثناء قطعي للشارع شاهدت باص البنات يمشي مليون فلما رفعت رأسي رأيتها تشرلي بأطراف اصابعها البيضاء الرقيقة
ومن يومها وانا تايه الفكر حيران لا ليلي ليل ولا نهاري نهار ولا يقر لي قرار يا ناس اهيم في حبها وأموت في دباديبها <----بعد التحري طلع الباص حق عمال البلدية بس لا تعلمونه علشان ما ينصدم
برنامجه اليومي
يتجطَل بغرفته وكتابه على وجهة على بال أمه يبي يذاكر<---- ياناس راعي الهوى لاتلومونه


دحيم اللوح 23 سنة
شاب وسيم متكتك يحب الكورة مع انه ما يعرف يلعبها ويعشق سامي الجابر بجنون (( علشان كذا خليناه متكتك)) ويحضر الى الملعب في الساعة الواحدة ظهرا اذا صارت فيه مباراة وطبعا محملا ومتخصرا بالأعلام
اخر هواياتة المذاكرة ولكنه يمشي حاله بالدف والواسظة والأن يخطو خطواته الجامعية الأولى ويبدوا أنه سيحبو طويلا في الجامعة الى أن يستطيع المشي هذا أن ما تقطعت انفاسه
برنامجة اليومي
نوم + ريموت كنترول + ريموت كنترول + ريموت كنترول + ريموت كنترول <---- يقول اتابع قنوات رياضية بس

فهيدان22 سنه
ولد نعمة بس انه دب ودلخ زبون دائم للمطاعم والبوفيهات واكلته المفضلة الشاورما والتشيز برقر والعصيرات بأنواعها والكولا ايضا بأنواعها ولو تسألة وشو الجريش قال هذا لاعب مع الاتحاد
طموحاته في الحياة متعددة أهمها أن يفتح مطعما على اربعة شوارع
برنامجة اليومي
أوردناه في سيرته الذاتية<----اخس يا عباس محمود العقاد

اخيرا من تجد في نفسها القدرة والكفاءة على كسب اعجاب هؤلاء الشباب الأشاوس فلتتقد م وتقووووووووووول هاأنذي.

منقووووووول...لجل عيونكن.:32:
الخطابة إلي مابعد أعرست:32: