يمه حرامي في بيتنا ؟؟؟؟؟؟؟؟؟؟؟؟؟

السلاااااااااااااااااام عليكم بنات حواء شلونكم وش أخباركم

والله العظيم لكم وحشه تمرض القلب من الوله .........؟
المهم يا بنات ما أطولها عليكم امس بليل يابنات طب على بيتنا حرامي الساعه 1
اسمعوا ياخواتي القصه من اولها الى تاليها

كنا قاعدين حنا يالبنات في الحوش نتنسم الهواء الطلق وكنا انا وخواتي الخمسه وخواتي من
ابوي الأربعه وبنات عمي وبنت خالتي وبنات خالي ............؟
يعني قبيله شكثرنا ( ما شاء الله) انزين وكنا نسولف عن رمضان وش اللي راح نسويه
برمضان اللي تقول تبي تختم في كل يوم القرأن واللي تقول تبي تعاون امها واللي تبي تشوف
البرامج ووووووووووووووووو
انزين اثناء ما كنا نسولف وكنا قاعدين نسولف ولا اسمع صوت طططططططططخخخخ
انا نطيت بحظن بنت اختي هديل و صراخ وحالتنا حاله كل وحده تحاول تدخل المجلس
وطيح على الباب ولي تدخل لك سباحي يعني تنط فوق البنات واللي تزحف بلاو والله كل
ما أتذكر اشكالهم اموووووووت من الضحك انزين الحمد لله وصلنا كلنا الصاله بس
صارت 4 في حاله خطره 11 اصابات بليغه 2 جروح خدوش وإما الباقي فكانو في حالة
رائعه لا يحسد عليها اما انا ولله الحمد والمنه كنت من الوفيات لاني كنت طايحه على الباب
وهم يدوسوني وبعدين رحت ركضه عند غرفة اخواني كان ادخل ولا اشوف جثث مصرعه
واقول مشعل قوم حرامي في بيتنا ويقول لي أخذي لكي فره وتعالي قوميني كان أروح
عند خالد واقول خالد حرامي في بيتنا كان يقول وش اسوي اروح ارقص معه قلت يووه
مامنكم فود واروح عند عبد الرحمن تكفه قوم حرامي في بيتنا قال يعني وش يبي يسوي
يعني يبي يخطفكم هو شايف اوجيهكم
قلت هين ان ماعلمت ابوي ما اكون شقحه ولا اروح عند ابوي ولا اقوله حرامي في بيتنا
ولا يقوم من افراشه متخرع ويقعد يصيح على اخواني ولا يقومون متخرعين واحد ورى
الثاني كان يقول يالله جيبوا البندق ولا يروح مشعل يجيب البندق ويصعدون السطح وكل
واحد فيهم يكز اللي قدامه وبوي وراهم يالله امشوا ومشعل يقول يبا انت شفت الدنيا
وتزوجت وحنا لا لحين ما اعرسنا امش قدامنا وخلنا نشوف الدنيا قال ابي علشان قلت كذا
انت اولهم قال يببههههههههههه انت من صجك انا توني ورع عمري 18 وعيالك رياجيل اكبر مني
واحد 21 والثاني 23 وابي قال امش واناوراك ويمشي مشعل وابوي وراه ولا مشعل يصرخ
أأأأأأأأأأأأأأأأأأ وابوي هج عند الباب وقال وش فيك قال يبه يبه جني جنننييي وخواني الثانين
ينحاشون وابوي يصرخ عليهم ولا يرجعون مره ثانيه ويدخلون ولا يلقون هندي جارنا
يبي يصرق دجاجنا ولا اخواني يطوحون فيه طق كل منك قومتنا من نومنا وخليت اخونا
مشعل تجيه جلطه ووووووو وطق على اصوله ولا ينزل مشعل عندنا تحت وقعدوا البنات
يدورون نقاباتهم ويوم البسوا ويدخل مشعل اخوي ويقعد يتكلم عن بطولاته وبنات عمي وخالي متحطمات على شجاعته ويدخل خالد ويمسك مشعل من علباه قال امش انت حرمه تقعد
مع الحريم امش خلنا نكمل نومتنا قال مشعل يااخي اذلف انت انا زوجتك وانا مدري
ولا يقعد خالد لين طفره وقال مشعل بكره اكمل لكم ويروحون وقعدنا حنا نظحك على اشكالنا وحنا نركض وقعدنا نسولف
لين صفا راسنا ما نمنا إلا الساعه 6 صباحا
ويالله مع الف سلامه ومبارك عليكم الشهر مقدما ............http://