حكاية قلبي @hkay_klby

عضوة جديدة

يهدد ويقول والله لافضحك

السلام عليكم ورحمة الله وبركاته
بنات أعرف ان فيكن من العفاف والتقى مايؤهلكن لطرح هذه المشكله عليكن عسى ان تفيدوا صاحبة المشكله بآرائكن وماذا عليها أن تفعل لأني والله احترت في أمرها كثيرا....
المشكله البنت مخطوبه وعانت في فترة خطوبتها-7-سنوات المر بأشكاله بسبب ان خطيبها خارج عن العائلة واخوانها هداهم الله وقفوا في طريق سعادتها لأسباب لا أحب الخوض فيها المهم صديقتي أحبت خطيبها حبا جما كأي بنت تتعلق بخطيبها وبصراحة حبها كان حبا أعمى ممكن تواجه الموت عشانه المهم هو أيضا يحبها كثيرا وعلى حد قوله لها صبري هذي السنوات الطوال أكبر دليل على حبي وعدم طمعي في مالك أو أو أو كما يقال المهم الآن أمورها ماااااااشيه وممكن تكه وخلاص يتم موضوع زواجها بهذا الشخص ولكن تشتكي منه وتقول يسبني لأتفه الأسباب ويقول انتي اهلك واهلك لو كان فيهم احساس كان زوجوك من زمان بس احساسهم ميت طبعا هي ماقالت له ان زمام الأمور تقريبا في يدها الآن لأنها صارت تخااااااااااااااف منه وخايفه على مستقبلها معاه ماصار يناقشها في اي امر تطرحه واحيانا يقول لها كلام بذيئ حتى ماهو ممكن ينكتب.. ويجلس على هذا الحال يوم أو يومين ولما يرضى يقول لها احنا في حكم المتزوجين وعادي لازم نتحمل بعض..هي تسألني تقول لي هي المتزوجه زوجها ممكن يقول لها ألفاظ مثل قح... وبعدين ترجع المياه لمجاريها ..... وزياده على كذا لو عصب عليها يجلس يهددها والله لقول لأخوانك انك تكلميني والله لافضحك عند جيرانك والله لنشر صورك لو ماتسمعي كلامي وووووو............ صراحة انا مدري وش أقول لها البنت أبوها كبير واخوانها ماهم عزوه والبنت ماهي صغيره أخاف أقول لها اتركيه تتوهق بكره بسببي واخاف اقول لها خذيه واكون سبب في ان حياتها تكون تعيسه:06: بنات والله مدري شوروا علي وش الصح هو يقول لها انا متحمل عشانك أمور كثيرة وأولها ضغط اهلي علي عشان يزوجوني وصابر من دون زواج إلى الآن عشاااانك ولو انك رجال كنت قدرت معاناتي وفهمتيني و ووووو وانا أسبك لأنك سااااكته على اهلك السنين هذي كلها بس أول مانتزوج كل شي بيتصلح؟؟؟؟؟
آسفه على الإطاله بس حبيت اوضح لكم الصورة كامله وإن شاء الله ماكون نسيت شي مهم.وش رايكم بنات الله الله بالردود البنت تراها والله مسكينه وحبوبه بس حظها في الدنيا ردي رجاءً اللي ماعندها حل ترفع الموضوع الله يرفع قدرها دنيا وآخره:44::44: وجزاكم الله خيراً

يلزم عليك تسجيل الدخول أولًا لكتابة تعليق.

تسجيل دخول

ساكن غرامك • 14 سنة

رفع

بنت الحساويه • 14 سنة

الله يهديـــــــــه ويسخره لها

جست دريم • 14 سنة

اذا هذا اولها انصحيها تتركه هذا من وجهة نظري والله اعلم

الاسلام ديني وعزي • 14 سنة

طيب يتقدم لها وتزوجه وتستر نفسها معاه اذا هو فعلآ يحبها واذا هو مايبي زواج بس يسلي عمره خليها تتقي الله وتتركه

والله سترها تلك السنين وهي تعصيه فسيسترها اذا تركته مخافة لله لالشيء غيره فلتراقب الله وحده ولاتجعله أهون الناظرين لها ،واللي يبي الزواج صدق يحاول مع الأهل مره وثنين وثلاثه وش ذنبها هي يهينها ويجرحها !!،،،

أخواتي راقبن الله ودمتم جميع

تسـواهم • 14 سنة

اللي هذا اوله ينعاف تاليه
تظل بلا زواج العمر كله افضل من تتزوج شخص يهينها ويقذفها وهم في بدايه طريقهم