يومياتي عاطله زهقانه .. زهرة 22

السلام عليكم

هذا اول موضوع لي بها القسم واتمنىيعجبكم

الموضوع عباره عن يومياتي الفكك « عارفه نفسها

اقوم الصبح افطر افتح التلفزيون اقلب واقلب والبرامج تحوم الكبد

بعدين ادخل على حافز واشوف اذا انقبلت بياناتي والاقيها ما انقبلت ليش ¿¡
لأن ملفي بالجامعه والمشكله اني سحبت الملف من سنة جدي

وافتح دولابي الحلو واقلب بالملابس وافكر ليش فتحت الدولاب المشكله ما عندي مناسبه وحتى لو فيه مناسبه ما البس غير بدلتي الفوشيه « طلعت ريحتها هالبدله

بس تصدقون عندي امل اتوظف بشهادة ثانوي واشتري غير هالبدله
وعلى طاري الوظيفه تراني ما كملت جامعه « انطوى قيدها المسكينه
ويوم انطوى قيدي انسحبت صقيقتي من الجامعه وسحبت عليه وسحبت علي ومانكلم بعض الا بالواتس عشان كروت الشحن تخلص بسرعه « يا شين الطفارا

والمشكله حتى لو اشحن ما عندنا سواليف «هههههههههههه

بعدين سجلت بمعهد على بالي انه معهد انقليزي طلع معهد نفسيات من جميع الجنسيات « متعقده
اخذت الدوره وانحششت .......

والحين منثبره مدري وش اسوي \شكلي بقوم اسوي الغداء

وصدق من قال مرد المره للمطبخ بلا طموح بلا هم «تحطيمم

وهذا انا دخلت الجامعه وطلعت منها (من المولد بلا حمص) « مدري المثل صح ولا ¿¡ ههههههههه



وبعد اليوم اللي تقولي انه قعدت البيت رواقه وفله ياأاأاأاأا ويلها

وهذي هي يومياتي الفكك ..

واخيرا

شكرا لكل من عطاني face وقرأ موضوعي الزهوقي

اي صح اذا لقيت تفاعل بكمل جزء ثاني

واذا سحبتم علي بأنطم

سلام