السلااااااااااااااااااااااام عليكم
بسم الله نبدأ وعلى بركه الله......
ام لولد عمره خمس سنوات ويدرس في التمهيدي وبنت عمرها سنتين
يبدا يومي الساعه خمسه الفجر اتوضى واصلي ثم ادخل المطبخ لتجهيز الفطور
ويكون فطورنا اما مصابيب او كبده او بيض او خبز صاج(قرص)ويكون معه شاي او حليب
او عصير طازج على حسب نوع الفطور......واجهز مع الفطورثلاث تمرات بالحبه السوداء لولدي
ولبنتي وسبعه لزوجي ولي وهذي صوره لفطورنا
وكان فطورنا مصابيب...
ثم اجهز فطور المدرسه حق ولدي ويكون في الليل طالب مني اسويله ايش اما توست او ساندويش
ويكون محدد لي نوع الحشوه..وهذي صوره فطور ولدي..
بعدها ادخل اصحي ولدي ويكون بدغدته واللعب معه حتى يصحى وهو رايق وامسك يده وانا اردد
معه دعاء الصباح ثم دعاء الخلاء وادخله الحمام يتوضى ويفرش اسنانه ثم يصلي مرات ومرات لا
يارب تهديه وتصلحه..
ثم انادي زوجي واصحي بنتي ونفطركلنا وبعدها اقوم البس ولدي ملابسه وانا البسه اسولف معه
انه اليوم راح تنبسط في الروضه وراح تتعلم حاجه جديده حتى اذا كبرت صرت تعرف كل شي وطبعا كلامي
له حتى يحب الروضه لانه بدا يمل منها ويردد علي انه بيغيب..
ثم احضنه واستودعه الله وطبعا يسلم علي وعلى اخته فيوصله بابا لروضه..
ثم اقوم بتنظيف المطبخ ثم البيت وتكون بنتي معي تقلدني في كل شي اذا غسلت السراميك اطلع لها
ادوات التنظيف وتقوم يتقليدي وهذي صوره لادواتي وادواتها
وبعدها اغير لبنتي ملابسها وامشط شعرها وهي بعد تقوم بتغير ملابس بنتها وهذي صوره بنتها
طبعا ملابس بنتها هي ملابسها وهي صغيره وانا اقوم بتغير ملابسي ثم اجلس على النت ساعه
ويكون بين عالم حواء وتصفح الجرايد..
وهذي بنتها بعد ماتلبسها تبسط لها البطانيه عند التلفزيون وتنسدح معها وتتفرج على قناه براعم.وهذي بنتها
وبعدها استرخي ساعه اوساعتين ...
وعند الساعه 11 .ونص يكون وصول ولدي اقوم استقبله بالاحضان ويسلم على راسي ويدي
على اني مااحب انه يحب يدي بس هذي وصايا معلمته ولازم كلام المعلمه يمشي..
طبعا يدخل الغرفه يغير ملابسه ويلبس لبس البيت ثم يجلس يسولف لي ايش سووا في الروضه
وطبعا كعادته على طول يشغل البلاي ستيشن ويقعد يلعب وانا ادخل المطبخ واجهز الغدا
والساعه وحده يكون غدانا على السفره ويكون الغدا طبعا رزبس كل يوم شكل مره برياني مره مقلوبه
مره ابيض ومعه ملوخيه مره رز بالصينيه.فالتغير مهم لزوجي..طبعا اخلييهم يساعدوني في تجهيزه
على السفره.....
بعدها انومهم وعلى صلاه العصر اصحيهم ويروح ولدي للمسجد مع ابوه ..
وبعدها اشوف واجباته ونحلها مع بعض واكون حاطه لبنتي دفتر مثل اخوها واكيد تشخبط وتتفرج
على الصور وهذي صورته وهو يحل واجباته..
بعدها افتح له على النت على موقع للاطفال واخليه يلعب ويتعلم.. وانا اجهز القهوه لزوجي ولازم يكون
مع القهوه حلى يوميا وهذي قهوتنا وحلانا لليوم..وقهوتنا نحطها بعد مايرجعون من المسجد صلاه المغرب..
واجهز لاطفالي بسكوت مع شاي اوكيك اوشابوره اوفواكه ثم نتقهوى واطفالي ياكلون عندي
وبعدها يقومون يلعبون مرات نلعب انا وابوهم معهم ومرات اقول روحوا للغرفه العبوا...بعدها
انا اقوم لعالمي حواء ثم يطلع ولدي مع ابوه يصلون العشاء وبعدالصلاه يروحون يجيبون اغراض البيت
وتطلع بنتي معهم
واللي يشتري الاغراض ولدي باشراف ابوه وذلك حتى يعتمد على نفسه ومنها يتعلم الحساب..
واكون اناا حضر العشاء لهم..
ثم على الساعه عشره احط العشاء ثم بعد مايخلصون يقومون يغسلون واذا كان يوم تحميمهم حممتهم
لان في الشتاء لهم يومين في الاسبوع احممهم فيه ثم اردد مع ولدي دعاء النوم والصور القصيره
اللي اخذها في الروضه..
ثم يحب على يدي وراسي وكمان يبوس ابوه واخته ثم اشغل له على القران السور القصيره
ويكون من الجوال لانه يكررالسوره ولا يطفي ويكون بذلك انتهى يومي مع اطفالي ..
وتتغير يومياتنا الاربعاء والخميس بانه نسهر و نطلع ونتعشى من برا ..
ان شاء الله استمتعتوا معي في يومياتي مع اطفالي وماكانت يومياتنا ممله ..............:26:
ربي يحفظهم لك يااارب ..