السلام عليكم جميعا خواتي



هلا والله بحبيبات قلبي
اليوم سلمكم الله قمنا كالعاده على صلاه الظهر
قرأت شوي بعد الصلاه
ثم توجهت الى المطبخ وعجنت عجينه للبف وسويت الحشوه وسويت كميه لاني ناويه احطها بالفريزر
لاني سلمكم الله ماعندي شغاله ولاعندي وقت فاضي مافرزت اي شي قبل رمضان قلت اليوم ابفضي نفسي وافرز لو شوي عشان الظروف لاسمح الله لو احتجت او شي
المهم قضيت كللل الظهر وانا افرد واحشي بها البف ويسرها ربي الحمد لله

بعد صلاه العصر سويت عجينه لعيالي وتركتهم كالعاده يحوسون في المطبخ



8
8
8
نوني ياقلبي تسوي اقماع سنعه على امها<<<:hahaha:

كالعاده استغليت فرصه انشغال عيالي وقرأت الي يسر لي ربي

قبل المغرب جهزت فطورنا وقليت شوي من البف ارسلت لسلفتي



وبعد الصلاه حطينا سفرتنا او بالاحرى صينيتنا



8
8
8
الصراحه لما اشوف سفر الفطور الي يحطونها البنات بمنتدى الطبخ افشل من روحي واحس سفرتي تفشل بس وش اسوي اصلا لو اطبخ زياده ماراح ناكل لا انا ولازوجي يعني شفتوا هالي بالصينيه قعد اكثر من نصه يوم خلصنا اكل سبحان الله يمكن مع الحر الواحد مايشتهي ياكل وحاطين حيلنا في الفيمتو
بعد الفطور شربنا الشاي واحنا نتفرج على برنامج اسره واحده على قناه المجد وكان مع الشيخ عبد العزيز الفوزان ماشاء الله عليه

طلع زوجي لصلاه العشاء والتراويح واتجهت انا الى السجن :angry:
واليوم بالذات المواعين كانت مره كثيره انكسر ظهري من الوقفه على المجلى

وترا هذه نص الصحون والا المنشر امتلأ قبل لا اخلص غسيل فمسحتهم ورجعتهم الدواليب عشان افضي مكان
وانا اغسل الصحون فاتحه على اذاعه القران اسمع صلاه التراويح
ما ادري ليه دمعت عيوني يوم سمعت الشيخ الكلباني يقرأ .......ما ادري حسيت برهبه الموقف وشعوره يوم الله رزقه هالشرف انه يصللي بالحرم سبحان الله
ويمكن الي حزني اني اليوم طلبت من زوجي اروح اصللي التراويح بالمسجد -فيه مصلى للاطفال- بس ماشجعني قال انتي بالبيت ماتخشعين وانتي بس طفلين الي ازعجوك اشلون تخشعين وحولك خمسين طفل ...الصراحه حطمني وسكت
المهم توضيت وجيت اصلي العشاء الا يوم دقت علي بنت اخو زوجي الي ساكن تحتنا
قالت تبي تروح السوق ومافيه احد يروح معها هي بنت واحده مالها خوات وامها مرتبطه بموعد الصراحه استحيت اقولها لا وبيني وبينكم انا ناقصني صندل العيد لبنتي قلت فرصه ادور لها
صلليت العشا بس للاسف وقلت ااجل التراويح لما ارجع من السوق
الحمد رحنا ورجعنا وابشركم لقيت جزمه تكرمون لبنتي اخيرا:icon28:

وش رايكم لابقه على الفستان والا ؟؟؟<<< تكفون قولو ايه

بعد رجعتي من السوق انشغلت مع عيالي حطيت لهم عشا وجا زوجي وحطيت له سحور وضاع وقتي سبحان الله ما ادري اشلون وانا لاصلليت ولاشي

من بين الشغلات الي اشغلتني قلت اوريكم اياها يمكن تستفيدون منها وهي العيديه



لمن تتوقعون هالعيديه؟؟؟




هذه الله يسلمكم عيديه الشغالات تعودت اسويها كل سنه
لانهم ياعمري يكسرون الخاطر ما احد يكرف في رمضان كرفهم ويوم العيد يكرفون بعد واخرتها الكل يلبس ويعيد الا هم
فتعودت كل سنه اسوي لهم عيديه عباره
1- عن كتيب وشريط بلغتهم - اسوي باربع لغات فلبيني - اندونيسي- تاميل - ولغه رابعه سريلانكيه نسيت وش اسمها
المهم ان اكبر عدد اخليه اندونيسي لانهم هم الجنس الغالب عندنا
2- حلويات وبلونات بعد خل يلعبون ويستهبلون خخخخخ( شغالات اهلي اختي ياحبي لها تسوي لهم حتى مسابقات وفله )
3- مبلغ بسيط كعيديه -10 ريال- او حسب استطاعتكم المهم اعتبروه صدقه
4- كرت تهنئه بالعيد باللغه الاندونيسيه خليت شغاله اهلي تكتبه والا باقي الغات مالقيت شغاله تعطيني ترجمه للتهنئه
طبعاالعدد اسوي لشغالات اهلي وشغالات حمولتي وازيد شوي لشغالات الضيوف الي يجون يوم العيد لاني ما اعرف كم راح يكون العدد بالضبط
ارتب العيديات في سله - عيديات شغالات اهلي ارسلها لهم -واخلي ولدي يدور فيها عليهم عشان يدعون له ولوالديه خخخخ

طبعا هالي في الصوره واحده زايده من عيديات السنه الماضيه كنت رافعتهم بدولابي نزلتهم عشان اشوف كم عدد الكتيبات والاشرطه الي عندي واللغات الباقيه عشان ابوصي زوجي يجيب زياده من مكتب توعيه الجاليات
اما عيديات الاطفال اختي بتسوي لاهلي وباسرق افكارها اسوي لحمولتي وقاعده انتظر اختي وش تقرر عشان اسرق الفكره خخخخخخ
وناويه اسوي عيديه للحريم ودي بشي بسيط ومفيد مابي الشغلات الي دايم بقشه وفيها معمول وبخور وما ادري وشو ودي بشي مفيد اكثر ومازال البحث جاريا

المهم حبيباتي الان ناموا عيالي ونام زوجي اخذت لي دش
وجيت اسلم عليكم واعطيكم نشره اخبارنا اليوميه

اسمحوا ودي اقوم الحق اصلي لو شي بسيط لاني اليوم ماصلليت شي الله يتوب علي

سلامي لكم
في امان الله




حكمه اعجبتني << تحسون انكم في اذاعه مدرسه

الحكمه عشره اجزاء تسعه منها في الصمت والعاشره عزلة الناس

السلام عليكم ورحمه الله وبركاته
حياكم الله في اليوم الاخير من يومياتنا


كعادتنا قمنا لصلاه الظهر وقرأت الحمد لله جزء كبير لان وراي اليوم شغل كثير قلت اقرأ قبل لا انشغل
دخلت للمطبخ وكنت ناويه اليوم كمان اعجن سمبوسه بف للتفريز بس هالمره بحشوه الخضار والعدس وحشوه الجبن
جهزت عجينتي وحشوتي وحطيت الشوربه على النار وبديت شغل السمبوسه


انتهيت على صلاه العصر الحمد لله
بعد الصلاه اعطيت اولادي اقلام التلوين واوراق عشان يرسمون طبعا فرحوا فيها كثير لان الالوان انا رافعتهم بعلبه فوق الدولاب ولا اطلعها لهم لان نوني الشاطره ماتقصر في الشخمطه على الجدران


هذا معاذ يوريكم رسمته

طبعا استغليت كالعاده انشغالهم لاقرأ كالعاده

قبل اذان المغرب قليت الجبنيه وجهزت القهوه والعصيرات والتمر

على فكره الكثير من الاخوات ارسلوا على الخاص يبون طريقه الجبنيه وهي لعضوه معنا في المنتدى نسيت اسمها لكن اببحث عن الموضوع واحط الرابط
طبعا قبل الاذان مباشره تم توزيع الشوكولاته كالمعتاد:)

بعد الصلاه حطينا شوربتنا وسمبوستنا

وابشركم اليوم فيه تنويع ثلاث انواع من البف (لحم- خضار - جبن) مين قدي خخخخخخخ

طبعا مايحتاج اقولكم شكل المطبخ بعد حوسه السمبوسه اليوم

قبل




بعد - ولله الحمد والمنه-
ونصيحه لكم اخواتي للي زي حالاتي ماعندهم شغاله
اذا تبين صحونك تنظف بسرعه وتلمع حطي شوي تايد وكلوروكس مع الفيري يقشع لك الدهون والزيت من المواعين قشع
بس طبعا لاتنسون بعد ماتخلصون غسيل حبيب القلب الفازلين والا ماراح يجي العيد الا وايديكم صايره خشب:icon28:

بعد الفطور حطيت لزوجي الشاي وبخرت البيت وبخرت ثوب زوجي وشماغه

اتصلت علي خالتي وقالت لي تعالي عندي بعد التراويح لان بيزورونها فلانه وفلانه
الصراحه بيني وبينكم ضاق صدري كثير لاني ما احب اطلع في رمضان وكفايه الطلعات الي طلعتها امس وقبله ودي اليوم اتفضى للصلاه ولبيتي بس استحي اقول لخالتي لا
والله ان اليوم 24 ساعه وماتكفيني من كثر المسئوليات والاشغال الي ابي الحق عليها والدعوات الي مثل هذه تاخذ كثير من وقتي
لكن ايضا اجابه الدعوه واجبه
فقررت اني اروح لكن هالمره ابصلي التراويح قبل لاني امس اجلتها وراحت علي
وايضا قررت اني ما اروح بدري - هم يجتمعون عاده من 10 الى 1 - ابتاخر منها اصلي احسن لي ومنها اختصر فتره جلوسي هناك

نظفت بيتي باسرع مايمكن
روشت عيالي ولبستهم وجهزت غياراتهم


اخذت لي دش ولبست عشان اكون جاهزه تماما واصلي براحتي

الحمد لله صلليت الي ربي قدرني عليه وما منعني اني اكمل الا ظهري آآآآآآآآآآآآآآآآه ياظهري
والله من قمت الظهر ماجلست على حيلي الا للفطور والساعه الان 11 بالليل ما ارتحت ابد الله ياجرنا على هالتعب

خرجت انا وعيالي لبيت خالتي وقضينا معهم وقت جميل
رجعت متاخره للاسف لان زوجي اتاخر ماجانا بدري مثل ماقلت له

وطبعا معروف الروتين
تغسيل وتفريش اسنان ولبس بيجامات وبعض الهوشات من هنا وهناك حتى ناموا عصافيري الله يحفظهم

تعشى زوجي وبسرعه سرقت نفسي عشان اسلم عليكم واقولكم وش صار معي اليوم

للاسف ما انجزت الكثير خلال هذا اليوم
سبحان الله قبل ما انام احط كثير من الخطط في بالي ...ابسوي وافعل واعمل لكن سبحان الله من اقوم الصبح احاول والله واكافح اني انجز لو جزء بسيط من الي خططته لكن الوقت مايسعفني
خصوصا السنه هذه سبحان الله لان رمضان جاء في فصل الصيف فالليل قصير ماعاد فيه وقت ان الواحد يجمع بين خروج وصلاه وعباده
الله يعفوا عننا ويتوب علينا اجمعين






حبيباتي كان هذا ختام يومي
ونهايه يومياتي الجميله معكم
والله ماتتخيلون وش قد انا متاثره وحزينه اني لقائي اليومي معكم انتهى
والله اني اشتغل كل اليوم وانتظر هالساعه المتاخره من الليل الي هي وقت لقائي بكم اتونس بصحبتكم واعيش معكم لحظات جميله من الاخوه في الله

خواتي
في امان الله
وحلفتكم بالله الي استفادت مني ولو شعره - مع اني يخلف علي ماعندي الا الدجه- تدعي لي ولامي بالشفاء وتدعي لزوجي بالهدايه
وان كان شفتوا مني قصور فارجوكم استروا ماواجهتم

وشكر خااااااااااااااااااااااااص
لاخواتي في الله صحوبه ودمي طفولي واقولهم اني احبكم في الله
وتراي والله ما اعتبرها مسابقه لا والله
معتبرتها انس ومتعه وفائده ارجوها لنفسي ولجميع خواتي
والفوز الحقيقي الي ارجوه هو الفوز بمرضاه ربي عز وجل سبحانه
ارجوا من الله ان يتقبل مننا صيامنا وقيامنا وصالح اعمالنا وان يحشرنا في دعاء الصالحين

للاسف ما راح اقدر اقول اشوفكم بكرا لان هذه اخر ليله
لكن في امان الله
واراكم في اروقه هذا المنتدى الغالي باذن الله

السلام عليكم

واللي يحب يطلع عاليوميات بالتفصيل الممل
في يوميات الفريق الثالث
يومياتي تجدونها في الردود
10
15
17
82
85
144
167
240
289

مشكووووورة اسطورة حبيبتي امين وايااااك

انتهينا من يوميات الاخت كاجو

ونأتي للفائزة الثانيه الاخت ام ريم ولمى



°ˆ~*¤®‰«ô_°: : : المــــــركز الثــــــاني : : :°_ô»‰®¤*~ˆ°


المتسابقه .. أم ريم ولمى ..

بسم الله الرحمن الرحيم
يومي الاول في رمضان المبارك بلغنا الله و اياكم به الثواب
بعد السحور البسيط جدا لأني تأخرت بالنوم صلينا الفجر انا ووجي
انا بنسبه لنظام بناتي مايتغير برمضان لأن زوجي عنده دوام فلازوم ننام بالليل
ايقظت زوجي الساعه 9 لدوامه صلينا انا وهو صلاة الضحى و بعدها قرأت ماتيسر لي من القرآن
بصراحه اتمنى من الله المداومه عليها
و بعد ذهاب زوجي غيرت بغرفة نومي المفرش و رتبت التسريحه و نظمت الغرفه و عطرتها و اغلقتها
الفكرة من التغير بصراحه من ام زوجي متعوده تغير برمضان احتفالا فيه و انا شفتها عاده حلوه فصرت اطبقها
و طبعا حتى غرفة بناتي حست فيها شوي و جاء الظهر
انا قبل رمضان بصراحه ماألتزم بكل السنن الرواتب يعني الفجر و المغرب ملتزمه فيها لكن الظهر لا
ف بإذن الله راح التزم فيها
صحيح طبعت لزوجي وليه دعاء لكل يوم برمضان
اللي لزوجي طبعتها بورق حلو و بإذن الله راح احط له وحده مثل اليوم
و دعاء اليوم
(اللهم اجعل صيامي فيه صيام الصائمين و قيامي فيه قيام القائمين و نبهني فيه عن نومة الغافلين و هب لي جرمي
فيه يا اله العالمين و اعف عني ياعافيا عن المجرمين )

طيب انا اسوي سوبيا بالبيت فا بعد الظهر بدأت اصفيها ووزعتها بجك ووزعت على جاراتي اللي اعرفهم مع تمره
و خليت جك لبيت حمولتي لأن اول يوم نفطر معاهم و سويت سلطة ناتشوس و بسبوسه بالقشطه
في هذا الوقت شغلت لبناتي قرآن جزء عمه السور الصغار وهم يرسمو
جا العصر تروشت و روشت بناتي و شيكتهم بها الوقت زوجي كان يقرأ قرآن الله يقويه على طاعته
انا وزوجي بينا مسابقه من يختم اول
و رحنا على بيت حمولتنا و قظينا هناك حتى بعد التراويح صليتها باليت عشان بناتي و الله يقويني على الالتزام فيها
و اليوم راح اعمل سحور حلو لزوجي بدل امس
و الله يقوي الجميع
و بإذن الله بس يتصلح جوالي انزل لكم الصور :27:


بسم الله الرحمن الرحيم
اليوم الثاني
(أستعنى على الشقاء بالله )
بما انه جوالي كان معطل و اتصلح راح انزلكم ترتيبي االسريع للتسريحه من امس و درج الاكسسوار


و هذا سحور البارح كان رائع صراحه

طبعا زوجي يحب الخفايف عشان كذا سحورنا دايم خفيف
صليت الفجر و نمت
و الساعه تسعه راح زوجي على الدوام مع ورقة الدعاء
دعاء اليوم الثاني
(اللهم قربني فيه الى مرضاتك و جنبني فيه من سخطك و نقماتك ووفقني فيه لقرائة اياتك برحمتك يارحمن )
و نمت بعد صلاة الضحى
و اليوم يوم فطور بيت اهلي
سويت كيكة البف باستري على طريقة أختي في الله عجائب من المنتدى جزاها الله خير
كانت رائعه
وهذي صورتها


و هذي مع القهوة

صليت العصر و قرأت قرآن و سبحت بناتي بعد الحنا اللي بشعورهم و جهزتهم
و رحنا المغرب عند امي الغالية
صليت التراويح بالمسجد الحمد لله
و رجعنا البيت حممت زوجي و بعدها جلس يقرء قرآن و انا رفعت البيت
و ***** الله بكره انزل السحور اليوم و فطور بكرة
الله يكتب لي و لكم التوفيق
جزاكم الله خير