والله ياغروب لما كسرت الريجيم سويت ورق عنب بس ماكلته بلذه مثل لما كنت أسوي ريجيم .. وتصدقين لما تخربين تتضايقين نفسيا وماودك تاكلين شي
والله ياغروب لما كسرت الريجيم سويت ورق عنب بس ماكلته بلذه مثل لما كنت أسوي ريجيم .. وتصدقين لما...
ترى والله كلمة الرجوله صعبه جدا جداااااااااااااااا انك تلاقيها بهالزمن برجال انا بحياتي ماشفت هالرجوله الى الان
او يمكن شفتها بشخص اللي هو خالي يعني ماشاء الله وش كرم وش اسلوب وش طريقة حوار عنده
تخيلو عنده خوات من امه وابوه ومن ابوه ومن أمه والله يابنات أحصلت له امور في هالحياة كلها توفيق من الله
بس تحسين فيها الغرابه وتتعجبين ليش هالرجال صارت له كل هالأمور فجئه وله هو بس رغم انه عنده خوان وخوات
بس سبحان الله هالأنسان رجال تخيلو مع رزق رب العالمين ماعمره نسى خواته حتى من قبل مايجيه هالرزق هذا له
والله انه يعطيهم الأولوفات بكل عيد غير الهدايا الساعات الماركه دهن العود والعطور كفايه يختي لاجا يسلم علينا يقول
حق كل وحده هلا والله بأمي هلا والله بحبيبتي وهو ترى ماشاء الله تبارك الله عنده بنات وأولاد
بس هالأنسان رجااااااااااااااااااااال وهو متعلم ماشاء الله تعليم جامعي بس بصرف النظر رجولته مالها علاقه بتعليمه
يختي رجوله رجوله بجد اتمنى ربي يرزقني برجال بكل معنى الكلمه .. غير كذا بالنسبه للماده اكيد
انا ليش ابغاه يكون مستواه المادي كويس لأن اذا احنا الأل وقبل هالطفره من الغلا وغيره نقول نبي ونشتهي
فمابالك الان ولكن القناعه هي المهمه يعني مو مثلا راتبه قوي اروح اضيعه له ليش ماوراه مستقبل
يعني المرأه مكمل للرجل فهي بعد ترى لها دور في الحفاظ على ماله لا اسراف ولا بخل وسط والحمدلله
والمهم الأخلاق في التعامل بين الأثنين وقبل كل ذا الصلاة وانه يتقي ويخاف ربه وبعدها كل شي يهون ..