عـــطر :

لموووووووووووووووووووسه حبيبيتي..مبرووووووووووووك الف الف الف مبروك دخول الخمسينات وان شاء الله ماتطلعين منها ياارب:) والله فرحت لك وكأني انا اللي داخلتها .. يالله بروح النادي..باي..

لموووووووووووووووووووسه حبيبيتي..مبرووووووووووووك الف الف الف مبروك دخول الخمسينات وان شاء الله...

راعية بر كيوووت :

مره من المرارير (تبي تفهمكم انها انخطبت واااجد ههههههههه) المهم جونا ناس وكنت في اول ثانوي ..مملوحه ومزيونه وكتكوته وممشوقه و...ماعاد باقي مدح ههههههه المهم مامتي الله يسلمها ..قالت راعيه روحي البسي شي حلو وحطي شي ...وقتها بصراحه مو زي اللحين ..ما اعرف للمكياج .. لبست وكديت الشوشه وحطيت لابيلو ...وجيت اتندح(امشي باستهبال ) ..عرفت منهم الناس (امي ماكانت قايله لي ) المهم انا ما اطيقهم ولا احبهم وولدهم ثقيل طينه (ثقيل دم ) الله يستر علينا وعليه ...حقدت على مامتي .. قمت سلمت وجلست طالعت امي بعين حمراء قامت طالعتني بعين احمر من الحمراء قمت طالعتها بعين خضراء خخخخخخخخخخ المهم ضاقت حيلتي...وهم (( ماشاء الله ..كيف الدراسه...ماشاء الله )) خلااااااااااااص حسيت ان المملك بيجي (المملك هو المأذون)) حسيته بيجي واوقع ...والمشكله مابعد رسيت على توقيع كل شهرين لي توقيع غير خخخخخخخخخخخخخخخ طلعت امي ..وانا بصراحه ماعلي جريئه امي المسكينه تسوي الشاي ..وانا لمعت في راسي خطه ... قمت اسولف مع بنتهم الكبيره (هم ناس تجاااار مره ..وسفريات ودلع وحركات بس ولدهم ثقيل دم الله يهديه ويصلحه ) هم بصراحه مايقين (فيهم شوفة نفس او مغرورين) وانا اكره ما اكره النوعيه هاذي ...وععععععع سوري نرجع للقصه قمت اسولف مع البنت وقالت من تتابعين ولمن تسمعين ( قبل لا ابدا لا احد يفهمني غلط ...كنت اسمع اغاني والحمدلله بطلت ..)) المهم قلت ..خالد عبدالرحمن وااستطردت قائله ..اموووووت فيه !!! احبه مره مره مره ...لا تلوموني تراي باول ثانوي والحب مصيبه ..خخخخخ المهم البنت طارت عيونها ..وكملت قالت انا اسمع لمحمد عبده ..ما اعطيتها فرصه قلت وعععع ما احبه ... الام تسمع كل كلمه والله ما اكذب عليكم ( حتى انا ما اصدق اني كنت جريئه وخبله لهالدرجه ) المهم خلاااااااااااااااص هم بدوا يكرهوني بس الظاهر انهم يفكرون انها اذا تزوجت بتعقل قالت الام كيف الامتحانات ..قلت تمام ...قالت شتحبين تصيرين ...قلت حارسة سجن نساء ...(اقسم بالله العظيم هذي كلمتي) واستطردت قائله ان الشغله هاذي حلوه واحب ادرس نفسيات المجرمات والسجينات ومن هالكلام طبعا الام ...شكلها كأن احد ضرب وجهها بمقلى بيض.. والبنت شفتها اللي تحت وصلت للارض الا تدخل امي جايبه الشاي والفطاير واقوم انا مستحيه قدام امي كاني قطوه كتكوته وراحوا ومشى الحال نسيت اقول ان اختي كانت موجوده وهي سيئه لازم اشتري سكوتها ...ومن بكره تهاوشنا وقالت لامي عن كل شي والله ما انسى ذاك اليوم نتغدى وامي تقول لابوي (( شفت بنتك !! شفت بنتك !! تقول للناس احب خالد عبدالرحمن !!! شفت كيف عشان يطفشون !!)) وتصارخ باعلى صوتها ومعصبه وانا مستحيييييييه يوم طالعت ابوي ...كان مبتسم ...قمت بكل وساعة وجه ..ابتسمت في وجهه...قام كشر !!!خخخخخخخخخخخ امي كانت تبيهم ..وابوي مو مره ...طبعاااا ما يحتاج اقولكم وش ردوا لاهلي ههههههههههههههههههههههههههههههههههه عاد زوجي يوم قاله ابوي يعايرني بخالد ويقول من حظي اجل انك كنتي تبين تصيرين حارسة سجن (( وجه يرمش بعويناته ومستحي )) وبس والمواقف كثيره بس هذا لا يمكن في يوم انساااااااااااااااااااااه هههههههههههههههههههههههههههههههههههههههههههههههههه

مره من المرارير (تبي تفهمكم انها انخطبت واااجد ههههههههه) المهم جونا ناس وكنت في اول ثانوي...