السلام عليكم
شخباركم يا حلووووين شدووو الهمه

حبيت اعلمكم اني متبعه رجيم 4كيلو ب4 أيام الالماني ويارب العالمين اثبت وكمل وياكم

يا صباح الورد لكل الحلوات الدبدوبات

شو الدايت معاكم والرياضة يارب تكونون ماشين صح

أم القمرين حبيبتي مبروك عليج النزول عقبالي يارب وصدقت في موضوع الطبخ أنا اشتغل لكن في أوقات يخليني ريلي أسوي العشاء وتعالي عاد أبدع لكن أطبخ وأتعب وما آكل ما يصير مثلا أمس
طول اليوم تمام دايت اش حلاته وأنا قلت ما بتعشى غير الفواكه أو الخضار والسلطات لكن سويت العشاء سناكس لكن ما خليت في خاطري شي ما أكلت وايد كنت مسوية كلاب ساندويش تعرفونه حبتين توست مقسمة أربع أقسام ومحشي لنشن لحم وجبن سلايس بس دايت وطماط وخس وزيتونتين ومسحة مايونيز أكلت وحده من منهم بس وتوستة وحده كاملة ملفوفة وداخلها بعد لنشن مع الخضار وملعقة صغيرة لبنة قليلة الدسم مع رشة زعتر وقطرة زيت زيتون بس وبعدها حسيت بتأنيب الضمير سرت ركبت جهاز المشي ومشيت عليه حافية ما تفيجت ألبس جوتي وتميت نص ساعة على المشي السريع لين ريولي عورتني بس عرقت عدل ارتحت بعدين خذت دوش ونمت

والحمد لله أمس كان أول يوم للأيروبيك وكل يوم ان شاء الله ما عدا الجمعة طبعا بسوي رياضة في البيت

اليوم بحاول أخفف أكثر واذا قدرت بلغي الخبز نهائيا اليوم والله يعيني يارب لأني ناوية أتغدى فتوش خاطري فيه من زمان مع توستة محمصة وحده بس

بنات أنا ريلي وزنه زايد ودوم أقوله خفف بالذات كرشته كبيرة صايره مع انه عمره ما يتجاوز 27 سنة لكن اللي يشوفه يعطيه فوق الثلاثين والله حرام فأمس يوم وزن عمرة انصدم وقرر انه يخفف ويسوي رياضة بس ان شاء الله يلتزم لأنه وزنه صار 124 كل سنة ماشاء الله عليه يزيد أكثر صح أنا دبة لكن لو كل سنة أزيد كان من تزوجت لين هاليوم صار وزني فوق ال200 لكن أنا من تزوجت دبة يوم العرس كنت مسوية ريجيم أوني وصار وزني 75 بس شكليا أبين وايد نحيفة مع هالوزن وطبعا خلال حياتي ما وصلت أكثر من 90 يمكن 91 لكن من أحس انه وزني وصل التسعين أخاف وأخفف أكل لأنه صدق من أعدي 85 كيلو أصير غوريلا بيني وبينكم لكن تحت ال80 أبين رشيقة وحلوه يارب

بس ادعولي حبيباتي ينزل هالوزن وأفتك من القلق النفسي

منورة يا كروتينا على الصبح أنا بعد ودي أعرف النظام الكيميائي المعدل الي البنات يرمسون عنه ياريت يحطونه هني أحسن علشان الكل يستفيد

مظلومة وايد
صباح الورد حبيبتي
موفقة وان شاء الله..يصير وزنك تحت التمانين
لما تحطي الاكل اطلعي ولا تقعدي مع اللي بياكلو
شكلهم بفتح الشهية
أنا بحط الأكل وبهرب
وقلت لزوجي بدك تستحمل عليكي انت تطعمي الأطفال:22:





دانة قطر
حطي لو سمحتي رابط رجيمك او اكتبيه
موفقة حبيبتي




أم القمرين
مبرووووك الكيلو

كروتينا
ان شاء الله البنات يحطولك النظام الكيميائي
أنا مابعرفه




جلنار
أنا متبعة نظام 10 كيلو في 8 أيام واليوم التاني
وماتزمة تمام التمام
ان شاء الله ال 8 أيام يعدوا على خير




**Lavender**
موفقة حبيبتي




بنت فاطمة
أنا الأمن مستتب عندي
وانتي كيف الأمن عندك؟؟
أفطرت على نص تفاحة
ورايحة أشرب ماي ...يمي يمي يمي يمي

سلام عليكم كيفكم بنات حبيت اسلم عليكم واشوف اخباركم * نور الايمان بشرينا شو اخبار الرجيم معاك وشنو اتبعتي من رجيم والله يوفقك وتوصلي للي تبينه يارب والجميع وانا معكم 0 يله سلام