صباح الخير حبوبات
جزيرة الكنز: مشكورة حبيبتي و الله يضعفنا كلنا من غير شر

ام عبود: شخبارج مع الرجيم شدي الهمة

black star:ان شاء الله تضعفين و تصيرين تمام و ادعي لي انا بعد ان بعد انزل كيلووين , تعرفين انا قبل كنت مسوية رجيم و ضعفت بس شو كنت اسوي كنت االاسبوع كامل اسوي رجيم ومرة بالاسبوع اكل اي شي اباه و باي كمية و بعض المرات اخليه يومين و الحمد لله نقصت وايد من 83 لين 68 بس للاسف رديت خربت

سويرة: خلاص حبيبتي قررنا ما نروح بس بعد ادعي لي اخاف من طلعات الويكاند و انتي شدي الهمة واصلي

البنات الباقيات شدوا الهمة و الله ينحفنا كلنا

بالنسبة لليوميات: انا امس كنت معزومة: (لاحظوا اني كنت معزومة) فطرت على بيضة و 3 تمرات و شوربة و شوية سمك مع شوية خضار و شوية خبز و سويت رياضة لمدة ساعة و اول ما رديت البيت شربت شاي مع ليمون و شربت عصير اناناس+ ليمونة+ حبة كيوي سمعت انه يحرق اللي اكلتيه و الرياضة انا منتظمة عليها الحمد لله

بنات ادعوا اطير 5 كيلو مبدئيا

صًباح الورد والياسمين يا احلى قروب :41:

سويرة الحلوة
صباح الفل يا فل ... ماعليه يا الغالية ... الشاطر الي يتعلم من الفشل ... واحنا لازم نكون اقوى من الدهون والشحوم ..... :tongue:

بلاك ستار
صباح الورد يا احلى من الورد ... وقسم بالله حبيبتي آنه ادعليج من قلب تنزلين وتفتكين ... انشاء الله خير :D

مرشده
صباحج سكر يا سكر ... عمري ما علية لا تكدرين روحج الجسم ما يسمن من وجبه عوضيها يا الغاليه وحرمي نفسج شوي من الاكل ... بس هاااااااا مب لدرجه القسوه
ترى ما ارضى :hearts:

كليوباترا76
صباحج خير يا وجه الخير ............. عمري هذا هو المطلوب النفسيه العاليه.. بس ها مو كل يوم تنعزمين والا راح نلاقيج ما تطوفين من الباب :laugh2: :booo:

ام عبود:
صباحج ورد جوري ... شلونج وشخبارج ... عسى بس ما خربتها ... الله لا يقوله



خواتي الحبوبات

aa0037

سويرة:

لينا

دبدوبه25


الله معاكم وشدوا الهمه ... ولا تيأسون لانه اليأس بدايه كل فشل :(


المهم آنه اليوم الاربعاء تريقت بيضة مفيوحه وحليب قليل الدسم
الغداء راح يكون شوربه خضره مع تفاحتين .. والله لاعت جبدي من ها الغدا :11:
العشاء راح يكون روب مع خيار

طمنوني عنكم

اخواتي الحبيبات
السلام عليكم ورحمة الله وبركاته ،،

اود الاشتراك معاكم في هذه المسابقة والتشجيع والدعاء لي وللجميع بالصحة والرشاقة والاجسام والنفسيات الجميلة آمين

الطول : 156 سم
الوزن: 76 كيلو
الريجيم : الاشتراك مع دايت سنتر لتوصيل الوجبات الصحية
الرياضة : مشي خفيف، دراجة ثابتة احيانا

انا بدأت من نصف رمضان تقريبا ونزلت الى اليوم 2,5 كيلو
يعني وزني الحين 73.5 كيلو :icon28:

ان شا الله اقولكم كل يومين اخباري

مشكورة حبيبتي جزيرة الكنز على المتابعة بس احس اني امس ما اكلت وايد حتى لو كنت معزومة
ادعو لي اكون ناقصة 2 كيلو يوم السبت

بنات شدوا الهمة انا بغيب عنكم الويكاند ونتلاقى يوم اليبت بادن الله
بشروني بالنتايج الحلوة يوم السبت

كليوباترا76......فيها الخيرة يمكن عشان تظل الإرادة قويه..:26:

جزيرة الكنز...:26:

sun_shine ...اهلين فيك اختي معانا والله يوفق الجميع...:26: