يوميات حريم مابعد جاهم عيال0

آآآآآآآآآه أختي .. دقيتي على الوتر الحساس .. اللي ما عندهم عيال .. الناس جي يسموننا ..
الحمدلله على كل حال ..
فترات أفكر في ها الموضوع وايد ..
فترات أبكي :icon33: و ما أقدر أحبس دموعي خاصة يوم أشوف اللي اتزوجوا عقبي ما شاء الله عيالهم كبروا ..
أموت من الحرقة و الألم في داخلي و ما أبين يوم أحضن طفل رضيع :baby2:.. و يوم أحس إني بروحي مع الطفل أكلمه و أناديه ماما و هو يتطالع باستغراب و دموعي تجرف ..
أتعذب يوم الحريم يسألوني ليش ما حملت .. روحي اتعالجي .. ترى زوجج بيفكر في غيرج مع أن العوق في زوجي بس محد يعرف ها السر غيركم بنات حواء و انا صابرة ..

و الله أختي .. الله وحده العالم فينا .. بس نحن مأجورين .. و متوكلين على رب العباد ..
اتصدقين أختي أم ستة .. عمري ما اشتكيت من ها الموضوع لحد .. لا لأمي و لا لخواتي و لا لصديقاتي .. الشكوي لغير الله مذلة .. بس أفضفض في المنتدى ..

الوحدة صعبة .. وااااااااااااااااايد .. نظرات الناس تذبحني .. بس صابرة ..

آسفة أختي طلعت اللي في قلبي ..

بس الجانب الثاني اللي الناس يشوفوني عليه ..مبتسمة :happy: دائماً ..

و الحين بالنسبة للعلاج .. مثل ما قلت آخذ خلطات العسل مع زوجي .. و متوكلة على ربي ..
الله يرزقني و يرزقج و كل خواتي في المنتدى .. آميييييين

اشكرك اختي بنت مجرن والله يرزقك بعدد اصابعك عيال ويرزقني وكل البنات يارب0

تفائلوا بالخير تجدوه والله العظيم اني كنت زيكم خلاص ايست من فكرة الحمل وبعد 7 سنوات تاخرت الدورة وقلت لامي وقالت لي يمكن حامل قلت لها وش هلكلام يمه مستحيل مابقى شي ماسويته خذت حبوب وتلقيح مجهري ولاحملت تبيني اكون حامل بدون علاج مستحيل قالتلي امي استغفري ربك يابنتي والله قادر على كل شي واذا قال له كن فيكون وبعد هلكلام سويت تحليل علشان اخذ حبوب تنزل الدورة قالتلي الدكتوره اني حامل والله ماصدقت وقعت اصارخ واقول لا عيدوالتحليل مهوب انا اللي حامل واغمى علي بس الحمل مااستمر واجهضت والحمد لله على كل حال بس امنت ان الله قادر على كل شي ولاتياسون يابنات ربي كريم0

من جد دقيتي عالوتر الحساس ترى من جد مليت من هالوحده صابني يأس من الدنيا بنات صدقوني لو قلت لكم اني عايشه ولله الحمد فوق الريح (من عز ودلال)بس هم فيه شي ناقصني ابي اسمع كلمة ماما ودي بطفل اضمه لصدري بنات انا اموت باليوم مليون مره مش قادره اصبر على الوحده والهم واشوف نظرات الناس لي بين شفقه وبين ليش مايتزوج عليها وش لاقي فيها من جد شي صعب ومميت
ياليت اي معاناه ولاان الوحده تنحرم من احساس الامومه
اسفه بس من جد حبيت افضفض لاني مااحب احد من اللي حولي يلاحظ ضعفي
والى الله المشتكى
المحرومه /سندريلا الجميله

وينكم يابنات شاركونا بهمومكم وتجاربكم 0انا منتظرة