عارفتهم :

سبحان الله مافي احد راضي بحياته احيانا انظم وقتي واحس براحه نفسيه واحيانا يخرب النظام وتخرب معه النفسيه هههههههه الا وش هالمناديل الي تكلمون عنها بالنسبه للنظام اقوم الفجر اصلي اصحي زوجي واولادي للصلاة اسوي الفطور اودعهم للمدارس اسبح واستغفر اقرأ الاذكار وبعدين اخصص لي جزء احفظه واقسمه على اوجه وبعدين اذا جات حول تسعه اصلي الضحى وانام اذا جت 11 اقوم ارتب البيت وانظفه واعد الغداء واشوف برنامج مفيد بعدين يجوون احط الغداء واذاكر لهم والعصر او المغرب اخليهم يسمعون لي الي حفظته واكمل مذاكره لهم الا جاي العشاء اسويه واعشيهم وانومهم واشاهد برامج مفيده سواء في التلفزيون او النت الا جاي زوجي ادردش معه وبعدين انام ويالله لو تروحين للتحفيظ تتغير حياتك الى الافضل الحين حياتي عكس هذا وملخبطه الله يعين

سبحان الله مافي احد راضي بحياته احيانا انظم وقتي واحس براحه نفسيه واحيانا يخرب النظام وتخرب...

ذكريات الأمس :

كلامك صحيح هالشغالات مامن وراهن الا حرقة الأعصاب وضيقة الصدر انا كنت عايشة اكتئاب فظيع مدري وش سببه يوم راحت شغالتي راح عني رغم اني اشتغل معها كثير وما اترك الشغل كله لها عيالي والطبخ وغرفتي علي وهي لها باقي البيت بس ما ارتحت الا يوم راحت يمكن احساسي اني اخدم بيتي وعيالي وزوجي بنفسي من دون مساعدة هو اللي مريحني وانا بعد مثلك اشوف انه مافيه شي يوسع الصدر مثل البيت دايم اغير وابدل فيه حتى نفسياتنا تتغير وفيه شي ثاني بعد بالإضافة لقراءة القرآن وهو الأذكار يا الله يا بنات ما اقدر اصوف لكم مقدار البركه وشرحة الصدر والسعادة اللي تنزل علي اذا خلصتها دايم خلي لك زاوية هادية بالبيت للصلاة وخلي جنبك دفتر اذكار اقرأي اذكار الصلاة واذكار الصباح والمساء اذا قريتيها انفخي بيدك وامسحي على نفسك وعيالك ورجلك يحفظكم ربي من مصايب وشرور وامراض هالزمن الله يجزاكِ خير نو على التذكير والصدقة الشهرية لو 10 ريال على عامل بلدية ولا عاملة نظافة بأي سوق تفتح باب رزق ما تتخيلونه وتبارك بحياتك نو بس بقولك شي ترى عيالنا هم كنزنا بهالدنيا واحلى ايامنا معهم وهم صغار من اول كنت مثلك مالي خلق على ولدي وصايرة حياتي جدية معه لأبعد حد كان ينفر مني بشكل عجيب واذا رحنا للناس نشب عندهم ما يبي يطلع واذا جانا احد وراح يبكي ويزعل وما يبي الناس تطلع من عندنا بصراحة كان يضيق صدري كثير حاولت اغير نفسي شوي شوي اشاركه العابه شوي وادرسه شوي ثانية واخليه يساعدني بالمطبخ لو ما يعرف عطني هذا وحط هذا هناك وبرمضان اذا خلصت طبخ عطيته باقي العجين وخليته يشكله واحطه له بالفرن واذا طلع وشافه طارت عيونه من الفرحه وبعد اشري الخليط الجاهز كيك او مافن او كوكيز واخلية يخلطه وانا اساعده من بعيد والله ما تتخيلين كيف صار متعلق في وحنون علي حتى تصرفاته تغيرت مية درجه ما شاء الله تبارك الله ترى حنا نشغل انفسنا بأمور الدنيا وننسى عيالنا مع انهم اكبر هم لنا لأنهم كم سنه وبيكبرون ويروحون ويتركونا خلينا على الأقل نجمع ذكريات حلوه معهم حبيت احسسك بشي انا حسيته بس

كلامك صحيح هالشغالات مامن وراهن الا حرقة الأعصاب وضيقة الصدر انا كنت عايشة اكتئاب فظيع مدري وش...