واضح ان الملل شي مشترك عند الجميع

فاكس البيت
حبيبتي عمر ولدك سنه وخمس شهور
يعني ياكل كل شي
والرضاعه خففيها شوي شوي اذا كنتي ناوية تكملين سنتين
ولازم تجبرينه على الصناعي
كلها كم شهر وتفطمينه
وش بتسوين اذا رفض ياخذ الحليب الصناعي ؟؟؟
حسيت من نظام حياتك ان طريقة تغذيتك متلخبطه
يعني مافيه نظام ثلاث وجبات
ولا فيه نوم زين
طبيعي تكونين مرهقة طول الوقت
مريتي بحمل وولاده ورضاعه كلها تسحب من جسمك مصادر طاقته وقوته

انا لو مكانك اول شي اسويه اغير موعد نومي وانام عشره
اذا نمتي بدري ممكن على تسعه عشرة تكونين صاحية
افطري وفطري ولدك واشتغلي بالبيت
ترا الشغل نشاط
عدلي بدلي غيري بالأثاث حتى تتغير نفسيتك


اذا ما عندك وسط اجتماعي عندك النت
تعلمي لغات
دوري اعمال يدوية وزيني فيها بيتك
او ألعاب تناسب سن ولدك وتقدرين تلعبينها معه
او تشترين نباتات منزلية وتتسلين بتربيتها
اذا يوم طفشانه اشري ورود ونسقيها وحطيها بغرفة النوم او الصالة تعطيكي جو حلو لين تذبل
اذا تحبين الرسم اشري ادوات من جرير وارسمي

يعني شوفي انتي وش تحبين ودوري عليه وتسلي


خلي يومك مرتب
قومه بدري
فطور وغدا وعشاء
وقت مخصص لك تمارسين فيه هواية
وقت مخصص لطفلك تلعبين معه وتطبخين له اكل خاص وتحاولين تفطمينه
وقت مخصص للبيت للتنظيف والترتيب والتغيير

هاذي الأشياء اللي انا غالباً اسويها
غير كذا جنه من غير ناس ما تنداس
يعني جاره او اخت او صديقة تزورك وتزورينها بترفع من معنوياتك كثير

انا مثل عروق ن نجد بس انا عندى اختى تحمسنى تعلمنى بحارتهم مثلا فلانة غسلات سجاد فلانة صبغت شعرها فلانة مسحت الجدران وتقولى انا سويت كذاوكذا طبعا بتلفووون وانا جايبة حيلى بكل شى نوب النفسى نوب البناتى نوب لطبخاتى نوب للبيت

وهكذااا الحال يدوم وبعد نسو مسابقة قراةء قراءن او احسن بيت فى السبووع وانا مااطلع الى الخميس يعنى نتزاود بكل شى

واللى تفووز بعد تاخذ جوائز من ذا لفرقة الحريم المكونة من8نسوة

مرحبا اخواتي
انا كنت موظفه بشركه (دوامين) وبعدين جلست بالبيت لاني حسيت زووجي واولادي محتاجيني اكثر
يااخواتي اهم شي في حياتنا الوقت اذا ما رتبتي امورك مع ساعاته ما راح تحسي بقيمته :time:
ضعي لك جدول يناسب ظروفك والزمي نفسك بتطبيقه وكأنه فيه احد راح يحاسبك على اي تقصير فيه صحيح بالبدايه راح تحسي بتعب شوي :06: بس لا تتكاسلي عودي نفسك ع النظام تتعودي وترتاحي وتحسي بقيمة الوقت وما في حلاوه من غير نار
انا عندي ثلاث اولاد الكبير بالثانويه والبنوته بالمتوسطه والصغير بالابتدائي -الله يحفظهم-
شوفي يومي
من الساعه 5.30ص _ 7ص ( اصلي واصحي الاولاد وافطرهم وامشيهم للمدارس )
من 7ص _ 7.30ص (اشيك ع غرف الاولاد اذا مرتبينها او لا (مهم تعودي اولادك ع النظام من صغرهم) وارتب بعض الاشياء الين يجي زوجي موصل الاولاد)
من 7.30ص _ 10.30ص ( ننام وبعدين نصحى ونفطر ويروح زوجي لاعماله (حره) )
من 11.15ص _ 2ظ (اقوم باعمال المنزل وتجهيز الغداء وبعدها الاستحمام وتغيير الملابس والاستعداد لاستقبال اسرتي) :27:
من 2ظ _ 3.30ظ ( نشرب قهوه وبعدين نتغدى ويروح زوجي يصلي العصر بالمسجد ويروح لاشغاله )
من 4م _ 6م ( ادخل المطبخ اسوي كيك او حلا للاولاد واحيانا اكوي ملابس او اي عمل ابي اسويه بهالوقت وبعدين نصلي المغرب )
من 6.30م _ 7.30م ( اجلس مع الاولاد واعرف اخبارهم واذاكر لابني الصغير وبعدين اعشيه وينام- فديته-)
من 7.45م _ 9م ( اجهز العشاء واستقبل زوجي ) :cook:
من 9م _ 10م ( نتعشى وينام الاولاد )
من 10م _ 1ص ( نسهر انا وزوجي وبعدين ننام )
من 1ص_ 2.30ص ( اسهر معاكم بالمنتدى غالبا اذا ما فيني نوم )
بالنسبه للزيارات في مساء الاربعاء والخميس فقط
وبكذا ينتهي يومي وانا حاسه بالرضا والانتظام ومافي وقت عندي ضايع اندم عليه
اتمنى يستفيد الاخوات من يومياتي :39:
ودمتم بود:27:

اهلين بنات وش فيكم طفشانين من البيت غيرو تفكيركم شوي صدقوني لو موظفات ان تحسون بأرهاق اكبر تخيلي ولدك يسهرك

وعندك الصباح دوام يعني النومه اللي بعد الفجر انسوها،،غير مسؤلية البيت والزوج ،،تجين الظهر مرهقه من دوامك وتبدين

بمسؤليتك الثانيه البيت محتاج تنظيف وعيالك يبون يجلسون معاك ويسولفون والاطفال الصغار مشتاقين لضمتك وتلعيبك،

ولاتنسين :arb:يبي النفس الزينه والسواليف يبي يلقى

الراحه...

تخيلي وضعك اكيد بتحسين بالتعب والارهاق حتى مع وجود الشغاله الا في حالة انك تسلمينها كل المسؤليه وهذي صعبه.

انا قلت هذا الكلام عشان تحسون انكم براحه تنامون وترتبون اموركم على كيفكم ..

يالله ابي نفسيات حلوه متقبله وضعها عشان تقدرون تكونون سعيدات وتسعدون اللي حولكم.

حتى الموظفه(حتى الموظفات مافتكو من شرها:07:) لازم تتأقلم مع مسؤلياتها ولا تقصر لا بالبيت ولا العمل.

انا اصحى في اي وقت لأن عندي مشاكل في النوم


ماافطر ابدا

اذا صحيت الفجر صحيت اولادي ولبستهم للمدرسه

واجلس في نفس الركن انتت وعلى التلفزيون
والا الاعب ولدي الصغير وبس

زوجي يمر ويغير ويطلع
ويمر ويغير ويطلع
انا مكاني

واليوم برضه يمر وانا ولاشي شوي مخي يمسح

بس الحمدلله رب العالمين على كل حال