(يوميات طفل )
هذه كلمات مسروقة من(دفتر) طفل..كتبها
بعامية اللغة..ودهشة السؤال!
(الســـبت):
فتحت عيوني..ادور عن النور..أمروني:"غمّض"..و..
غمضت..بعدها ماشفت لا ابيض... ولا اسود!
(الاحــــد):
كنت اسمعهم يقولون (ألعن أبوك)،(ياحمار)،(ياحيوان)،
(ياثور)،(يابقرة)،(ياكثر أرانبك!)،(يالوح)،(ياجدار).....
فتوقعت اني في حديقة حيوانات....فتحت عيوني أبغى اشوف
هالـ (الحيوانات)..قالوا لي:"مايصلح تشوف قلة أدب!".....
سألتهم:"طيب... فيه عصفور؟"..صرخوا في وجهي:"انطم وغمض!"
(الاثـنـــين):
سمحوا لي اني اشوف التلفزيون...كنت لحالي منسجم مع أفلام الكرتون..
دخلت أمي...وكان ابوعائلة ادمز(يبوس) أمهم..ركضت أمي..غيرت القناه..
وصرخت بأعلى صوتها: عيب عليك.. قاعد تشوف قلة أدب!".....
ناظرتها بكل براءة وأنا متعجب من اللي صار:" طيب وش فيها؟
ابوهم يبوس امهم!"....قالت لي وهي معصبه مرررررررة:
" التبويس.... قلة حياء!"
بعدها بأسبوع..شفت أمي تسلم على أم الجيران و(تبوسها) ..
قلت لها وأنا كلي أسى:"يـامـامـا..التبويس قلة حياء!"
(الثـــلا ثاء):
كانوا بنات خالتي عندنا.. وكنت الولد الوحيد اللي يلعب
معهم..وأبوي بس يبحلق عيونه فيني وين مارحت ووين ماجيت..
بعد ماراحوا.. ناداني أبوي وقال:"عيب الواحد يجلس مع بنات..قلة أدب!"
بعدها بأسبووووع..كان أبوي جالس مع عماتي....
ناظرته بطرف عيني(تبون الصدق نقدت عليه)...
وقلت له:" اللي يجلس مع بنات...... قليل أدب!"
(الا ربعــــــــاء):
كنت أسمعهم يقولون (صدام قوي)... واعجبني...
بعد الأ زمه...قالوا(حرامي ومجرم)...
سألتهم:" كيف؟!"...قالوا:"حرامي ومجرم... وبس...واسكت!"
وكنت اسمعهم يقولون(جيم كاري...فاسد)...فكرهته على طول...
وكانوا يشوفون أفلامه.. ويضحكون..
كنت اسألهم:"ليه تضحكون؟!... هماه فاسد ؟!...
قالوا:" وراء ماتنطم بس؟!"
(الخميــــــس):
أبوي يقول (التـتــن) حرام... واللي يدخن يدخل النار...
وفي يوم شفت ابوي جالس مع صديقه أبو خالد....
وأبو خالد ماسك السيجارة بيده...وقفت وسألت أبوي:
"طيب اللي يجلس مع اللي يدخنون ...يدخل النار بعد؟!"
(الجمعـــــــة):
اسمعهم يقولون اللي يطوّل في مكالماته يغازل..
واللي يروح للسوق يغازل...واللي يعرف إنترنت يغازل..
وأمي تطوّل على التليـفـــــون..وتروح للسوق..وتطقطق
على الكمبيوتر..
رحت لأبوي وأنا مصدوم:"أبووووووي ألحق..أمي تغازل!".
تحياتي:نبروسة:55:
نبراس الشمال @nbras_alshmal
عضوة جديدة
يلزم عليك تسجيل الدخول أولًا لكتابة تعليق.
رولا7
•
ههههههههههههههههههههههههههه
وش هل الصبى :rolleyes: ذكى بس يرفع الضغط:mad:
تسلمين على هل موضوع الحلو:26: :26:
وش هل الصبى :rolleyes: ذكى بس يرفع الضغط:mad:
تسلمين على هل موضوع الحلو:26: :26:
shiokh
•
كخخخخخخخخخخخخخخخخ
ياحليل هالطفل وكلامه ماسكن لهم على الوووووحده هههههههههه
رحت لأبوي وأنا مصدوم:"أبووووووي ألحق..أمي تغازل!".
والله شكله نكبه بينكب امه هع هع
بس حلوووووه ويسلموووووعنوني
ياحليل هالطفل وكلامه ماسكن لهم على الوووووحده هههههههههه
رحت لأبوي وأنا مصدوم:"أبووووووي ألحق..أمي تغازل!".
والله شكله نكبه بينكب امه هع هع
بس حلوووووه ويسلموووووعنوني
الصفحة الأخيرة
صراحة اتعاطفت معاه...
حسيت أنه طفل برييييييييييييييييء جداً..:23:
مشكوووووووووووووره
على اليوميات العسل..
:26::26::26: