يوميات عواطف ابلعيهم ( ممنوع التقصي )

السلام عليكم ومساتسن الله بالخير يا حريم
عندي موضوع رائع
نبي كل وحدة تسرد لنا يومياتها يعني برنامجها اليومي
ممكن نستفيد منها
وخلوني انا اقول لكم وش برنامجي اليومي يمكن تستفيدون مني

في الصباح
اصلي الفجر واقوم العيال واصلح الفطور وارغفن ( أخبز ) على الصاج واحيانن اخبز خبز تنور وعلى فكرة رجلي (زوجي ) ما قصر سوى لي تنور بالبيت وكل يوم ونا تحته اخبز بس تروا الخبز التنور اعفى من الخبز العادي
وبعدين أمشط ( اسرح ( اكد ) ) شعور بناتي وأظفر لهن قرون واربط لهن شرايط واخليهن يفطرن ويرتبن دروسهن وعلى فكرة بنياتي الله يصلحهن ما يعين عن فطور الصبح . وبعدين يروحن للمدرسه . وزوجي يروح للعمل

في الضحى
اصلح لي قهوه وشاي وقدوع وبقل (أقط ) وزبدة غنم وأعزم جاراتي ومنهن المصرقعيه ونقعد نسولف ونضحك وننكت ونحشحش (الله لا يواثمنا ) وبعدين اذا فيه وقت انسدحت شوي قبل الظهر :23:

في الظهر
قبل ما يجون العيال اصلح الغدا كبسه لحم غنم ولا حاشي وقليل ما اسوي دجاج وبعدين اروح امخض اللبن ( لبن المعزاء ) وجهزه وذا جو عيالي وزوجي يلقون كلش تمام وجاهز يتغدون ويرتاحون

القيلوله
اقيل ( انام القيلوله ) ساعه والعيال يتفرجون على الكراتين ( مسلسل حنان )

العصر
بعد ما اصلي العصر اخلي البنات يذاكرن ويرتبن الدروس وزوجي بعد ما يصلي يروح للشبك ( الغنم ) وياخذ معاه عزبته وانا البس عباتي وروح أسير احيانا أسير على المصرقعه واحيانا على جارتي حسنا واحيانا اعزمهن مع كومة عجايز ونقعد نسولف للمغرب :21:
واذا ما قدر الله علي هاليوم وسيرت افتح الانترنت وادخل لعالم حواء ( بدويه ولقت انترنت هذي ضحكت المصرقعه علي بس اوريكم بها ) :11:
ارجع للبيت وصلي المغرب
واجهز لزوجي العشا
والعشا احيانا هريس واحيانا مرقوق واحيانا ايدام واحيانا جمريه واحيانا صبيب واحيانا شكشوكه والشكشوكه نادره
اذا جاء زوجي وتعشوا العيال كلن حط راسه ونام ونا ارجع مرة ثانيه وشغل الانترنت على عالم حواء وقرا
بعدين انا
:time:
وش رايكم ببرنامجي اليوم بنات
ياالله كل وحدة تعلمنا وش برنامجها اليومي
وسلامتكم