طابعه
•
ماشاء الله نحن في انتظار المزيد
غرومة..
•
مـــــاشـــــاء الله تـــبـــارك الــرحـــمـــن
اليوم السادس عشر من شهر البركة والخير..
اليوم لله الحمد كلنا موجودين عساني ماأفقد احد فيهم ..
هذي صورة السفرة ولله الحمد والشكر على نعمته ويحفظها من الزوال بس مااكتملت لحد ألحين :22: ..
شوربة العدس اللذيذة..
المقادير:
1 1\2 ك عدس أصفر
حبة بطاطس صغيرة"مقشرة ومقطعة قطع صغيرة"
حبة جزر متوسطة "مقشرة ومقطعة قطع صغيرة"
كيس شوربة ماجي شعيرية الدجاج
1 م ك صلصة طماطم "للون بس"
الماء يعتمد على السمك اللي انت تحبينه "مابين 6 -10 اكواب ماء انا حطيت 10 وطلعت شوي ثقيلة مو وايد"
كمون وفلفل أسود
2 م ك بصل مفروم
الطريقة:
يغسل العدس جيدا ويسلق بماء نظيف مع البطاطس والجزر ب 4 كوب ماء ..
نطحنه بالخلاط الكهربائي وبعدين نحمس البصل المفروم بجدر بشوية زيت لحد ما يتغير لونه ونصب خليط العدس المطحون عليه وباقي الماء..
نضيف البهارات والشوربة والمعجون ونقلب وخليها لحد ما تغلي ونطفي النار عنها..
وقدميها مع الخبز المحمص والليمون وبالعافية :) ..
سلطة خضراء عادية..
المقادير:
خس مفروم
خيار مفطع ناعم
طماطم مفرومة
نعناع مفروم ناعم
بقدونس مفروم ناعم
زيت وليمون وملح
دارسين وفلفل اسود ونعناع مجفف
الطريقة:
تخلط المقادير وتقدم..
سمبوسك خضار وجبن وهريس..
مسقعة على طريقة خالتي الغالية أم يوسف "بس امي سوت كمية صغيرة بجدر بدون فرن وكانت لذيذة :) "..
طريقتها بالصور بمنيو اليوم الثالث عشر..
المقادير:
باذنجان مقطع دوائر ومقلي
بطاطس مقطع دوائر ومقلي
فلفل حار
م ك خل أبيض
الصلصة:
ك بصل مفروم
2 م ك ثوم
2-3 ك طماطم مهروسة مع ك ماء و2 علبة صلصة طماطم معمولة بالخلاط
م م كمون
م ك نعناع ناشف
زيت وزبدة
الطريقة:
الخلطة:
اقلي البصل بالزيت والزبدة لحد مايذبل ثم ضيفي الثوم وقلبي لحد مايبدون يتغير لونهم ثم ضيفي الطماطم المهروسة والبهارات لحد ماتغلي وتتسبك..
التطبيق:
صفي البطاطس المقلية بصينية الفرن ثم الباذنجان ثم صبي الصلصة فوقهم وانثري الفلفل الحار على الوجه بدون تقطيع ورشي الخـل على الوجه ودخليهم الفرن لمدة 15 دقيقة على 180 ثم حمري الوجه وقدميها..
غرومة..
•
الدقوس (طريقة بالصور بمنيو اليوم الثالث)
المقادير:
4 حبات طماطم مقشر
2 ك ماء سلق الدجاج
ملح وماجي وفلفل اسود
ثوم مهروس
بصل مفروم
صلصة طماطم
فلفل حار للنكهة
الطريقة:
نسلق الطماطم بماء لحد ماتستوي..
ونطحنه بالخلاط..
وبعدين نحمس الثوم والبصل والفلفل الحار وبعدين نضيف خليط الطماطم والصلصة والبهارات على النار لحد ما يغلي مرة ثانية..
ملوخية طريقتها موجودة بمنيو ثامن يوم وهذي الطريقة..
الملوخية :)
مرق اللحم بالبامية من أمس..
تشريب بمرق البامية..
مقــلوبة الدجاج روووووووووعة ولذيــــــــذة "طريقتها بالصور بمنيو اليوم الخامس"..
المقادير:
دجاج
5-7 اكواب رز منقوع لمدة ساعة
1 ك بصل مقطع جوانح
1 م ك ثوم مهروس
4 حبات طماطم مقطعة شرائح
2 فليفلة خضراء مقطعة شرائح
2 باذنجان مقطعة شرائح
2 بطاطس مقشرة و مقطعة شرائح
2 زهرة مقطعة شتلات صغيرة
1 فلفل حار مقطع
2 فلفل حار للنكهة
1 م ك فلفل اسود
1م م كركم
ملح
الطريقة:
سوي الدجاج واسلقيه عادي وبعد ما يستوي اقلي الدجاج وخليهم على ورق ماص..
اقلي كلا من"البطاطس ، الباذنجان والزهرة" وخليهم على ورق ماص..
احمسي البصل والفليفلة الباردو الحارة بشوية زيت ثم اضيفي الثوم والطماطم وقلبي ثم ضيفي الدجاج المقلي وقلبي شوي ثن ضيفي الخضار المقلية وقلبي وبعدين ضيفي الكركم ، ثم الرز وضيفي ماء سلق الدجاج غطيه وخليه على نار عالية لحد ما يغلي ثم قصري النار لحد ما يكمل سواة على البخار ، وعند التقديم اقلبيه بطبق كبير وعليكم بالعافية..
غرومة..
•
رز بالشعيرية ودجاج بالدارسين لذيذ "بمنيو اليوم الثامن"..
طريقة الرز بالشعيرية
الحلويات :
كنافة بالجبن من بره..
قطليف "عصاقيري ، بالجوز ، الجبن والقشطة"
لقيمات من بره ..
معمول بالتمر من بره..
جلي ومهلبية وقمر الدين
تمر وفواكه
المشروبات:
عصير برتقال
عصيربرتقال طبيعي
عصير ليمون ونعناع
عصير فواكه
فيمتو
قهوة عربية
شاي بالليمون والزعفران
هذي كانت أطباقنا لليوم انتظر رايكم فيها يالغلا ، وانتظروني بأطباق جديدة باجر بإذن الرحمن..
دعواتكم لأبوي الغالي ان الله يشفيه وطولنا بعمره وعمر أمي الغالية..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..
الصفحة الأخيرة