ماشاءالله سفرة يو واحد وعشرين عجيبة بكل معنى الكلمة

خص الرز والفريك ماشاءالله عجبوني

بالعافية عليكم

والله يعطيك الزوج الصالح الغني بايمانه وماله ودينه ويفرح امج وابوج ويعطيهم الصحة والعافية :)

مــــــاشـــــاء الله تـــــــبارك الرحـــمـــن..




اليوم الثاني والعشرين من رمضان المبارك لله الحمد والشكر..
وهذي السفرة الثانية والعشرين من يوميات فطور بيتنا ، ان شاء الله تعجبكم..


اليوم كان المنيو بحري بكل اشكاله :) ومجبوس دجاج "حق 2 من اخواني لانهم ما يطيقون السمج بالمره"

وهذي السفرة قبل لا تكتمل..





شوربة العدس مالت أمس ، بس زدنا عليها 2م ك صلصة طماطم وك ماء سلق الدجاج واجنحة دجاج مسلوقة وخليناها تغلي..







كبة وسمبوسة مشكلة..





سلطة خضراء عادية "طريقتها موجودة بالردود بأكثر من طريقة"





طرطور ، مايحلى السمك المشوي الا معاها..

المقادير:
1 ك طماطم مفروم ناعم
1\2 ك بصل مفروم ناعم جدا "انا حطيت 1\4 بصل و1\4 بصل أخضر"
1 ك روب
1\2 ك طحينية "هردة"
1\2 ك عصير ليمون
م ك فلفل اسود
ملح
للتزيين :رشة بقدونس ناعم

الطريقة:
اخلطي المقادير مع بعض زينيها وقدميها ..







مرق الروبيان اللذيذ..
هذي طريقة مرق الروبيان بالصور..

الطريقة :)

برياني الروبيان..
امي سوت مرق روبيان كمية كبيرة ولما سألتها ليش قالت انها بتسوي طبختين من وحدة وضفنا عيه رز منقوع ساعة..

المقادير:
رز منقوع لساعة
مقدار كامل من مرق الروبيان معمول وجاهز بس بدون الفلفلة الباردة "نفس المقادير اللي بمرق الروبيان بس انت شيلي الفليفلة"
وماي حار
زعفران

الطريقة:
سوي مرق الروبيان عادي وبعدين ضيفي الرز المنقوع عليه وزيدي شوي ماء لحد ما يغطي الرز ورشي الزعفران وحركي الرز ، بس يغلي الماي غلفي الجدر بالقصدير وخليه يطبخ على راحته على نار هادئة لمدة 20 دقيقة تقريبا "لحد ماتشوفين الرز استوى"..








سمك صبور وميد مشوي ..

المقادير:
تتبيله السمك:
2 حبة بصل متوسطة الحجم + كزبرة + بهار سمك + كزبرة ناشفة + بصل وثوم بودرة + فلفل أسود + ملح

سمك " ميد "الصغير" وصبور <<< ما احبه"

الطريقة:
نفرم التتبيلة بالماكينة لحد مايصير نااااااااااااااااااعم جدا ، ثم نتبل فيها السمك من داخل وبرة ونشويها اما بالفرن أو التنور ، احنا تبلناها وودياها الخباز الايراني شواها ، قدموها مه الليمون والطرطور والخبز الأيراني..










مقلوبة دجاج..

طريقتها :)

تابع..

تابع..

اخر شي ..







معبوج مطبوخ حااااااااااااار ورووووووووعة..

طريقته :)..

ماشاء الله عليك مبدعه الله يوفقك


وييسر امورك ويرزقك بالزوج الصالح ياشمعة الكويت


*** الله لايفرق شملكم ***

مطبق هامور حامض حلو ، رووووووووووعة ..

المقادير:
3 كيلو سمك هامور مقلي
5-7 اكواب رز
1\2 ك بصل مفروم
1 1\2 ك كزبرة مفرومة خشن
4 فلفل حار للنكهة
1\2 كوب كشمش "زبيب"
1\2 ك دبس الرمان "انا استخدمت كوب"

بهار السمك:



3م ك ثوم مهروس
3 م ك بهار سمك
1 م ك فلفل اسود
1م ك بهار مشكل
1م م لومي مطحون
1م ص كركم وملح

البهار اللي راح نحطه على الرز:
1 م م بهار سمك
1 م م فلفل اسود

ماء مغلي وصبغة وزعفران

الطريقة:
ندهن السمك بشوية ثوم ونتبل السمك بالبهارات ثم نقلي السمك بزيت غزير..
نقلي البصل بشوية زيت من زيت السمك لحد ما يتغيرلونه ثم نضيف الكزبرة ونقلب لحد ما تبدا تذبل ثم شيلي 3\4 الكمية وخليها على جنب ، ضيفي كوب رز وقلبيه مع الكزبرة ثم نصف السمج عليه ثم الكزبرة اللي شلناها ونرش الكشمكش ثم البهارات ودبس الرمان والفلفل الحار ..
نحط الرز الباقي ثم نضيف الماء المغلي بس ينشف مايه نحط الصبغة والزعفا على جنب ونغطيه عدل ونخليه يستوي على نار هادئة عشان يكمل الرز سواه بالبخار وبعدما يخلص يقلب وبالعافية..
وهذي صورة عمله بالترتيب..