ماشاءالله سفرة دايمه يا غروووومة
وباين ان نفسج بالطبخ حلوووو
يالله عاد نبي منج تسوين لنا الحلوى البحرينية من ايدج :D
بس التشريب احنا ما نسويه بهذه الطريقة يعني ما نخلي الخبز يطبخ شوي على النار مع المرق
انسويه بهذه الطريقة
بعد ماتجهز صالونة اللحم يكون الخبز مفتت وجاهز نصب عليه مقدار من الصالونة وبروح يذوب ويتجانس ويتشرب الخبز مع المرق وعقب انحط عليه شوي خضرة ولحم ..
وماشاءالله اطباقج روعة وبالنسبة الى حلو المنجو طالع روعععه وحلوووووووو
تسلم الايادي يا رب
غرومة..
•
اليوم جد مستعجلة بضيف السفرة وباطلع على طول لصلاة القيام لان اليوم ان شاء الله ليلة القدر الله يكتب لنا قيامها وبعدها برد عشان ارد على كل وحدة واستفساراتها :) ..
غرومة..
•
غرومة.. :
اليوم جد مستعجلة بضيف السفرة وباطلع على طول لصلاة القيام لان اليوم ان شاء الله ليلة القدر الله يكتب لنا قيامها وبعدها برد عشان ارد على كل وحدة واستفساراتها :) ..اليوم جد مستعجلة بضيف السفرة وباطلع على طول لصلاة القيام لان اليوم ان شاء الله ليلة القدر الله...
مــــــاشـــــاء الله تـــــــبارك الرحـــمـــن..
اليوم السادس والعشرين من رمضان المبارك لله الحمد والشكر..
اليوم لله الحمد كل اخواني موجودين فديتهم ، وكان عندنا 2 من ربع اخواني ..
اليوم كان المنيو لذيذ جدا لاحتوائه على الكبسة السعودية خصوصا اني من عشاق الكبسة..
هذي صورة السفرة قبل لا نحط الكبسة ولاحظوا مكانها الخالي ولله الحمد والشكر على نعمته ويحفظها من الزوال :) ..
شوربة عدل بحمسة بصل وجزر لذيذة..
المقادير:
1 1\2 ك عدس أصفر
1\4 ك جزر مفروم
1\4 ك شعيرية مكسرة
كمون وفلفل أسود وملح
2 م ك بصل مفروم
1م م ثوم
الطريقة:
يغسل العدس جيدا ويسلق بماء نظيف ب 4 كوب ماء ..
نطحن نصه بالخلاط الكهربائي وبعدين نحمس البصل المفروم بجدر بشوية زيت لحد ما يتغير لونه ثم الثوم ثم الجزر المفروم والعدس اللي ماطحناه والبهارات والشعيرية ونقلب نصب خليط العدس المطحون عليه..
ونقلب وخليها لحد ما تغلي ونطفي النار عنها..
وقدميها مع الخبز المحمص والليمون وبالعافية :) ..
سلطة خضراء..
المقادير:
خس مفروم
خيار مفطع ناعم
طماطم مفرومة
نعناع مفروم ناعم
بقدونس مفروم ناعم
زيت وليمون وملح
دارسين وفلفل اسود ونعناع مجفف
الطريقة:
تخلط المقادير وتقدم..
سمبوسك خضار وجبن وكباب هندي من برة وباكورة
هريس..
غرومة..
•
ملوخية طريقتها موجودة بمنيو ثامن يوم وهذي الطريقة..
الملوخية :)
مرق اللحم بالكوسا والبطاطس والجزر وبازلاء..
المقادير:
لحم بعظم
خضار "كوسا ، بطاطس ، جزر وبازلاء "
2 ك طماطم مهروسة بالخلاط
طماطم مفرومة
بصل
صلصة طماطم
ملح وماجي وبهار لحم
ماء ساخن
الطريقة:
قلي البصل ثم اللحم ويقلب لحد ما يتغير لونه ثم الطماطم والطماطم المهروسة وقلبيه وخليه 10 دقايق ثم ضيفي البطاطس والكوسا والجزر والبازلاء وباقي الماء والصلصة والبهارات وخليه لحد ما يستوي على كيفه..
التشريب..
المقادير:
خبز ايراني
مرق
الطريقة:
قطعي الخبز الايراني على الحجم اللي انت حابته وصبي المرق عليه "بدون اي شي " وخليه يطبخ لمدة ربع ساعة ..
وقدميها وبعد التقديم ضعي على الخبز الخضار واللحم اللي بالمرق..
وهذي صورتها..
اسباجتي باللحم المفروم لذيذة جدا وخفيفة..
المقادير:
كيلو لحم مفروم
1\2ك بصل
2م ك ثوم
1ك طماطم مفرومة
2 علبة طماطم
2 ك ماء حار
علبة اسباجيتي مسلوقة
البهارات:
فلفل اسود ، ماجي ، كمون وملح
الطريقة:
احمسي البصل بشوية زيت ثم الثوم ثم اللحم المفروم ثم الطماطم والبهارات وضيفي الماء والصلصة الطماطم وخليه لحد ما يستوي اللحم ثم ضيفي الاسباجتي المسلوقة واخلطي لحد مايتجانسون وخليهم على النار ربع ساعة ثم قدميها ..
الكبسة السعودية بالدجاج :21: لذيذة جدا جدا هالطريقة علمتني عليها رفيجتي الله يجزاها كل خير ان شاء الله ..
المقادير:
دجاج مقصوصة بالنص منزوعة الجلد ومنظفة ومدهونة بالداخل ب 3م ك ثوم مهروس
1 ك بصل مفروم
3 ك بازلاء مثلج
2-3 علبة صلصة طماطم
2 كيلو رز امريكي مغسول ومنقوع لمدة نص ساعة
3 حبات لومي و3 حبات ورقة غار
1\4 ك بهار الكبسة الحب "فلفل اسود وكمون وكركم حب و كمون و هـيل ومسمار "قرنفل" وليمون ناشـف كاملودارسين" "امي يابته جاهز من السعودية لما راحت العمرة"
ملح وشوية زيت
ماء مغلي
الطريقة:
احمسي البصل بالزيت لحد مايبدا يتغير لونه ثم صلصة الطماطم واحمسي الصلصة مع البصل ثم ضيفي البهارات وقلبي ثم ضيفي الدجاج وقلبيها لحد مايبدأ لحم الدجاج يتغير لونه ثم ضيفي البازلاء واللومي والغار والملح وقلبي ثم ضيفي الماء المغلي وغطيه وخليه لحد ما يستوي الدجاج استواء كامل ثم ضيفي الرز وغطيه وخليه يستوي على نار هادئة لمدة 20-30 دقيقة على حسب نوع الرز المستخدم..
وهذي طريقة عملها بالترتيب..
الصفحة الأخيرة
والله اني احب الكويتيات كثير فنانات بالطبخ ماشاء الله تبارك الله الله يسعدك ياعسل
غرومه بغيت اسألك وين رابط العزومه اللي سويتيها لامك وابوك الله يخليهم لك لما ارجعوا من العمرة مالقيته..