غرومة.. :

تسلمون حبيباتي على تواصلكم وتقبل طاعتكم وينعاد عليكم كل سنة ان شاء الله بكل صحة وفرح .. وعيدكم مبارك مره ثانية :) .. اليوم راح انزل سفرة العيد وهي آخر سفرة تكتب في يومياتنا اللي جمعتنا هنا على كل خير وحب الله يديمها علينا ويعودها من ايام حلوة وجمعة احلى .. طبعا بعد صلاة العيد لازم فطور العيد .. فطور اليوم كان فطاير وجبن ومربى وعسل وقيمر وبيض "مقلي ومسلوق" ودرابيل وشاي بالزعفران وحليب بالهيل وحمسة معلاق "كبدة والكلاوي والقلب وفي شي رابع ما عرف اسمه بس لونه احمر فاتح ويشبه الكبدة " <<< طبعا هالاكلة لو تذبحوني ما اكلها "الله يديم النعمة" ، ما اطيقها لاني ما اكل اي شي يتعلق بالمعلاق مع اني اكل كبدة الدجاج :22:.. حمسة المعلاق بالصلصة.. والله ما تم منها ولا فتفوته من لذتها "اخواني اللي اكلوها وامي وابوي وجيرانا وربع اخواني اللي تفطوروا عندنا بالدوانية طلبوا منها مرتين والله ، عليهم بالعافية".. والله يابنات ان ريحتها تاخذ العقل واشتهيتها بس ما اقدر اكلها :( ، ما احبها بالمره :11: .. المقادير: لكل كيلو من المعلاق نحتاج "اللي سويناه تقريبا 5 كيلو" : "الكبدة والكلاوي والقلب وقطعة دهن خروف "الاليه" كلهم مقطعين مربعات متوسطة متساوية" كوب بصل مفروم م م ثوم مهروس 2 م ك خل ابيض علبة صلصة طماطم 1\2 ك طماطم مفروم 1\4 ك زيت قرن فلفل حار ماء البهارات: م م فلفل اسود ، م ص بهار لحم ، م ك كاري ، م م كمون ، مكعب ماجي وملح الطريقة: احمسي البصل بالزيت حد مايبدا يتغير لونه ثم ضيفي الثوم والمعلاق المقطع والمغسول واحمسي عدل لما يبدا يتغير لونه ثم ضيفي البهارات والخل وقلبي ثم الطماطم والماي ثم الصلصة والفلفل وخليه لحد ما يبدا مايه ينشف بس لازم فيه شوية صلصة ثم قدميه مع الخبز الايراني الحار والليمون والخضار "جرجير وخس وفجل وغيره".. وهذي صورها ، بس بدايتها ماصورتها لاني كنت بالصلاة :)..

تسلمون حبيباتي على تواصلكم وتقبل طاعتكم وينعاد عليكم كل سنة ان شاء الله بكل صحة وفرح .. وعيدكم...

+3