في الإنتظاااااااااااااااااااااااااااااار

مـــــــــــــــا شــــــــــــاء الله ، تــبــارك الــر حــمـــــن..




اليوم الحادي عشر من رمضان المبارك ..

اليوم سفرتنا لها طابع غربي على شامي لانها مليانه ستيكات وبطاطا بيوريه وغيرها من الأطباق اللذيذة جدا جدا وسهلة وماتاخذ وقت..
بس انا ماصورت السفرة لان ما كان عندي وقت بالمرة لان اليوم صار فينا فيلم من جد ومقلب من اخوي الله يهداه ، تخيلو يابنات يدق علينا الساعة 3 ويقول انا عزمت 15 واحد سوولهم فطور ونظفولي الدوانية لاني خليتهم معفسة وسوو اكل غريب وحلو وابي 3-4 انواع حلو ومابي شي من بره لاني متحديهم باكلنا ، بذمتكم لو هذا اخوكم ولا زوجكم شتسوون فيه ..

طبعا لا تخيلون شكلي انا وامي صار جذي :huh: والا اختي النذلة انحاشت وراحت دارها تقول انها تدرس بس هم بعد شغلتها وخليتها تشرف على الخدم واهم ينضفون الديوانية <<< :hahaha: ماكو فكة ..
طبعا سوينا اطباق سريعة وسهلة بس لذيذة جدا "عشان التحدي:hahaha: " ونص الأطباق ماقدرت اصورها بالخطوات لان كان في وقت لاي شي بس اعوضها لكم باذن الله..



شوربة الكريمة بالفطر والذرة..

المقادير:
2 كيس كريمة الفطر من كنور
1 ك فطر
1 ك ذرة
فلفل اسود وزبدة

الطريقة:
سخني الماء ثم ذوبي الشوربة بالماء ، اقلي الفطر مع الزبدة وضيفيهم على الشوربة ويا الذرة والبهار وخليها تغلي..










الباكورة..

المقادير:
6 م ك دقيق حمص "إذا صارت جامدة ضيفي شوية ماي وإذا صارت سائلة زيدي دقيق الحمص لحد ما يصير عندج خليط شبيه بليونة عجينة اللقيمات"
1 حبة بطاطس متوسطة مبشورة
2 بيضة
1 حبة طماطم متوسطة مفرومة
1 حبة بصل متوسطة مفرومة
1 حبة فليفة باردة متوسطة مفرومة
1 حبة فلفل حار مفرومة "ممكن تستغني عنها بس احنا نحب الأكل الحار"
1 م ك فلفل أسود
2 م ك كاري
رشة كركم
م ص بكن باودر
ملح

الطريقة:
ابشري البطاطس برش خشن ثم اخلطي باقي المكونات وخليها ربع ساعة او نص ساعة ثم ابدي اقليها بزيت غزير وحار وبعدين قصري النارعليها لحد ما تستوي من داخل ثم حطيها على ورق ماص و قدميها وبالعافية..

هذي صورة الخليط قبل القلي..



وهذا بعد القلي..

حبيبتي غررومه...خاطري اسوي ورق العنب بطريقتك
بس ماتحسي كمية الليمون والزيت كثير؟
كيف الطعم حامض مرره أو يكون مناسب بعد مايستوي؟؟؟
الله يحفظك وينولك إللي ببالك عيني

واهنيه معاها بيتزا "بعجينة دموع يائسة" وسمبوسك :) ..





وهذا "السمبوسك خضار وجبن وكبة ، وكبة بطاطا" وقت قليها :22: ..





وهذي دوائر التوست المحشية "الحشوة: دجاج مسلوق ومنتف مع حمسة جزر وبصل وفلفل اسود ومدهون التوست بشوية مايونيز وخردل"..







صينية خصار سويته بالبشاميل روووووووعة وخفيفة :32:..

المقادير:
خضار "جرز ، بطاطس ، بروكلي ، زهرة "
بشاميل ماجي أو كنور
زبدة
فلفل اسود وملح

الطريقة:
اسلقي الخضار بماء حار وملح الا بروكلي خليه بالماء الحار 5 دقايق وطلعيه لانه ما يتحمل طباخ وااااايد..
سوي البشاميل عادي مع حليب وشويه فلفل اسود "بس خليه شوي رايب اكثر من المعكرونة بشوي"..
حطي الخضار المسلوقة بصينية الفرن "الأفضل البايركس" ، وقلبيها واهيه حارة بالزبدة والفلف الاسود وشويه ملح لاننا ملحناه بماء السلق..
ثم صبي البشاميل عليه ودخليه الفرن لمدة 15 دقيقة 150-160 من تحت وبس اذا حابه تحمرينها على ذوقج بس احنا ما نبيها مقرمشة حلاتها طرية مثل الجبن الكريمي..
وهذي صورتها..

الستيك بصوص المشروم رووووووووووووعة قليلة عليه..

المقادير:
1-2 كيلوستيك لحم عجل مقطع لستيكات صغيرة الحجم نسبيا "العجل صغير السن ألذ وهو المستخدم"
تتبيلة الستيك : شوية خل ، 2م ك روب ، 1م ك ثوم مهروس ، ملح ، شوية فلفل اسود
زيت وزبدة لقلي الستيك " ك زيت وم ك زبدة لكل قطعة لانها سميكة"

الطريقة:
تبلي الستيكات بالتتبيلة لمدة ساعة..
حمي الزيت والزبدة وحمري الستيك فيه لحد مايتحمر ثم قصري النار وخليه لحد ما يستوي على الاخر مع تقليبه من وجه لاخر لمدة 10-15 دقيقة وديري بالج يحترق..
لحد ما ننتهي من كل الكمية..

الصوص:
1 ك بصل جوانح
1 ك فطر"المشروم" طازج مقطع شرائح "المعلب ماينفع"
2 م ك صوص صويا
1 ك ماء
زبدة

الطريقة:
اقلي البصل بشوية زيت وزبدة وم ك صوص صويا لحد مايذبل ثم ضيفي المشروم م ك صلصة الصويا وقلبي 5 دقايق ثم قلبي وخليها 5 دقايق ثانية وبعدين ضيفي الماء وخليه لحد مايتسبك على نار متوسطة ثم هادئة مع التحريك بين فترةو اخرى وينشف 3\4 الماء ..
وهذي صورة صوص المشروم..





بصينية بايركس صفي الستيك بقاع الصينية ثم حطي الصوص عليهم ودخليهم الفرن لمدة 10 دقيقة 130 من تحت ثم قدميه..





ببرو ستيك مع بطاطا بيوريه وصوص بني ..

المقادير:
1كيلوستيك لحم عجل مقطع لشرائح صغيرة
تتبيلة الستيك : شوية خل ، 2م ك روب ، 1م ك ثوم مهروس ، ملح ، شوية فلفل اسود
1 ك فليفة مقطعة شرائح
زيت وزبدة لقلي الستيك

الطريقة:
تبلي الستيك المقطع بالتتبيلة لمدة ساعة..
حمي الزيت والزبدة وحمري شرائح الستيك فيه لحد مايتحمر ثم ضيفي الفليفة وقلبي ثم قصري النار وخليه لحد ما يستوي مع التقليب..

الصوص البني..
المقادير:
م ك طحين
م ك زبدة
1 ك ماء سلق دجاج أو لحم

الطريقة:
حمري الطحين بالزبدة ثم ضيفي مرق السلق شوي شوي مع التقليب المستمر لحد ما يبدا يجمد شوي "قوامه يكون مثل قوام الكاتشاب" ، اطفي النار وخليه..

البطاطا بيوريه..

المقادير:
2 بطاطا متوسطة مسلوقة ومهروسة ناعم
3\4 ك حليب
1\4 ك كريمة سائلة
ملح وفلفل اسود

الطريقة:
اخلطي البطاطا المهروسة مع الحليب بس ضيفي شوي شوي لحد ما توصلين للقوام للي تحبينه..

وهذي صورة الطبق مع البطاطا والصوص..




وهذي التشريبة بمرق أمس :42: ..